Hechos 20:35 - Kaxinawá Bíblia (BR)

³⁵ Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Kashinawa : Diosun Jesúswen taexun yuba bena yiniki

³⁵ Jaska inun, nukun Xanen Ibu Jesúsun nuku yusinkin yuikin: “Tsuada nuitapakin jawada bi benimamisbuki. Jakia tsuanda nuitapaibu medabewakin inain benimachakayamamisbuki”, jatu wani shinain: “Chikishama dayakin nuitapaibu medabewakubainxankanwen”, akin en matu yusinkubainmiski— iwanan,

Hechos 20:35 Referencias Cruzadas

Provérbios 19:17

Nuitapaibu merabewakĩ hau hawẽ dayanũ mã hatu pei inãyumisrã, Senhor Deus mã inãyua keskaki. Nuitapai pewaima keska wakĩ Senhor Deusũ manakukĩ ana inãshanikiki.

Isaías 32:8

Hamẽ ha huni shinã pepa duapaburã, habu hãtxai yubakatã pe besti washãkanikiki. Haska yubakashina hawa betsa wama mestẽwãtã apakeshãkanikiki.

Isaías 35:3

Hanushũ babubu hatu shinã txãkãwãkĩ punu nukabu hatu kushipa wakãwẽ.

Mateus 10:8

Haska wakĩ isĩ teneaibu shushawakĩ mawabu bestẽwãkĩ yuraki txaminibu kayawakĩ yushĩ txakabu hayabu kaĩmakĩ akubaũtãkãwẽ. Na kuxipa hawa pakama mã bishuwẽ taea habiaskari wakĩ habias kuxipawẽ hatu merabewakĩ hawẽ hatũ hamapai hatu yukayamakubaũtãkãwẽ.

Hechos 20:20

Ea haska wabiabu dasibibũ besuuria inũ matũ hiwe betsa betsapa anushũ matu yusĩkĩ matu merabewanũ, iwanã, hawa meseki dakeama ẽ matu yusĩ heneama iniki.

Hechos 20:34

hakia haskama ea ẽ hatube dayai hawa hatu bika tenemama haska ea inũ habũ hamapai hayama bikatsis ikĩ mekenẽ dayakĩ ẽ bikubainima mã nuku unaiĩ.

Hechos 20:36

hatu yusĩ menetã Paulo dãti ikaya habe dãti iki keyuabu hau Deusũ hatu mekekubaĩshanũ Paulõ hatu yukashũtã meneaya

Romanos 15:1

Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.

1 Coríntios 9:12

Yauxiama yusĩnã betsabu mã pakamiski. Nukũ dukũ Jesus Cristokiri nũ matu yusĩaĩ mã ikũwaĩmawẽ taeshũ itxapa mã nuku devepakemiski. Na haskakiri nũ matu haska wa matũ yuikĩ: “Nuku yusĩmisshũ nukũ pei bikĩ nuku pakamakĩ taewaikiki”, iwanã, nukukiri mã xinãtxakayamanũbũ hawara mã nuku devea hawẽ nuiama Cristõ kakape besti mã txibanũbũ hawara mã nuku devea matu yukama nũ habiaska hiwekũkainaii.

2 Coríntios 11:12

Deusũ daya ẽ amis keska habũ ea mawapaikĩ hau hawawẽra kẽyamanũbũ hatu nemakĩ haska matũ pei bikĩ ẽ matu itxakawaisma ẽ habiaska besti ikũkaĩshanaii.

2 Coríntios 11:9

Hanua matu anu yusĩ hiweyui kashũ ẽ hawa hayamabia matu daketapa wakatsi ikama ẽ xinãyã nukũ betsabu Macedônia anushũ haska ẽ hayama ẽ binũ hatũ pei ea bumayamabuki. Mã ma ea haska wayamawẽ taea matu anu ana ẽ kakenã, mã ea ayama keska besti ea wakubaĩshãkãwẽ.

2 Coríntios 12:13

Ha inũ, haska ikũwaĩbu maniabu dasibi duawakĩ ẽ yusĩmis maturi ashũkubaĩkĩ hatũ pei ẽ bibiamis matuna ẽ matu yukama ikimaki. Matũ pei mã ea inãkatsi ikama xinãkĩ matu bikawakatsi ikama matũ merabewati yukama ẽ kaneimamẽkaĩ. Matube hiweshũ matũ hamapai merabewati biama matũ huĩti ẽ nixmawaimamẽkaĩ. Ẽ haskakĩ kaneimakẽ ẽ txakabu ea hakimakãwẽ.

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Efésios 4:28

Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

1 Tesalonicenses 4:11

Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.

Hebreus 13:3

Ha inũ, Jesus ikũwaĩbuwẽ taeshũ bitxiti hiwe anu hatu bitxiabu hatuwẽ petxiama hatuwẽ nuikĩ matu habe bitxiabu keska xinãkĩ hatu merabewakubaĩshãkãwẽ, haskai nuitapaibu unãkinã. Ha inũ, hatu itxakawaibuwẽ nuikĩ hatu merabewakãwẽ, habiaskari matu waibu mã metiru xinãkinã.

3 João 1:7

Habunã, Jesus Cristokiri yusĩtanũ ika bushũ haska hatũ xinãnẽ habũ ikũwãbuma daketapawatirubumaki, hamapai xarabu hatu yukakinã.