Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa
Efésios 3:2 - Kaxinawá Bíblia (BR) Hakia Deus matuwẽ nuikĩ hawẽ kakape ea matu yusĩmaimarã, haskakiri ẽ ikairã, mã daka unaĩ. Kashinawa : Diosun Jesúswen taexun yuba bena yiniki Jakia Dios matuwen nuikin jawen kakape ea matu yusinmaimadan, jaskakidi en ikaidan, man daka unain. |
Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa
hanua Paulo inũ Barnabé hawa dateama dasibibũ nĩkaibũ judeu shanẽ ibubu haskaibu hatu kemakĩ: —Deusũ kakape hawẽ bakekiri mã judeubu dukũ nũ matu yusĩ taewanũ Deusũ nuku yunukĩ nitxĩbiaimakẽ nũ matu yusĩaĩ nukũ yusĩa danãkĩ hawẽ pepai hiweibi hiweti mã bikakatsi ikabumaki. Mã haskaya matu henebaĩ nawabu judeubuma anu nũ hatu yusĩ kaii.
ẽ Shanẽ Ibũ ea nemakĩ: “Txaihaira yurabu betsa betsapa judeubuma anu ẽ mia yunuaii. Hari karitãshãwẽ!” ea waniki— hatu wai
haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,
Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.
Mã ebetã Jesus ikũwaĩ Israelbumaã, ẽ eskaki, matu yuinũ nĩkakãwẽ. Hau Israelbuma betsa betsapabu anu ẽ hatu yusĩkubaũshanũ Deusũ hãtxa yuishunika hawẽ kuxipaya Jesusũ ea washũ ea nitxĩniwẽ taea ẽ hawẽ daya pe haya ashuĩ ẽ benimakũkainaii. Haskakẽ matu yusĩkubaũkĩ haska Jesus Cristo mã ikũwaĩbu enabu Israelbu hatu ikũwãmakatsis ikĩ haska mã ikũwaĩ hawẽruai benimaibũ hawẽ hatu kemumakĩ hatiriburi hatũ xinã ẽ betsa wamakatsis ikũkainaii, hau Deusũ hatu mekeriashanunã.
Haskakẽ Deus ewẽ nuikĩ ea duawakĩ hawẽ hãtxa yuishunika kuxipa ea waniwẽ taeshũ matu yusĩnũ ea nĩkakãwẽ. Haska matu tibibu Deusũ duawakĩ matu ikũwãmakeakea xinãkĩ unãtã matũmebi xinã txakakĩ yuikĩ: “Ẽ huni pepakẽ Deusũ ea katuniki”, iwanã, xinaĩ ibubis kẽhairayamakubaĩkãwẽ, betsabube hãtxairã.
Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.
Haskati dabanẽ ẽ Israelĩ babawẽ taeshũ judeubũ beya dasibi txibãkubaĩkĩ Jesus ikũwaĩbu bari betsatiã ẽ hatu itxakahairawakĩ ẽ hatu yamawakĩ keyukatsis ikai mã ekiri nĩkanibuki.
Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.
Ha haska waniwẽ taea Deus duapa ewẽ nuikĩ hawẽ kaka pepa ẽ yusĩkubaunũ ea yununiki, haska wakĩ hawẽ kuxipahaira ea uĩmakinã.
Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.
Deus dasibi damiwanitũ hawẽ xinã meribi bari itxapa hunenitũ ẽ matu dasibi unãmanũ haska shabakabi wakatsis ikĩ Deusũ matu anu ea yununiki.
Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.
Hanushũ nuku tibi duawakĩ hawẽ kuxipa nũ hayanũ nuku inãkatsis ikĩ Cristõ nuku tibi abukĩ inãpakeikiki, ha kuxipawẽ nũ dayanũbunã.
Matukiria kaka huai ẽ nĩkamiski, mã Jesus Cristo ikũwaĩ nukubetã ikũwaĩbu betsa hatube abunamei mã hatuwẽ nuimis nĩkairã.
Haska inũ, mai hirabi anushũ Deusũ kakape hawẽ bakekiri nĩkatã ikũwãbauni pakĩ yurabũ hatu uĩmabaunaibu keskai mã ikairã, txanima habias habiaskari matu anuri tashniai mã hayaniki, haska Deus duapakiri hãtxaibu nĩkai: “Txanimaki”, itã mã ikũwãniburã.
Na nemati tibi hayawẽ Deusũ kaka pepa hawẽ bakekiri Deus duapahairatũ ea yusĩtã haska ẽ txanikũkaunũ ea yununiki.
Tsuabũra hatũ shenipabu hiwenibu tanakubainaibu inũ hatũ shenipabũ beya hawẽrua keska hatu yusĩ txakaibu hau nĩkayamanũbũwẽ, ha miyuirã, hamẽkirã. Haska yuimisbube hãtxanamei hau hamẽyamanũbũwẽ. Haska Deusũ abuai hawa hatu amakĩ merabewatirubumaki. Hakia Jesus Cristo ikũwãkĩ besti haska Deus yubakani abukĩ ikũwaĩ besti mã hiwetirubuki.
Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.
Haskawẽ taeshũ Deusũ ea katutã hawẽ bakekiri kaka pepa judeubuma ẽ hatu yusĩkubaunũ ea yunukĩ Jesusũ kuxipaya ea wanishũ ea yusĩnã waniki.