1 Timóteo 2:7 - Kaxinawá Bíblia (BR)

⁷ Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.

Kashinawa : Diosun Jesúswen taexun yuba bena yiniki

⁷ Jaskawen taexun Diosun ea katutan jawen kakape yuixunika ea wakin Jesucriston kushipaya ea watan judiobuma anu na yusian Jesucristokidi chanima en ja ikunwain en chanikauanun ea yununiki. Na jaska mia yuikinan, chani chakakin en mia yuiamaki.

1 Timóteo 2:7 Referencias Cruzadas

João 7:35

haskai nĩkai judeu shanẽ ibubu yuinamei yuka iki: —Hani ka nũ betxiama itiru txani ikimẽkaĩ, harã? Nukunabu nawabube txai hiwebaunabu anu kashanũ ika xinaĩ ikimẽkaĩtsa? Gregonawabũ Deus unãbumanu yusĩtanũ ika ikimẽkaĩ?

Hechos 14:27

keti itã mapekexinabũ hanushũri Jesus ikũwaĩbube itxashũ bukubauni haskatãxinabu inũ habu judeubumã hau habũri Jesus ikũwanũbũ natiã Deusũ hatu kenaya shabakabi haska hatu yusĩkubaũtãxinabu dasibi hatuki txanitã

Hechos 22:21

ẽ Shanẽ Ibũ ea nemakĩ: “Txaihaira yurabu betsa betsapa judeubuma anu ẽ mia yunuaii. Hari karitãshãwẽ!” ea waniki— hatu wai

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 1:9

Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

Romanos 10:14

Haskakẽkaĩ hau Deusũ hatu mekekubainũ habũ Cristo ikũwãriabumanã, haskatã Cristo ea atirubumaki. Ha inũ, tsuabũra Cristokiri yusĩabu hawa nĩkariabumã hawẽ kakape ikũwãtirubumariki. Ha inũ, hatu yusĩriabumanushũ Cristokiri hawa tapĩtirubumariki.

Romanos 11:13

Mã ebetã Jesus ikũwaĩ Israelbumaã, ẽ eskaki, matu yuinũ nĩkakãwẽ. Hau Israelbuma betsa betsapabu anu ẽ hatu yusĩkubaũshanũ Deusũ hãtxa yuishunika hawẽ kuxipaya Jesusũ ea washũ ea nitxĩniwẽ taea ẽ hawẽ daya pe haya ashuĩ ẽ benimakũkainaii. Haskakẽ matu yusĩkubaũkĩ haska Jesus Cristo mã ikũwaĩbu enabu Israelbu hatu ikũwãmakatsis ikĩ haska mã ikũwaĩ hawẽruai benimaibũ hawẽ hatu kemumakĩ hatiriburi hatũ xinã ẽ betsa wamakatsis ikũkainaii, hau Deusũ hatu mekeriashanunã.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 9:1

Jesus Cristo eã ẽ ikũwaĩwẽ taea haki dasishũ ikũkĩ txanima hãtxa ẽ matu yuiaii. Yushĩ Pepatũ ẽ xinã mestẽwãshũ ea yuimai ẽ hawa matu paraĩ txani txakamaki.

1 Coríntios 9:1

Hamẽ enakiriri matu yuinũ nĩkakãwẽ. Damasco baiwẽ ẽ kai Jesus hanu eki nukutã ea uĩmaxĩshũ nukũ Shanẽ Ibũ hawẽ tsuma kuxipaya betsa ea wakĩ ea yununiwẽ taeshũ tsuã ea yunuamawẽ taea haska matu anu ẽ dayai kashũ nukũ Shanẽ Ibũ daya ẽ matu uĩmakĩ Deusũ kaka pepa matu yusĩkubaũkĩ mã Corinto anuabu Jesus ẽ matu ikũwãmaniwẽ taeshũ ẽ Jesusũ kuxipaya betsabu keska habias daya ẽ hayabiakẽ matũ mã ea danãtirubumaki.

2 Coríntios 11:31

Ẽ haska txani keãyã nukũ Shanẽ Ibu Jesus Cristõ Epa Deusũ ẽ hãtxa nĩkakĩ txanima hãtxa besti ẽ yuiai unaĩkiki, ha ikibi ini yurabũ kẽwãkubaĩshanaibunã.

Gálatas 1:20

Deusũ ẽ xinã txanima unãyã ẽ matu keneshũkĩ yuiairã, txanimaki.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Gálatas 2:9

Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.

Gálatas 3:9

Haskakẽ Abraãonẽ ikũwãyã Deusũ duawani keska wakĩ tsuabũra hawẽ bake ikũwaĩbu Deusũ duawariamiski, hiwekuĩmakinã.

2 Timóteo 1:11

Haskawẽ taeshũ Deusũ ea katutã hawẽ bakekiri kaka pepa judeubuma ẽ hatu yusĩkubaunũ ea yunukĩ Jesusũ kuxipaya ea wanishũ ea yusĩnã waniki.

2 Pedro 2:5

Ha dikabi Noé hiweatianã, ha mai ha dukũ damiwani anu yurabu txakabubu kupinũ, iwanã, hatũ txakabu hakimakatsi ikama Deusũ hene yunushũ habu hasai keyuaibũ Noé pashashanũ ika hawẽ hiwea txakabu buama Deuskiri besti txanikũkaĩkĩ hawẽ yurabu sete besti habube pashaya hanua habuã Noẽ hãtxa nĩkakĩ Deus nĩkaisbuma hatũ txakabuwẽ hasai keyunibukiaki.