Romanos 1:5 - Kaxinawá Bíblia (BR)

⁵ Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Kashinawa : Diosun Jesúswen taexun yuba bena yiniki

⁵ Jaskawen taexun Jesucristo en ikunwaniwen ea duawakin Jesúsun kushipaya Diosun ea waniken yuda betsa betsapa tibitun jau jabundi Jesucristo ninkatan chibankin kenwanxanunbun jawen daya axunkin en jatu tapinmakubaunaii.

Romanos 1:5 Referencias Cruzadas

Malaquias 1:11

Yura shukuabu tibi matunabuma mai hirabi anu manibauna ewẽ datekĩ hanira hiwebaunabu anushũ ea kẽwãkĩ sheni inĩti ea inãkuĩkĩ kuakubaĩkĩ hawara pepa besti ea menushũriamisbuki.

Malaquias 1:14

Hawẽ txashuwã shukuabu anua txashuwã bene pepa hawa isĩ teneama mã tsuara haya ea yubabiaimashũ hakia txipu txashuwã txakabu beshũ ea inãkĩ matu menumakĩ ea matu parãmaibu ha huni txakabuwamanikarã, kupikĩ ẽ yupushanaii. Hanua betsarã, nawa shukua betsa betsapa ewẽ datekubaĩkanikiki, matu keskamarã. Shanẽ ibuhairatũ shanẽ ibu dasibi binu keyuarã, ẽ eaki. Ea paranũ, iwanã, hau shinãyamakubainũbũwẽ”, akĩ Senhor Deus kushipahaira dasibi binu keyuatũ haska matu yuikiki.

João 1:16

Deusũ dasibi pepa nuku inãtiruwẽ taea nukuwẽ nuikĩ nuku tibi hawẽ aka kuxipa tibi betsa betsapa nuku inãkeakemiski, txakabu katumamarã.

Hechos 1:25

hau Judasĩ hawẽ txakabuwẽ taeshũ hawẽ kuxipa daya benutã hanu nuitapai kakẽ hau hawẽ daya kuxipa betsã binunã— atã

Hechos 15:14

Jesus ikũwaĩbu Deusũ hawenabu hatu wariakĩ merabewani hau nukube ikubaĩshanũbũ haska bebũkiri tatesmakĩ Deusũ judeubumari katuyama Simãonẽ ma nuku yuishuki.

Hechos 6:7

Hanushũ Deusũ hãtxa Jesuskiri kakape hatu yusĩpakekubainaibũ hatũ hãtxa nĩkakĩ Jerusalém anushũ ikũwaĩ itxai pakubainaibũ ha haskaibũ habiatiãri Deusbe hawenabu hãtxashunika itxapabũri Jesus ikũwãrianibukiaki.

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 12:3

Haskakẽ Deus ewẽ nuikĩ ea duawakĩ hawẽ hãtxa yuishunika kuxipa ea waniwẽ taeshũ matu yusĩnũ ea nĩkakãwẽ. Haska matu tibibu Deusũ duawakĩ matu ikũwãmakeakea xinãkĩ unãtã matũmebi xinã txakakĩ yuikĩ: “Ẽ huni pepakẽ Deusũ ea katuniki”, iwanã, xinaĩ ibubis kẽhairayamakubaĩkãwẽ, betsabube hãtxairã.

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

Romanos 3:29

Ha inũ, nukũ mekenika Deusrã, judeubuna bestimẽ? Haskawẽ taea yura dasibi shukua betsa betsapa hiwebaunabu hatu mekeismamẽ? Haskamaki. Txanima dasibi Jesus ikũwaĩbu nuku mekemiski, judeubu inũ hãtxa betsa betsapa tibiyarã. Nukũ mekenika Deus bestitxai hayaki.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

1 Coríntios 9:2

Mae betsa anuabũ ea unãti watã: “Harã, Jesusũ kuxipaya betsamaki”, akĩ ea danãbiaibũ matunã, ẽ matu yusĩa nukũ Shanẽ Ibu ikũwãtã mã haki dasiniwẽ taeshũ ẽ Jesusũ kuxipaya txanima mã unaiĩ.

Efésios 1:12

Deusũ nuku dukũ katukinã, ha dukũ nukũ xinãwẽ Cristo nũ manashanũbũ nukukiri xinãmati waniki, haskawẽ taeshũ dasibibũ hawẽ kuxipa pepa nũ kẽwãkubaĩshanũbunã.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.