Efésios 1:10 - Kaxinawá Bíblia (BR)

¹⁰ Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.

Kashinawa : Diosun Jesúswen taexun yuba bena yiniki

¹⁰ Diosun janu menenunbadikatsi jaska bebunkidi yubakani kaneama aniki. Jaskawen taexun Diosun Cristo xanen ibuwani ja mekemakin keyuxun yunumakatsi dasibi nai anua inun mai anua jaki dasiwatan tsumamaxanikiki, Diosun jatu ichawanunbadiaitianan.

Efésios 1:10 Referencias Cruzadas

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Amós 9:11

Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.

Malaquias 3:1

Senhor Deus kushipa dasibi binu keyuatũ matu yuikĩ: “Ẽ hãtxa bunika ea bebũ ẽ nitxĩshanaii, hau hatũ ẽ hanu kashanai bebũkiri hau ea bai pewashũshanunã, ikĩ Senhor Deus ẽ matũ shanẽ ibu mã ea benakubaĩmisbu hanu eki nukuti Templo anu hawairakaĩ ẽ hikishanunã. Haska ẽ yubakani ẽ hãtxa matu bushuĩ ma kaikiki, ha uinũ ika mã ikubainaiburã”, ikaya

Mateus 25:32

ẽ nai tsumabũ ea hatu itxawashũkĩ keyushũshãkanikiki. Hanushũ haska txashuwã mekenikã hawẽ txashuwã pashkamis keska wakĩ dasibi enabu txashuwã kayabi keskabu ẽ yusiuri hatu itxawatã ha enabuma txashuwã kayabi keskabuma ẽ yusmauri ẽ hatu itxawariashanaii.

Marcos 1:15

taewakĩ: —Na habiatiã Deus ma nenu shanẽ ibuikiki. Haskakẽ mã Deuskiri txakabumis henetã ẽ kakape ekiri ikũwãkubaĩkãwẽ— hatu wanikiaki.

1 Coríntios 10:11

Ẽ shenipabu txakabukubiranaibu Deusũ haskaibu hatu kupinikiri hau habiaskari nũ iyamashanũbũ bebũkiri haska ikaibukiri Deusũ hãtxa nuku keneshunibuki, nukuri bari hawẽ henei keyuaitiã hiwea nũ haskariayamashanũbunã.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

Efésios 1:22

babu watã mekemaniki, hamapai betsa betsaparã. Hanushũ Deusũ Cristo ha ikũwaĩbu hawẽ shanẽ ibuhaira hatu washuniki, ha hatũ bushka wakinã.

Efésios 2:15

Deusũ Moisés yunua hawẽ hãtxa kenekĩ hawẽ yunuti inũ hawẽ nemati haska txibaĩ nũ danãnanãrabei hiweshũ xinaĩ nũ ibiakubaĩmisbũ ana nuku haska hiwemakatsi ikama natiã yura shuku dabe wama hawenabu bestitxai keska nuku waniki, yura bena nuku wakinã, nũ judeubu inũ mã judeubumarã. Haska wakĩ nuku unãnuma hiwetiwaniki.

Efésios 3:15

hatũ dasibi hawenabu nai anua inũ mai anua ma hatũ kena haya mekearã.

Efésios 3:2

Hakia Deus matuwẽ nuikĩ hawẽ kakape ea matu yusĩmaimarã, haskakiri ẽ ikairã, mã daka unaĩ.

Colosenses 1:16

Cristowenã, Deusũ dasibi nai anua inũ mai anua nũ uĩtiru inũ nũ uĩtiruma yushĩ betsa betsapa kuxipayabu inũ paepabu Cristowẽ damiwanikiaki. Haska damiwakinã, Cristowẽ taeshũ atã Deusũ Cristo hawena wamaniki.

Colosenses 1:20

Haska inũ, Jesus cruzkia mawai hawẽ himi nuku habashuniwẽ taeshũ nukũ txakabu Deusũ buashũ hakimakĩ nuku hakimawatã ana nukuki sinatakatsi ikama Deus nuku daewamakĩ hawẽ haibuaibu nuku wamatã hiweabu mai hirabi anu inũ nai anu Cristoki dasitã hanus nuku shukuwakatsi Deusũ hatu dasibi pewakĩ keyukĩ daewanikiaki, yurabu inũ yurabumarã.

Colosenses 3:11

Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Hebreus 11:40

Deusũ hatu haska wakinã, haska yubakani habu bebũshũ besti akatsi ikama nukubukiriri xinãkĩ hanus nuku shuku watã haska yubakani pehaira nuku inãkatsi nuku hatube itxawashanikiki, hiwekuĩa anu nuku hatube hiwemakinã.

Hebreus 9:10

Ha inũ, hawẽ yubati hãtxa bena Deusũ yuiriama haska wakĩ hau pishanũbũ inũ, haska wakĩ hau nushushanũbũ inũ, haskai pepai hau datxukishanũbũ yusĩkĩ hatũ yura bestikiri Deusũ hatu yununi hawẽ hatu merabewayuniki. Hakia natiã na habias hãtxa txibãkĩ tsuã ibubis hatũ xinã mekekĩ pewatirubumaki.

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ