Efésios 1:9 - Kaxinawá Bíblia (BR)

⁹ Cristowẽ nukũ txakabu buakatsi bari itxapa hawẽ xinã Deusũ hunenishũ hawẽ duapawẽ ma shabakabi nuku tashnimashuniki, nuku unãmakinã.

Kashinawa : Diosun Jesúswen taexun yuba bena yiniki

⁹ Cristowen nukun chakabu buakatsi badi ichapa jawen shinan Diosun junenixun jawen duapawen ma xabakabi nuku taxnimaxuniki, nuku unanmakinan.

Efésios 1:9 Referencias Cruzadas

Salmos 33:11

Hakia Deusũ hawẽ daya ewapa hawẽ hiwekaĩti hatu tashnimashunirã, hawa beshtekeama mestẽ ikibi ika ipashanikiki.

Jeremias 2:29

Dasibibu mã eki ha imisbuki, eki sinatai ea danã paepawairã. Ea ẽ Senhor Deusũ ẽ txanima hãtxawẽ ẽ matu mestẽwaiĩ.

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Lucas 12:32

Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

Hechos 13:48

hanushũ hatu haska wai nĩkatã judeubumã nĩkai xinã txãkaĩ benimakĩ yuikĩ: —Deusũ kakape pehairaki— ikaibu dasibi habu Deusũ katushũ hiwekuĩa hatu inãshanai habuã Jesus ikũwãnibukiaki.

Hechos 2:23

Haska yubakani Deusũ ha huniwẽ abainai xinãma haska wai beshtenũ, iwanã, matũ hawẽ bake danãkĩ haki yubakatã hatu atximatã tenãmanũ, iwanã, huni txakabu mã hatu mastamaimaki.

Hechos 4:28

Haska dasibi bebũkiri mĩ hakiri yubakani hau haska wai bunũbũ mĩ yuinirã, txanima haska keskarã, habunã, ma akimabuki.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

Gálatas 1:12

Hakia hunibũ katutã ea yusĩabumabiakẽ Jesus Cristo bestitũ ibubis hawẽ meketi shabakabi ea unãmaniki.

Gálatas 1:15

Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.

Efésios 1:11

Haska wanũbarikatsi Deusũ bebũkiri Cristowẽ nũ judeubu dukũ nuku katuniki, haska Deusũ hamebi xinaĩ keskawẽ nuku duawaya nũ hawenabu ipakeshanũbunã.

Efésios 1:8

Deusũ nuku haska wakinã, dasibi binuatũ nuku unãnepa wakĩ haska nuku pe nĩkanika wakĩ hawa yauxiama Deusũ nuku ashuniki.

Efésios 3:11

Hanushũ mai damiwariama Deus ikibi ini yubakani anũbariai akinã, nukũ Shanẽ Ibu Jesus Cristowẽ nuku ashuniki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.