haska nũ nĩkairã, tsuã ikũwãtirumẽ? Senhor Deusũ hawẽ kushiparã, tsua shabakabi ma uĩmaimamẽ?
Efésios 1:19 - Kaxinawá Bíblia (BR) Ha dikabi Deus matu yukashũkĩ haska hawẽ kuxipa binu keyua keyuisma nũ ikũwaĩbu nuku merabewamis mã unãnũbũ Deus ẽ matu yukashũriakubainaii. Ha kuxipa Deus hamebi hayarã, haska dasibi watiru haya nuku unãmakĩ Kashinawa : Diosun Jesúswen taexun yuba bena yiniki Ja dikabi Dios matu yukaxunkin jaska jawen kushipa binu keyua keyuisma nun ikunwainbu nuku medabewamis man unanunbun Dios en matu yukaxundiakubainaii. Ja kushipa Dios jamebi jayadan, jaska dasibi watidu jaya nuku unanmakin |
haska nũ nĩkairã, tsuã ikũwãtirumẽ? Senhor Deusũ hawẽ kushiparã, tsua shabakabi ma uĩmaimamẽ?
Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.
Tsuabũra Deusũ kakape nĩkatã ikũwaĩbu Deusũ habũ txakabu buakĩ ana xinãma hawẽ kuxipa paewẽ hawenabu hatu wamisshũ mekepakeshanikiki. Haskawẽ taea ha dukũ judeu hatiribũ ikũwãkĩ taewanibuki. Hanushũ ha katxu judeubuma betsabũri ikũwãriakanikiki. Haskakẽ Deusũ kakape Jesus Cristokiri yuikĩ datã akĩ hawa hawẽ dakeama ẽ hatu yusĩkubainaii.
Ha inũ, Deusũ yusĩkĩ hawẽ pepakiri nuku tapĩmaya dasibi kuxipa Deusuna inũ nukũmebi nũ hawauma hau mã unãnũbũ nukũ yura babuhaira, mai xumu pusimis keskabianu hawẽ kakape nukũ huĩti merã nuku netãtã hawẽ tsumabu Deusũ nuku waniki.
Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.
Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.
Haska inũ, hamapai nũ yukamis inũ hamapai betsa betsapa nũ xinãriama inũ nũ yukariama hawẽ kuxipahairawẽ Deusũ nuku ashũtiruwẽ taeshũ niti ikama kẽwanãkãwẽ.
Ha haska waniwẽ taea Deus duapa ewẽ nuikĩ hawẽ kaka pepa ẽ yusĩkubaunũ ea yununiki, haska wakĩ hawẽ kuxipahaira ea uĩmakinã.
Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.
Hanua hushũ habiaskari kuxipawẽ hamapai dasibi meke keyumistũ nukũ yura babu atimapa betsa wakĩ benawashanikiki, hawẽ yura txasha keska nuku wariakinã.
Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.
Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii.
Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.
Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.