2 Coríntios 5:17 - Kaxinawá Bíblia (BR)

¹⁷ Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

Kashinawa : Diosun Jesúswen taexun yuba bena yiniki

¹⁷ Januxun tsuabunda Cristo ikunwain jaki nukui dasiayadan, jabun shinan xeni Diosun betsa waya jawada mekin chakabuwamis jenetan jatun Xanen Ibu Cristo chibanun ika yuda bena keskabuki.

2 Coríntios 5:17 Referencias Cruzadas

Salmos 51:10

Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Ezequiel 18:31

Ea sinatamakubaĩkĩ matũ txakabu haska mã akubainai henetã shinã pepa shinãkĩ yushĩ pepa bena bikubaĩkãwẽ. Tsua mã mawayamanũ, iwanã, ẽ betxipaiamawẽ taea Israelĩ enabuũ, kupia yumaĩ haskai mã mawashanai? Matũ txakabu hene keyutã hiwei perikubaĩkãwẽ, ẽ hawẽ taeshũ ẽ matu kupiyamashanunã. Ana txakabuwama hiwei pe bestikubaĩkãwẽ, akĩ ea Senhor Deusũ ẽ hãtxa txanima ẽ mestẽwaiĩ”, ikaya ẽ hatu yuishuniki, Israelĩ enaburã.

Ezequiel 36:26

Matu haska watã huĩti anu shinã bena inũ ẽ yushĩ kushipa bena ẽ matuki mistushanaii, ha matũ huĩti kushi mishki keska tsekatã huĩti nuikipa mistukinã.

Mateus 12:33

—Hi pepa bimiai hawẽ bimi txakabuismaki. Hamẽ hi txakabu bimiai hawẽ bimi pepaismariki. Haskawẽ taeshũ hawẽ bimi tibiwẽ hi mã unãmiski. Eãnã, ẽ pe yusĩkubaĩmiswẽ taeshũ Satanásã kuxipa ẽ hayamaki. Hakia Deusũ kuxipa ẽ haya ẽ pepaki.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

João 14:20

Ha shabatiã haskakaĩ ẽ Epaki ẽ dasia mã unãyã hanua matuki ana nukui ẽ matuki dasiriatã ẽ matube nipakeshanai mã unãshanaii.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 15:5

Earã, ẽ mibã tashu keskaki. Maturã, mã hawẽ mebi keskabuki. Ebe haibunamekĩ bimi itxapaya keskakĩ mã Deus benimawatiruki. Eauma mã hawayatirumahairaki.

João 17:23

Mia inũ ea nũ dasinikẽ habuberi ẽ dasiaya habu yura bestitxai keska hau ishanũbũ ẽ mia hatu yukashunaii. Haskaibu mai hirabi anuabũ hatu uĩkĩ mĩ ea yununi inũ haska wakĩ mĩ ea abumis haburi mĩ aburiairã, habũ unãtirubuki— iwanã,

João 3:3

Jesusũ ana yuikĩ: —Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka

João 3:5

hanushũ Jesusũ yuikĩ: —Haskamaki. Txanima ẽ mia yuiai nĩkawe. Yura kayabi meranua kaĩyãnã, yura kayabi ikubaĩmisbuki. Ha inũ, Yushĩ Pepatũ kaĩ benamatã hatuki hikitã hatu yauxikĩ mekekubaĩmiski. Ha inũ, hene inũ Yushĩ Pepawẽ naxiabumarã, Deus shanẽ ibuaiki mã nukutirubumaki. Hakia ha dabewẽ pepakubainaibu haki mã dasitirubuki.

Romanos 16:10

Ha inũ, Jesus Cristo dayashuni bika betsa betsapa mebiai txĩtuĩsma Apeles ẽ hãtxa ea yuishũriashãkãwẽ. Ha inũ, Aristóbulo hawenabube hiweabu haburi ẽ hãtxa ea hatu yuishũriashãkãwẽ.

Romanos 16:11

Ha inũ, enabu Herodião shũska ea yuishũriashãkãwẽ. Ha inũ, hawenabubetã Jesus txibaĩbu Narcisobe hiweabu ẽ hãtxari ea yuishũriashãkãwẽ.

Romanos 16:3

Haska inũ, Priscila inũ hawẽ bene Áqüilã ebetã Jesus Cristokiri yusĩmisbu ẽ hatu xinãmiski. Yurabũ ea itxakawaibu habũ ea merabewai ea mawashũkeanibu inũ ewẽ taea haskanibu bestima nukube itxamisbu Israelbumari hatubetã nũ hatu kẽwãkubaĩmisbu Deusũ hau hatu duawanũ ẽ hãtxa ea hatu yuishũshãkãwẽ.

Romanos 16:7

Ha inũ, enabu Andrônico inũ Júnia habube ea bitxiniburã, ẽ ikũwãriamakẽ habũ dukũ ikũwãnibũ haskawẽ taeshũ dasibi Jesus Cristõ kuxipaya yununikabũ hatu unãkĩ hatukiri xinãkĩ kẽwãmisburi ẽ hãtxa ea hatu yuishũshãkãwẽ.

Romanos 16:9

Ha inũ, Urbanõ ebetã Jesus Cristo dayashũmis inũ ẽ haibuhaira Estáquis shũska ẽ hãtxa ea yuishũshãkãwẽ.

Romanos 7:6

Hakia ma nũ Cristo ikũwaĩbu nũ ma habe mawa keskakẽ ha dukũ Moisés Deusũ hawẽ yunuti inũ nemati kenemaniwẽ nuku ana yunuamaki. Hakia natiã ana kene sheni ana paema nũ txibãmakẽ Yushĩ Pepa kuxipatũ besti nuku yusĩkĩ nuku pe mekekubainikiki, bai bena nuku txibãmakinã.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 13:11

Eskaki. Nĩkairakãwẽ. Bake mixtĩbũ pesheixta unãkĩ hawẽ hãtxawẽ yuikĩ hawẽ xinãnẽ xinãkĩ hawara bake mixtĩbũ unãmis eãri ẽ unãniki. Hakia huni ewatã bakeixtã xinã henetã huni ewã xinãnẽ ẽ xinãmiski.

2 Coríntios 12:2

Ma 14 bari kakẽ nai binua keyatapahaira anu Deus hiwemis pepanu ẽ yura kasmai ẽ yushĩ besti Deusũ ainitã ha hãtxa tsuã shabakabi yuitiruma Deusũ ea yuiniki. Haskara watã ea aininirã, ẽ yura kasmai ẽ yushĩ besti ea uĩmani Deusũ besti unaĩwẽ taeshũ eã ẽ matu yuitirumaki.

2 Coríntios 5:16

Haska inũ, nukunã, haska ikũwãbumã xinaĩ hãtxamisbu keska nũ ana hatũ xinã keskamaki. Ha dukũ Cristokiri xinãkĩ: “Yura kayabi bestiki”, iwanã, nũ xinãbiaya Deusũ nuku ma betsa wakẽ betsahaira Cristokiri nũ ma xinaiĩ.

2 Coríntios 5:19

Na habias Deusũ xinãni ẽ matu ana yuiai ea nĩkakãwẽ. Cristowẽ yurabũ txakabu ana xinãtimawani Cristobe Deus dayakĩ yura dasibibu hatu haibuwakatsis ikĩ habũ Cristo unãtã ikũwaĩ hau unãnuma hiwekubaĩshanũbũ na txanima hãtxa nũ hatu yusĩkubainũ nuku yununiki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 2:15

Deusũ Moisés yunua hawẽ hãtxa kenekĩ hawẽ yunuti inũ hawẽ nemati haska txibaĩ nũ danãnanãrabei hiweshũ xinaĩ nũ ibiakubaĩmisbũ ana nuku haska hiwemakatsi ikama natiã yura shuku dabe wama hawenabu bestitxai keska nuku waniki, yura bena nuku wakinã, nũ judeubu inũ mã judeubumarã. Haska wakĩ nuku unãnuma hiwetiwaniki.

Filipenses 4:21

Ea ẽ Paulonã, ẽ matukiri pe xinãkĩ mã ma dasibi Jesus Cristõ enabu meribikẽ ẽ hãtxa ẽ matu bumaii. Nukubetã Jesus ikũwaĩbu ebe hiweabũri matukiri xinãkĩ hatũ hãtxa pepa matu bumariakanikiki.