Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.
Apocalipse 22:20 - Kaxinawá Bíblia (BR) Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã. Kashinawa : Diosun Jesúswen taexun yuba bena yiniki Na jancha jatun ea pewamaitun yuikin: “Chanima en samama ana kaxanaii”, ikaki. Jabiaskaki. Nukun Xanen Ibu Jesucristoon, menan jawaida judiwe, nun mia shinainan. |
Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.
Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.
Deusũ hawẽ hãtxa yuishunika hãtxa wa hatu keneshũkĩ: “Ẽ haskakiri yubakairã, hawa manakubiranama hawaira iki hushanikiki.
Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.
Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.
Haskawẽ taeshũ Deusũ hãtxa inũ, Jesus Cristõ ea unãmaxina ẽ nĩkaxina inũ, dasibi ẽ uĩxina hawa txanitxakama ẽ matu yui kayabiaii. Ẽ hãtxa txanima uĩkĩ nĩkairakãwẽ.
Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.
nai tsumã ana ea yuikĩ: “Dasibi ẽ mia uĩmashu haska inũbarikiki. Haskawẽ taeshũ na Deusũ hãtxa huneama na mĩ una wai ma bari keyui kemai hawẽ unãshãkanikiki. Ana huneama shabakabi haska tibi kaĩkũkaini deskekũkaĩshanikiki.
Jesusũ ana ea yuikĩ: “Uĩa. Ẽ samama ana kashanaii. Kakinã, hatũ manakuti tibi ẽ hatu bushũshanaii, haska tibi hiwemisbu keska hatu inaĩ kairã.
Na hãtxa dasibi Deusũ ea bebũkiri uĩmashu nĩkatã ẽ matu yuiai nĩkairakãwẽ. Na dasibi hãtxa Deusũ ea yuishuyabi parananãkĩ tsuabũra ibubis hatũ hãtxa kenekĩ ana unakia kene txitxikĩ ewa watã yuikĩ: “Narã, dasibi Deusũ hãtxaki, txanimarã”, itirubu bebũkiri ẽ matu mesewaii. Tsuabũra haska washanaibu hatu kupikĩ ha itxakawati betsa betsapa ea yusĩshuwẽ Deusũ ana kupiti betsawẽ hatu kupishanikiki.
Jesusũri ea yuikĩ: “Uĩa. Ẽ samama ana kashanaii. Haskakẽ na hãtxa haskarara inũbariaikiri txaniai kenekĩ mĩ una wairã, tsuabũra ikũwãkĩ txibãshanaiburã, Deusũ hatu benimawashanikiki. Manayuwe”, ea washuki.