Apocalipse 22:19 - Kaxinawá Bíblia (BR)

¹⁹ Ha inũ, tsuabũra na hãtxa Deusũ ea yuishu ẽ una washukia ha unakia hãtxa betsa tere akaibuwẽ taeshũ Deusũ hawẽ benimai hiweti hi bimi haki tanabiayama hatu mebĩtã hawẽ mae pepa anu na unaki ea kenemashu keska wakĩ Deusũ hatu hikimama ishanikiki.

Kashinawa : Diosun Jesúswen taexun yuba bena yiniki

¹⁹ Ja inun, tsuabunda na jancha Diosun ea yuixu en una waxukia ja unakia jancha betsa tede akaibuwen taexun Diosun jawen benimai jiweti ji bimi jaki tanabiayama jatu mebintan jawen mae pepa anu na unaki ea kenemaxu keska wakin Diosun jatu jikimama ixanikiki.

Apocalipse 22:19 Referencias Cruzadas

Salmos 69:28

Habu hiweabu hatũ kena mĩ hatu kenemis ha una meranua tere awe! Huni pepabu mĩ hatu tanakĩ kenemis anu ha huni txakabũ kena kenekĩ netãyamawe!

Êxodo 32:33

hanushũ Senhor Deusũ Moisés kemakĩ: —Haskamaki. Tsuabũra ea danaĩ txakabuwaibu besti habuna besti ẽ tere akubaĩshanaii.

Lucas 11:52

—Deusũ hãtxa kenenibu yusĩnanãmisbuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii— hatu waya

Deuteronômio 12:32

hanushũ Moisĩ ana hatu yuikĩ: “Haska ẽ matu yusĩkĩ yunukubiranai akubaĩkĩ henetaskayamashãkãwẽ, hãtxa betsa tere akama inũ hãtxa betsa txitxikĩ betsa wamarã.

Deuteronômio 4:2

Haska ẽ matu yusiainã, ana betsa wakĩ txitxikĩ ewa wama inũ hãtxa betsa tere akama haska matũ mekenika Senhor Deusũ yunua besti txibaĩ pehairashũkubaĩshãkãwẽ.

Apocalipse 1:3

Tsuabũra na ẽ hãtxa hatu yuiaibu inũ habũ na hãtxa nĩkatã: “Txanimaki”, ikĩ txibãkubaĩshanaiburã, Deusũ habu benimawashanikiki, haska inũbariai txanini ma hamapai tashni taeai uĩnã.

Apocalipse 11:2

Hakia hawẽ kẽwãti Templo hemaĩtĩ Deusũ nawabu ma hatu yunuima hanushũ habũ 42 ushe Deus danãkĩ hawẽ mae pepa itxakawakubaĩshanaibu hemaĩtĩ anu tanayamawe.

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 14:13

Hanushũ nai anushũ hui betsa tashnikĩ ea yunukĩ: “Na hãtxa keneriwe. Na habia unuri pakea nukũ Shanẽ Ibuki dasitã mawakubaĩshanaiburã, Deusũ hatu benimahairawashanikiki”, ikaya hanushũ Yushĩ Pepatũri ea yuikĩ: “Habiaskaki. Haburã, hatũ daya henetã huĩrukũ bestishãkanikiki. Ha inũ, hamapai xarabu Jesus Cristo ashũkubaĩmisbuwẽ Deusũ hatu manaku bestishanikiki”, ea wai nĩkakĩ haskashanaibu ẽ uĩshuki.

Apocalipse 2:11

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, ana haria dabeki mawakĩ txi here meama ishãkanikiki’”, ea washu ẽ matu keneshunaii.

Apocalipse 2:26

Tsuabũra ea danãma txakabu maemakĩ binumisburã, hawa heneama haska ẽ abuai apakemisburã, hanu ẽ ana huai anu ẽ hatu shanẽ ibu wakĩ kuxipa washanaii, hau nawa shukuabu mekenũbunã.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.

Apocalipse 21:2

Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya

Apocalipse 21:5

hanua shanẽ ibu haki tsauti anushũ nukũ Shanẽ Ibũ ea yuikĩ: “Txanima hãtxa xinã kaya ẽ mia yuiai keneriwe, eskarã. Uĩa. Eãnã, dasibi ẽ bena wakĩ keyuaii”, itã

Apocalipse 22:12

Jesusũ ana ea yuikĩ: “Uĩa. Ẽ samama ana kashanaii. Kakinã, hatũ manakuti tibi ẽ hatu bushũshanaii, haska tibi hiwemisbu keska hatu inaĩ kairã.

Apocalipse 22:2

Haska ha bai kaya namakis hene kesha uke dabebi hawẽ hiwemati hi mapubaina ẽ uĩshuki. Hawẽ bimi betsa betsapa ushe tibi betsa maei bimimisbuki, hau Deusunabũ pipakeshanũbunã. Ha inũ, habia hi peiwẽ yurabũ hamapai betsa betsapa tenekubainaibu hawẽ peiwẽ shushatirubuki.

Apocalipse 22:7

Jesusũri ea yuikĩ: “Uĩa. Ẽ samama ana kashanaii. Haskakẽ na hãtxa haskarara inũbariaikiri txaniai kenekĩ mĩ una wairã, tsuabũra ikũwãkĩ txibãshanaiburã, Deusũ hatu benimawashanikiki. Manayuwe”, ea washuki.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.