Amós 5:16 - Kaxinawá Bíblia (BR)

Eska Mekenika Deus kushipahaira dasibi binu keyua Senhor Deusũ matu yuikiki: “Hanu kupinũ ika ẽ huai anu hemaĩtĩ hanu itxa huĩrukũmisbu shaba tibi anua datei kashabaunaibũ mae bai tibi anua mapua kashai bis bis ibaunaibũ hatũ yunu bai anu dayaibu haburi itxatã kashaibũ peiwẽ taea hatu kashashuni bis bis imisbu haburi datei kasha txakayamaibũ uva bai anu dayaibu kashariashãkanikiki”, akĩ haska Senhor Deusũ ea yuishinaki.

Amós 5:16 Referencias Cruzadas

Joel 1:11

Mã dayakapa bai anu dayanikabuũ, matũ uva bana inũ matũ shekiwã trigo inũ cevada bai anu mã banamis matũ mibã dasibi ma benui keyukẽ mã hania ana tsekatimawẽ taea punu nuka kashakubaĩkãwẽ.

Joel 1:14

Anibu unanepabu inũ nukũ mai pakea anu hiwebaunabu hatu yuikãwẽ. Nukũ mekenika Senhor Deus kẽwãti hiwe Templo hemaĩtĩ anu itxatã samakekĩ hanushũ merabe Senhor Deus yukashãkãwẽ.

Joel 1:15

Ma pemahaira huaya nũ peirakãwã! Senhor Deusũ hanu kupishanai ma kemaikiki. Shaba mesehairatiã nuku dasibibu unãti wakĩ kushipa dasibi binu keyuatũ hawẽ kupitiwẽ yamawabaũshanikiki.

Joel 1:8

Hamẽ betsarã, beneyakatsi habe yubakaima ma mawakẽ nui tari besha sawea bis bis iki kashakũkaini keskai

Amós 3:13

Mekenika Deus kushipahaira dasibi binua Senhor Deusũ hawẽ hãtxa txanima mestẽwãkĩ yuikĩ: “Matubũ ẽ hãtxa nĩkatã Jacó enabu txakabumisbukiri shabakabi hatuki txanikubaĩshãkãwẽ.

Amós 5:27

Damasco uke betsauri txaihaira anu ẽ matu hatu iyumakubaĩshanaii, ana haria txĩtũkirãtimawakinã”, akĩ Mekenika Deus kushipahaira dasibi binu keyuatũ ea yuishinaki, hawẽ kena Senhor Deusũnã.

Amós 8:10

Mã besiaibutiã hanu ẽ matu tenãyã mã bis bis ishanai inũ mã kãtai matu betsa wakĩ mawa beabu mã kasha txakayamashanaii. Minabu mawabuwẽ nui hawẽ punu nuka hawẽ unãmati besha tari sawea nui tenehairai mashtekei mã mawerẽ ishãkanaii. Matũ huni bake bestitxai mawakẽ ana hania bitima nui kasha txakayamai keskai dasibi huĩti nishmai keyushãkanikiki.

Amós 8:3

Ha shabatiã Deus kẽwãti hiwe hemaĩtĩ anua kẽwaĩ kãtabiai betsatani bis bis ibaunaibu ha yurabu mirima hatu tenã keyuabu tsuãra hune hatũ yura sharabaĩbaĩkĩ hatu urẽshãkanikiki— ea akĩ Senhor Jeová hawẽ hãtxa mestẽwãshinaki.

Miquéias 1:8

Samaria anu yushibu dami kẽwaĩbu beya pae tsuã nemakĩ hatũ txakabu hatu shusha watirubuma Judá enabu hari hatũ mai pakea anu Jerusalém anu hanu enabu hiweabu anuri na habũ atimapa hatu amaibu ma hikiriawẽ taea huĩti nishmahaira ẽ kasha txakayamakũkaĩshanaii. Haskawẽ taea nikauni bitxi taeuma inũ, tariuma nia kamã inu keskai kashakũkauni inũ, yuinaka peiya avestruz keumis keskai ẽ nia ketãshanaii.

Miquéias 2:4

Ha shaba haskaitiã mã hatũ shanẽ ibububia nui paewẽ kashakĩ matunabu saĩ ikĩ kashakĩ matukiri habuwashãkanikiki: ‘Dasibi ma nuku txakabuwakĩ keyuabuki. Nukũ mai pakea Senhor Deusunabiakẽ huni betsabũ ma nuku ibuwaĩmabuki, mã hawa hatu nemamarã. Nukũ yunu bai dasibi mebĩtã nukuri atxitã nuku ma pashkakĩ keyuabuki, ibuwãkinã’, iwanã, kashabetanã matu ha akubaĩshãkanikiki”, hatu wanikiaki.

Apocalipse 18:10

ha keska tenekatsis ikama datei txai mapubaũshũ yuikĩ: ‘Yuu, yuu. Babilônia mĩ mae ewapa kuxipabiakẽ hawaira Deusũ kupikĩ mia yamawashuki.’

Apocalipse 18:19

hatũ beya txibaĩ mai mixpu kuru maputukui kashai saĩ ikĩ bis ikĩ yuikĩ: “Aitaa. Aitiĩ. Dasibi shashuwãyãbu Babilônia anu kashũ hatũ mabu pepa hawẽrua inãnanãtã pei mirima bibirã bibiranaibu ha mae ewapa ma hawaira yamashuki”, akĩ yuishãkanikiki, ea waya