Amós 8:3 - Kaxinawá Bíblia (BR)

³ Ha shabatiã Deus kẽwãti hiwe hemaĩtĩ anua kẽwaĩ kãtabiai betsatani bis bis ibaunaibu ha yurabu mirima hatu tenã keyuabu tsuãra hune hatũ yura sharabaĩbaĩkĩ hatu urẽshãkanikiki— ea akĩ Senhor Jeová hawẽ hãtxa mestẽwãshinaki.

Amós 8:3 Referencias Cruzadas

Joel 1:11

Mã dayakapa bai anu dayanikabuũ, matũ uva bana inũ matũ shekiwã trigo inũ cevada bai anu mã banamis matũ mibã dasibi ma benui keyukẽ mã hania ana tsekatimawẽ taea punu nuka kashakubaĩkãwẽ.

Joel 1:13

Matu mã nukunabu Deusbe hãtxashunikabuũ, Senhor Deus kẽwãti hiwe Templo anu dayakĩ shekiwã trigo duru inũ uva vinhowẽ nukũ mekenika Deus hawẽ txi tapu anushũ mã ana inãkuĩtirubumaki. Haskawẽ taea matũ tari pepa pekatã nui tari besha sawetã nuitxakayamai kasharikubaĩkãwẽ.

Joel 1:5

Mã paenawãbuũ, bestẽtã uĩkãwẽ. Uva bimi hene ma pema pema akaibu matu mebĩshanaibuwẽ taea vinho anikabuũ, kasharikãwẽ.

Amós 4:10

Senhor Deusũ ana yuikĩ: “Haska Egito anu atimapa betsa betsapa ẽ hatu yununi keska wakĩ isĩ betsa paepa matu anu ẽ yunuimaki. Matuki sinataibube detenamei matũ bake berunãbu hau mawanũbũ ẽ hatu heneimaki, hatu merabewamarã. Matuki sinataibũ matũ cavalo itxapa matu biãtã matu buaĩbu ẽ hawa matu nemashunama ikimaki. Detenamei mawashinabu txapui pisi maiai matũ hiwe tibi anushũ ẽ matu shetemaimaki. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

Amós 5:16

Eska Mekenika Deus kushipahaira dasibi binu keyua Senhor Deusũ matu yuikiki: “Hanu kupinũ ika ẽ huai anu hemaĩtĩ hanu itxa huĩrukũmisbu shaba tibi anua datei kashabaunaibũ mae bai tibi anua mapua kashai bis bis ibaunaibũ hatũ yunu bai anu dayaibu haburi itxatã kashaibũ peiwẽ taea hatu kashashuni bis bis imisbu haburi datei kasha txakayamaibũ uva bai anu dayaibu kashariashãkanikiki”, akĩ haska Senhor Deusũ ea yuishinaki.

Amós 5:23

Ha mã ea kẽwaĩ kãtai matũ hui kaiainã, ea nĩkamai ikama hamakiri besua ikãwẽ. Ha matũ mimawati harpa hui kaiainã, ẽ nĩkakatsi ikamariki.

Amós 6:4

Hanushũ piti itxapa washũ pi elefante makushpi mabu wati benibuwẽ hawẽ dakati hawẽruahaira wanibu hanu bashti itã dakai petã txashuwã bake inũ ina awã bake shua nami matu shuishunabu beyuskĩ mã pikubaĩmisbuki.

Amós 6:5

Mimawati betsa betsapa Davĩ ani keska hatu amatã Davĩ mawani keska wama unãmabia unanumas teperewe mã mawa pewaismaki.

Amós 6:8

Nukũ Deus kushipahaira dasibi binua Senhor Jeová ibubis hãtxakĩ eska ea yuishinaki: “Jacó enabu ibubis kẽkubainaibu danaĩ ẽ hatuki sinatahairakũkainaii. Hatũ hiwe ewapa hawẽrua betsa betsapa tibi betxipaiama hatũ maewã inũ hawara dasibi haya hatuki sinataibu yunukĩ dasibi hatu inãkĩ hatu atximatã ẽ hatu ibu wamashanaii”, ikĩ hawẽ hãtxa mestẽwãshinaki.

Amós 8:10

Mã besiaibutiã hanu ẽ matu tenãyã mã bis bis ishanai inũ mã kãtai matu betsa wakĩ mawa beabu mã kasha txakayamashanaii. Minabu mawabuwẽ nui hawẽ punu nuka hawẽ unãmati besha tari sawea nui tenehairai mashtekei mã mawerẽ ishãkanaii. Matũ huni bake bestitxai mawakẽ ana hania bitima nui kasha txakayamai keskai dasibi huĩti nishmai keyushãkanikiki.