Amós 8:2 - Kaxinawá Bíblia (BR)

² Senhor Deusũ ea yukakĩ: —Amósĩ, mĩ hawa uiaĩ?— ea wa eã kemakĩ yuikĩ: —Kukiki bimi hushĩhaira mata tsaua ẽ uiaiĩ— ẽ wa Senhor Deusũ ea yuikĩ: —Israelĩ enabu hatũ txakabuwenã, ma bimi hushĩhaira keskabuki. Hatũ txakabu tere akĩ ẽ ana besti wakĩ hatu buashũkatsi ikamahairaki.

Amós 8:2 Referencias Cruzadas

Isaías 28:4

Ha hua hawẽruabiaima ma utsiaya mananãshũ tenãmã uĩkĩ mai pepa anua yunu banaimabu keskabia hawaira keyushãkanikiki, ha figo bimi hanu ikaitiã ha dukũ hushiã uĩkĩ tsekashũ pimisbu keskairã.

Ezequiel 3:10

ana ea yuikĩ: “Dasibi ẽ mia yuai pes nishũ nĩka pehaira wakĩ mĩ bushka merã netãwẽ, hakimatimairã.

Ezequiel 3:7

Hamẽ mia hanu yunuama ha dasibi Israelĩ enabu huĩti kushibu inũ besu kushibu habũ ea nĩkaisbumawẽ taeshũ miari nĩkama ishãkanikiki.

Amós 7:8

Senhor Deusũ ea yukakĩ: —Amósĩ, ẽ mekẽ anua hawa mĩ uiaĩ?— ea wa eã kemakĩ yuikĩ: —Hawẽ nitxĩ yushtumawati unãti mĩ hayaki— ẽ wa hanushũ ea yuikĩ: —Na nitxĩ pemẽkaĩ, iwanã, unãtiwẽ enabu Israelburã, haska hatũ shinã pewẽ hiwekubaĩkanimẽkaĩ, iwanã, ẽ hatu unãti wakubaĩshanaii. Hatũ txakabu tere akĩ ẽ ana hatu buashunama ishanaii.

Amós 8:1

Hanushũ Mekenika Senhor Jeová ana betsa ea uĩmashina matu yuinũ ea nĩkakãwẽ. Kukiki bimi hushĩhaira mata tsaua ẽ uiãyã

Miquéias 7:1

Bimi ma tseka keyuabu uva bimi batapa inũ figo bimi batapa pinũ, iwanã, benakĩ ẽ hawa betxiama ẽ peirawa! ẽ ikai keskari.