1 Timóteo 4:3 - Kaxinawá Bíblia (BR) Ha hunibũ yusĩanã, aĩyaĩ inũ beneyatikiri inũ piti betsa tibikiri piaibu nemamisbuki. Hakia Deusũ piti xarabu damiwani tsuabũra habũ Cristo ikũwaĩbũ txanima unãkĩ Deus kẽwãtã pitirububiakẽ ha piti betsakiri hatu nemamisbu habũ mesewakĩ yusĩaĩbu nĩkakĩ txibãshãkanikiki. Kashinawa : Diosun Jesúswen taexun yuba bena yiniki Ja junibun yusianan, ainyain inun beneyatikidi inun piti betsa tibikidi piaibu nemamisbuki. Jakia Diosun piti shadabu damiwani tsuabunda jabun Cristo ikunwainbun chanima unankin Dios kenwantan pitidububiaken ja piti betsakidi jatu nemamisbu jabun mesewakin yusiainbu ninkakin chibanxankanikiki. |
hanushũ yurã kaiã yunukĩ: —Ha basiki shukuakeakea tsaukãwẽ— hatu wa manibaunaibũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ nuku inãkĩ yunua ha yurã kaiã nũ hatu inãbaũkĩ keyua
Hawara yurabũ piabu hawa hatu txakabuwaismaki. Hakia yurabũ huĩti meranua hawara hãtxa txakabu xinaĩ anua tashnikĩ hatũ hatu txakabuwamiski, Deus sinatamakinã— hatu waya
ha sete misi inũ bakari bishũ Deus kẽwãtã misi tũkepakekĩ bakari tekepakekĩ nũ hawẽ tsumabu nuku inãpakea ha yurã kaiã nũ inãkeakebauna
habianushũ hatubetã pinũ ika bashti itã misi bishũ piti hayabuwẽ taeshũ Deus kẽwãtã tũkeshũ hatu inãyã
ha haskaibũ mae ewapa betsa Tiberíades anua shashu betsawẽ bei hanushũ Jesusũ Deus kẽwãtã hatu pimaxina anu keti itã Jesus inũ hawẽ tsumabu hatu benakubirani hawa hatu betxiama ana hawẽri butubirani hatũ shashuki inatã: “Cafarnaum anu kaxiãmẽkaĩ. Hari benanũ bukãwẽ”, itã hauri bui
haska hatu yuitã Paulõ misi bishũ dasibibũ besuuria dakeama Deus kẽwãtã misi tũkeshũ pikĩ taewaya
Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.
Ha inũ, haratubũra hamapai piti betsa betsapa danãma pimisbũ ikũwaĩ betsabũri piti betsa danaĩbu hatu ha akĩ dakewayamariakubaĩkãwẽ. Haska inũ, habiaskari wakĩ yura betsabũ hamapai betsa betsapa pimisbu haratubũra piti betsa danaĩbũ hatu ha akĩ dakewariayamakubaĩkãwẽ, Deusũ hawa hatu danaĩsmawẽ taeshunã.
Ha inũ, haratura shaba betsa meribi watã hanu nukũ Shanẽ Ibu kẽwãkĩ Deus duawakatsis ikĩ hau hanu akubainũbũwẽ. Ha inũ, tsuabũra nami inũ hamapai piti betsa betsapa danãma pimisbũ Deus duawanũ, iwanã, hau kẽwãtã pikubainũbũwẽ. Ha inũ, tsuabũra yunu besti pimisbunã, Deus duawanũ, iwanã, kẽwãtã hau haskas piriakubainũbũwẽ.
Hamẽ betsarã, piti pikĩ yaniwai nũ hiwenũ Deusũ piti nuku washuniki. Ha inũ, nukũ haturã, haki piti nanekĩ nũ yaniwa hiwenũ nukũ hatu nuku washuniki. Habiaskabiakẽ betsatianã, piti inũ nukũ hatu ha dabe yama washanikiki. Haska inũ, nukũ yurarã, eskaki. Nĩkakãwẽ. Nukũ yurawenã, hawẽ hamapai betsa betspabube txutanametima Deusũ nuku waniki. Hakia nukũ Shanẽ Ibu Jesusunaki, nukũ yurarã. Na nukũ yurawẽ nukũ Shanẽ Ibu nũ dayashũtiruki.
Hamẽ mã aĩyãriama aĩyaĩnã, hawa txakabumaki. Aĩbu beneyariama beneyariairã, hawa txakabumariki. Haskabia mã hanu biakanaĩtiãnã, mã bika tenetiru ẽ matu nematirubia haska mã ikatsis ikai ibubis katukĩ xinãkãwẽ.
Judeubu hatũ beya tibi hayabuki. Haska inũ, hatũ beya betsa txibãkĩ piti dasibi pitirubumabia piti betsa besti pitirubuki. Haska inũ, hatũ beya betsa txibãkĩ hawẽ nushuti betsa atirububia betsa atirubumaki. Haska inũ, hatũ beya betsa txibaĩ itxatã besi betsa betsapawẽ besimisbuki, ushe benatiã inũ huĩrukũti sábado tibitianã. Haska tibi txibãkĩ amisbunã, hau matukiri haska xinaĩ ha iyamakubainũbũwẽ.
Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.
Hatunã, hakiri hawẽ kakape txanima dasibibũ unãkĩ hau ikũwaĩ mekeshanũbũ Deusũ abuikiki.
Hamapai piti xarabu Deusũ damiwatã: “Peki”, aniki. Haskawẽ taeshũ hawara Deusũ nuku inã bishũ pikinã, danãma kẽwãtã hau pikubainũbũwẽ.
Ikũwãbumã hau nukuki kasheyamanũbũ aĩbu beneyabiaima ma hawẽ bene mawa kasmai henebainima yushaburiabumarã, hau ana beneyakubainũbũwẽ. Haskatã bake bitã hatũ hiwe meranua pe dayakĩ hau hatu duawakubainũbũwẽ.
Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.
Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.
Mananãshũ hatu pimai kariama hikishũ hawaira benatãkãwẽ. Huriamakẽ nukunabũ piama manayumisbuki. Inabu tesẽshũ hawẽ sheni menu keyutã hawẽ kẽwãti nami huabu hamaki pitirubumaki. Hakia ha unãhaira hushũ ha piti ma hatu Deus kẽwãkĩ ma hatu pewashũkẽ tsuabura hatu kena bei itxashũ pimisbuki. Haskawẽ taea hawairabaĩritãkãwẽ, ikis hanua mã haki nukuairã— akeakeabu