1 Samuel 9:13 - Kaxinawá Bíblia (BR)

¹³ Mananãshũ hatu pimai kariama hikishũ hawaira benatãkãwẽ. Huriamakẽ nukunabũ piama manayumisbuki. Inabu tesẽshũ hawẽ sheni menu keyutã hawẽ kẽwãti nami huabu hamaki pitirubumaki. Hakia ha unãhaira hushũ ha piti ma hatu Deus kẽwãkĩ ma hatu pewashũkẽ tsuabura hatu kena bei itxashũ pimisbuki. Haskawẽ taea hawairabaĩritãkãwẽ, ikis hanua mã haki nukuairã— akeakeabu

1 Samuel 9:13 Referencias Cruzadas

2 Samuel 15:11

ha dikabi 200 hunibu Jerusalém anu hiweabu hawẽ hãtxa ikũwaĩ hawẽ txakabu unãriama Hebrom anu habe buriabũ

Mateus 14:19

hanushũ yurã kaiã yunukĩ: —Ha basiki shukuakeakea tsaukãwẽ— hatu wa manibaunaibũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ nuku inãkĩ yunua ha yurã kaiã nũ hatu inãbaũkĩ keyua

Mateus 26:26

nũ piaibũ Jesusũ misi betsa tsumashũ Deus kuxipa yukatã tũketã inãkĩ nuku yuikĩ: —Na misi betsarã, ẽ nami keskaki. Bibaũkĩ pikãwẽ— nuku wa ture betsa bitã metesh atãkĩ nũ pibaunaibũ

Marcos 6:41

Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi tũke tũke apakekĩ hawẽ tsumabu inãkĩ hatu yunua ha yurã kaiã inãbaunaibũ hanushũ baka daberi hatu inã hari hatu inã keyuabu

Lucas 24:30

habianushũ hatubetã pinũ ika bashti itã misi bishũ piti hayabuwẽ taeshũ Deus kẽwãtã tũkeshũ hatu inãyã

Lucas 9:16

hanushũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ hawẽ tsumabu inãkĩ hatu yunua ha yurã kaiã inãbaũkĩ keyuabũ

João 6:11

ha huni bake anua Jesusũ misi bitã Deus kẽwãtã misi tũkepakekĩ nuku inã ha tsauwabu nũ hatu inãbaunaya habiaskari wakĩ ha baka bitã tekepakekĩ nuku inãriaya nũ hatu inã hati pikatsis ikĩ bitã

João 6:23

ha haskaibũ mae ewapa betsa Tiberíades anua shashu betsawẽ bei hanushũ Jesusũ Deus kẽwãtã hatu pimaxina anu keti itã Jesus inũ hawẽ tsumabu hatu benakubirani hawa hatu betxiama ana hawẽri butubirani hatũ shashuki inatã: “Cafarnaum anu kaxiãmẽkaĩ. Hari benanũ bukãwẽ”, itã hauri bui

1 Timóteo 4:4

Hamapai piti xarabu Deusũ damiwatã: “Peki”, aniki. Haskawẽ taeshũ hawara Deusũ nuku inã bishũ pikinã, danãma kẽwãtã hau pikubainũbũwẽ.

1 Samuel 2:35

Hanushũ hawenabu ebe hãtxashunika shanẽ ibu betsa katukĩ ẽ kushipa washanaii. Hatũ pe shinãkĩ ẽ hãtxa inũ haska ẽ betxipaiai unãkĩ ea ashũkubaĩshanikiki. Haskawẽ taeshũ hawenabu shanẽ ibu kushipa ẽ katushanaii. Hau habũ ea dayashũkubaĩshanũbũ ha ebe hãtxashunika shanẽ ibu benã enabu pakubainaibu ẽ hatu hiwemakubaĩshanaii, niti akamarã.

1 Samuel 9:14

hanua ana mapekebaini hawẽ mae hikiti shui ma kemaibũ mananã meribi harishũ Deus kẽwãmisbu anu kai Samuel hatukiri hui tashnikirani huaya