အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၁ ရာ 22:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

ဒုက္ခရောက်​နေ​သူ​၊ အကြွေး​မ​ဆပ်​နိုင်​သူ​၊ ဘဝ​ကို ခါးသီး​စွာ​ခံစား​နေ​ရ​သူ​အပေါင်း​တို့​သည် သူ့​ထံ​လာရောက်​စုဝေး​ကြ​ရာ လူ​လေး​ရာ​ခန့်​ရှိ​၍ ဒါဝိဒ်​သည် သူ​တို့​ကို ဦးဆောင်​လေ​၏​။

အခန်းကိုကြည့်ပါ။

Common Language Bible

ညှင်း​ပန်း​နှိပ်​စက်​ခြင်း​ခံ​ရ​ကြ​သူ၊ ကြွေး​မြီ တင်​သူ၊ စိတ်​မ​ကျေ​မ​နပ်​ဖြစ်​သူ​မှ​စ​၍​စု​စု ပေါင်း​လူ​လေး​ရာ​ခန့်​တို့​သည် သူ​၏​ထံ​သို့ ဝင်​ရောက်​လာ​ကြ​သ​ဖြင့် ဒါ​ဝိဒ်​သည်​သူ​တို့ ၏​ခေါင်း​ဆောင်​ဖြစ်​လာ​လေ​သည်။

အခန်းကိုကြည့်ပါ။

Garrad Bible

သူ့ ထံ သို့ သွား ကြ သည့် ပြင် အ မှု ရှိ သူ၊ ကြွေး များ သူ၊ စိတ် မ ရောင့် ရဲ သူ ဟူ သ မျှ တို့ လည်း စု ရုံး ဝင် ရောက် ကြ သ ဖြင့် လူ လေး ရာ ခန့် အ ပေါ် တွင် ဒါ ဝိဒ် အ ကြီး အ ကဲ လုပ် လေ၏။

အခန်းကိုကြည့်ပါ။

Judson Bible

အ​မှု​ရောက်​သော​သူ၊ ကြွေး​တင်​သော​သူ၊ စိတ်​ညစ်​သော​သူ အ​ပေါင်း​တို့​သည်၊ သူ့​ထံ​မှာ​စု​ဝေး​ကြ၍ လူ​လေး​ရာ​ခန့်​ရှိ​သ​ဖြင့်၊ ဒါ​ဝိဒ်​သည် သူ​တို့​ကို​အုပ်​ရ၏။

အခန်းကိုကြည့်ပါ။



၁ ရာ 22:2
22 ပူးပေါင်းရင်းမြစ်များ  

ထို့ပြင် ဟုရှဲ​က “​အရှင့်​ခမည်းတော်​နှင့် သူ့​အမှုထမ်း​တို့​သည် စစ်သူရဲ​များ ဖြစ်​ကြ​သည်​သာမက တော​ထဲ၌​သားပျောက်​သော​ဝံမ​ကဲ့သို့ စိတ်နှလုံး​ခက်ထန်​နေ​မည်​ကို အရှင်​သိ​ပါ​၏​။ ထို့ပြင် အရှင့်​ခမည်းတော်​သည် သူရဲကောင်း​ဖြစ်​သည်​နှင့်အညီ လူ​အများ​နှင့်အတူ ညအိပ်​မည်​မ​ဟုတ်​ပါ​။


ယခင် အကျွန်ုပ်​တို့​ကို ရှောလု​မင်းကြီး​အုပ်စိုး​စဉ်​ကာလ​ကပင် အရှင်​သည် အစ္စရေး​လူမျိုး​ကို ဦးဆောင်ဦးရွက်​ပြု​ပေး​ခဲ့​သူ ဖြစ်​ပါ​၏​။ ထာဝရဘုရား​က​လည်း အရှင့်​အား ‘​သင်​သည် ငါ့​လူမျိုး​တော်​အစ္စရေး​တို့​ကို ကြည့်ရှု​စောင်မ​ရ​မည်​၊ အစ္စရေး​လူမျိုး​တို့​ကို အုပ်ချုပ်​ရ​မည်​’​ဟူ၍ မိန့်ဆို​တော်မူ​ခဲ့​ပါ​ပြီ​”​ဟု လျှောက်တင်​ကြ​၏​။


“​ငါ့​လူမျိုး​တော်​ကို အုပ်ချုပ်​သော​ဟေဇကိ​မင်းကြီး​ထံသို့ ပြန်သွား​ပြီးလျှင် သင့်​ဘိုးဘေး​ဒါဝိဒ်​မင်းကြီး​၏​ဘုရားသခင် ထာဝရဘုရား​က ‘​သင့်​ဆုတောင်းသံ​ကို ငါ​ကြား​ပြီ​။ သင့်​မျက်ရည်​ကို ငါ​မြင်​ပြီ​။ သင့်​ကို ငါ​ပြန်လည်​ကျန်းမာ​လာ​စေ​မည်​။ သုံး​ရက်​မြောက်​လျှင် သင်​သည် ထာဝရဘုရား​၏​အိမ်​တော်​သို့ တက်သွား​နိုင်​လိမ့်မည်​။


ပရောဖက်​အဖွဲ့သား​များ​၏​ဇနီး​သည်​များ​ထဲမှ အမျိုးသမီး​တစ်​ယောက်​က ဧလိရှဲ​အား “​အရှင့်​အစေအပါး အကျွန်ုပ်​၏​ခင်ပွန်း သေဆုံး​သွား​ပါ​ပြီ​။ အရှင့်​အစေအပါး​သည် ထာဝရဘုရား​ကို​ကြောက်ရွံ့ရိုသေ​ကြောင်း​ကို အရှင်​သိ​ပါ​၏​။ ယခု​မှာ ကြွေးရှင်​က အကျွန်ုပ်​၏​သား​နှစ်​ဦး​ကို ကျွန်​အဖြစ် သိမ်းယူ​ဖို့ လာ​ပါ​ပြီ​”​ဟု အော်ဟစ်​အကူအညီ​တောင်း​လေ​၏​။


ဆုံးပါး​တော့​မည့်​သူ​အား သေရည်သေရက်​ကို​လည်းကောင်း​၊ စိတ်​ဒုက္ခရောက်​နေ​သော​သူ​အား စပျစ်ဝိုင်​ကို​လည်းကောင်း ပေး​လော့​။


ဗတ္တိဇံ​ဆရာ​ယောဟန်​လက်ထက်​မှ ယခု​တိုင်အောင် ကောင်းကင်​နိုင်ငံ​တော်​သည် အတင်း​တိုးဝင်​ခြင်း​ကို​ခံရ​လျက် အတင်း​တိုးဝင်​သော​သူ​တို့​သည် ၎င်း​ကို​လုယူ​ဝင်စား​ကြ​၏။


ဝန်လေး​၍​ပင်ပန်း​သော​သူ​အပေါင်း​တို့၊ ငါ့​ထံသို့​လာ​ကြ​လော့။ ငါ​သည် သင်​တို့​အား​ငြိမ်သက်​ချမ်းသာ​မှု​ကို​ပေး​မည်။


အကြောင်းမူကား ခပ်သိမ်း​သော​အရာ​တို့​၏​အကြောင်းခံ​နှင့် ခပ်သိမ်း​သော​အရာ​တို့​၏​အရင်း​အမြစ်​ဖြစ်​တော်မူ​သော​ဘုရားသခင်​သည် များစွာ​သော​သား​တို့​ကို ဘုန်း​အသရေ​တော်​ထဲသို့​ခေါ်ဆောင်​လာ​ရာ​၌ သူ​တို့​၏​ကယ်တင်​ခြင်း​ကို​အစပြု​ဖြစ်တည်​စေ​သော​အရှင်​အား ဒုက္ခ​ဝေဒနာ​အားဖြင့် စုံလင်​စေ​တော်မူ​သည်​မှာ သင့်လျော်​ပေ​၏။


ထို့ကြောင့် ယေဖသ​သည် ညီအစ်ကို​တို့​ထံ​မှ ထွက်သွား​၍ တောဘ​ပြည်​တွင် နေထိုင်​၏​။ အခြေအနေ​မဲ့​သူ​တို့​သည် သူ့​ထံ​စုရုံး​လာ​၍ သူ​နှင့်​လိုက်​နေ​ကြ​၏​။


ဒန်​အမျိုးသား​တို့​က သူ့​အား “​ငါ​တို့​ကြား​အောင် အော်ကြီးဟစ်ကျယ် မ​ပြု​နှင့်​။ ဒေါသကြီး​သော​လူ​တို့​သည် သင့်​ကို​တိုက်ခိုက်​သဖြင့် သင်​နှင့်​သင့်​အိမ်သူအိမ်သား​တို့ သေ​သွား​ရ​လိမ့်မည်​”​ဟု ဆို​ပြီးလျှင်


ဟန္န​သည် စိတ်နှလုံး​ကြေကွဲ​စွာ​ဖြင့် ထာဝရဘုရား​ထံ ငိုယို​လျက်


ဒါဝိဒ်​သည် ထို​အရပ်​မှ မောဘ​ပြည်​၊ မိဇပါ​မြို့​သို့​သွား​၍ မောဘ​ဘုရင်​အား “​ဘုရားသခင်​သည် အကျွန်ုပ်​အား မည်သို့​ပြု​ပေး​မည်​ကို အကျွန်ုပ်​သိ​ရ​သည့်​အချိန်​ထိ အကျွန်ုပ်​၏​မိဘ​တို့​ကို အရှင့်​ထံ၌ ခိုလှုံခွင့်​ပြု​ပါ​”​ဟု လျှောက်ဆို​ပြီး


ထို့ကြောင့် ဒါဝိဒ်​နှင့် သူ့​နောက်လိုက်​ခြောက်​ရာ​ခန့်​တို့​သည် ထ​၍ ကိလ​မြို့​မှ​ချက်ချင်း​ထွက်သွား​ပြီး တစ်နေရာ​မှ​တစ်နေရာ​သို့ ရွှေ့ပြောင်း​သွားလာ​ရ​ကြ​၏​။ ထိုသို့ ဒါဝိဒ်​သည် ကိလ​မြို့​မှ ထွက်ပြေး​သွား​ကြောင်း​ကို ရှောလု​မင်းကြီး​ကြားသိ​လျှင် သူ​ဆက်​မ​လိုက်​တော့​ပေ​။


ထိုအခါ ဒါဝိဒ်​က မိမိ​လူ​တို့​အား “​ကိုယ့်​ဓား​ကိုယ် အသီးသီး​စွဲကိုင်​ကြ​လော့​”​ဟု ဆို​လျှင် သူ​တို့​သည် ကိုယ့်​ဓား​ကိုယ်​စွဲကိုင်​၍ ဒါဝိဒ်​သည်​လည်း မိမိ​ဓား​ကို​စွဲကိုင်​၏​။ လူ​လေး​ရာ​ခန့်​သည် ဒါဝိဒ်​နောက်သို့​လိုက်​၍ လူ​နှစ်ရာ​ခန့်​မှာ ပစ္စည်း​စောင့်​ရန်​ကျန်​နေ​ခဲ့​၏​။


လူ​အပေါင်း​တို့​သည် မိမိ​တို့​၏​သား​သမီး​များ​အတွက် စိတ်သောက​ရောက်​လျက် ဒါဝိဒ်​ကို ခဲ​နှင့်​ပေါက်သတ်​ရန် ပြောဆို​ကြ​သဖြင့် ဒါဝိဒ်​မှာ အလွန်​စိတ်ဒုက္ခ​ရောက်​ရ​လေ​၏​။ သို့သော် သူ​သည် သူ​၏​ဘုရားသခင်​ထာဝရဘုရား​ထံ​တော်​မှ အားယူ​လေ​၏​။


“​မနက်ဖြန် ယခုလို​အချိန်​တွင် ဗင်္ယာမိန်​ပြည်သား​တစ်​ယောက်​ကို သင့်​ထံသို့ ငါ​စေလွှတ်​မည်​။ ငါ​၏​လူမျိုး​တော်​အစ္စရေး​တို့​ကို အုပ်ချုပ်သူမင်း​အဖြစ် သူ့​ကို သင်​ဘိသိက်ပေး​ရ​မည်​။ သူ​သည် ငါ့​လူမျိုး​တော်​ကို ဖိလိတ္တိ​လူမျိုး​တို့​လက်​မှ ကယ်တင်​လိမ့်မည်​။ သူ​တို့​၏​အော်ဟစ်ငိုကြွေးသံ​သည် ငါ့​ထံသို့​ရောက်လာ​သည်​ဖြစ်၍ ငါ​၏​လူမျိုး​တော်​တို့​ကို ငါ​ကြည့်ရှု​ပြီ​”​ဟု ကြားသိ​စေ​၏​။