အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ယေ​ရ​မိ 44:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

“​အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘​ဂျေရုဆလင်​မြို့​မှစ၍ ယုဒ​မြို့ရွာ​အားလုံး​အပေါ် ငါ​ကျရောက်​စေ​သည့် ဘေးအန္တရာယ်​အလုံးစုံ​ကို သင်​တို့​တွေ့မြင်​ခဲ့​ကြ​ပြီ​။ ယခု ထို​မြို့ရွာ​တို့​သည် ပြိုပျက်​ရာ​ဖြစ်​၍ နေထိုင်​သူ​ပင် မ​ရှိ​တော့​ပေ​။

အခန်းကိုကြည့်ပါ။

Common Language Bible

ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင် အ​နန္တ​တန်​ခိုး​ရှင်​ထာဝ​ရ​ဘု​ရား​က``ယေ​ရု ရှ​လင်​မြို့​နှင့်​အ​ခြား​ယု​ဒ​မြို့​တို့​အား​ငါ အ​ဘယ်​သို့​ကပ်​သင့်​စေ​သည်​ကို သင်​တို့​ကိုယ် တိုင်​တွေ့​မြင်​ခဲ့​ရ​လေ​ပြီ။ ထို​မြို့​များ​သည် ယ​ခု​တိုင်​အောင်​ပင်​ယို​ယွင်း​ပျက်​စီး​ကာ လူ​သူ​ဆိတ်​ငြိမ်​လျက်​ရှိ​ကြ​၏။-

အခန်းကိုကြည့်ပါ။

Garrad Bible

ဗိုလ် ခြေ တို့ အ ရှင် ထာ ဝ ရ ဘု ရား၊ ဣ သ ရေ လ လူ မျိုး ၏ ဘု ရား သ ခင် က၊ ယေ ရု ရှ လင် မြို့ မှ စ သော ယု ဒ ပြည် မြို့ ရွာ တိုင်း အ ပေါ်၌၊ ငါ သင့် ရောက် စေ သည့် ဘေး ကို၊ သင် တို့ မြင် ရ ကြ ပြီ။ ဘိုး ဘေး တို့ မှ စ၍၊ အ ဆက် ဆက် မ သိ ဘူး သော အ ခြား ဘု ရား များ အား၊ မီး ဖြင့် ပူ ဇော် ဝတ် ပြု ရန် လှည့် သွား ၍၊ အ မျက် တော် တိုက် အ ဆိုး ပြု ကြ သည့် အ တွက်၊ ထို မြို့ ရွာ များ သည်၊ နေ သူ မဲ့ ဖုန်း ဆိုး ကုန်း ယ ခု ဖြစ် ရှာ လေ စွ။

အခန်းကိုကြည့်ပါ။

Judson Bible

ဣ​သ​ရေ​လ​အ​မျိုး၏​ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​သည်​ကား၊ ယေ​ရု​ရှ​လင်​မြို့ အ​စ​ရှိ​သော ယု​ဒ​မြို့​ရွာ အ​ရပ်​ရပ်​တို့​အ​ပေါ်​သို့ ငါ​ရောက်​စေ​သော​ဘေး​ဒဏ်​ကို သင်​တို့​သည် မြင်​ကြ​ပြီ။

အခန်းကိုကြည့်ပါ။



ယေ​ရ​မိ 44:2
25 ပူးပေါင်းရင်းမြစ်များ  

ရှမာရိ​မြို့​ကို တိုင်း​သော​မျဉ်းကြိုး​၊ အာဟပ်​မင်းမျိုးမင်းနွယ်​ကို တိုင်း​သော​ချိန်သီး​ဖြင့် ဂျေရုဆလင်​မြို့​ကို တိုင်းတာ​မည်​။ ပန်းကန်​ကို​သုတ်​သကဲ့သို့ ဂျေရုဆလင်​မြို့​ကို​သုတ်​ပစ်​ပြီး မှောက်​ထား​မည်​။


‘​ငါ​သည် အီဂျစ်​လူမျိုး​တို့​ကို စီရင်​ခဲ့​ပုံ​၊ သင်​တို့​ကို လင်းယုန်​၏​တောင်ပံ​များ​ပေါ်​တင်​၍ ငါ့​ထံသို့ ခေါ်ဆောင်​လာ​ခဲ့​ပုံ​တို့​ကို သင်​တို့​ကိုယ်တိုင်​သိမြင်​ခဲ့​ကြ​၏​။


မြို့​ထဲ၌ လူသူကင်းမဲ့​ကျန်​ခဲ့​ပြီ​။ မြို့​တံခါး​သည်​လည်း ရိုက်ချိုး​ခံရ​၍ ပျက်စီး​လေ​ပြီ​။


ထိုအခါ ငါ​က “​အို ဘုရားရှင်​၊ မည်မျှ​ကြာ​ပါ​မည်နည်း​”​ဟု မေးလျှောက်​ရာ ကိုယ်တော်​က “​မြို့​တို့​သည်​ပျက်စီး​၍ နေထိုင်​သူ​မ​ရှိ​၊ အိမ်​တို့​တွင် လူ​မ​ရှိ​၊ တစ်ပြည်လုံး​သည် ပျက်စီး​၍ လူသူကင်းမဲ့​သည့်​တိုင်အောင်​၊


တိုင်းပြည်​တစ်ပြည်လုံး​သည် ပြိုပျက်​ရာ​၊ လူသူကင်းမဲ့​ရာ ဖြစ်​လိမ့်မည်​။ ဤ​ပြည်သူပြည်သား​တို့​သည် ဘေဘီလုံ​ဘုရင်​ကို အနှစ်​ခုနစ်ဆယ် အစေခံ​ရ​လိမ့်မည်​။


ထာဝရဘုရား​က ‘အကယ်စင်စစ် ငါ​သည် ရန်သူ​တို့​ကို​အမိန့်ပေး​၍ ဤ​မြို့​သို့ ပြန်လာ​စေ​မည်​။ သူ​တို့​သည် ဤ​မြို့​ကို တိုက်ခိုက်​သိမ်းပိုက်​၍ မီး​ရှို့​ကြ​လိမ့်မည်​။ ငါ​သည် ယုဒ​မြို့ရွာ​တို့​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ်​ဖြစ်​စေ​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။


ခြင်္သေ့​သည် ပုန်းအောင်း​ရာ​မှ​ထွက်လာ​ပြီ​။ လူမျိုးတကာ​တို့​ကို​ဖျက်ဆီး​သော​သူ​သည် မိမိ​၏​နေရာ​မှ​ထွက်လာ​ပြီ​။ သင်​၏​ပြည်​ကို လူသူကင်းမဲ့​ရာ​အရပ်​ဖြစ်စေ​ရန် မိမိ​နေရာ​မှ​ထွက်လာ​ပြီ​။ သင်​တို့​၏​မြို့​များ​သည် ပျက်စီး​သွား​လိမ့်မည်​။ နေထိုင်​သူ​ရှိ​မည်​မ​ဟုတ်​။


သင်​တို့​၏​ဆိုးညစ်​သော​လုပ်ရပ်​၊ သင်​တို့​ပြု​သော စက်ဆုပ်ရွံရှာဖွယ်​အမှု​များ​ကို ထာဝရဘုရား​သည် ဆက်​၍​သည်း​မ​ခံ​နိုင်​တော့​ပေ​။ ထို့ကြောင့် သင်​တို့​ပြည်​သည် ယခု​ကဲ့သို့ ပြိုပျက်​ရာ​၊ ထိတ်လန့်စရာ​၊ ကျိန်ဆဲစရာ​၊ လူသူကင်းမဲ့​ရာ ဖြစ်​လေ​ပြီ​။


သင်​တို့​သည် နံ့သာပေါင်း​မီးရှို့ပူဇော်​ခြင်း​ဖြင့် ထာဝရဘုရား​ကို​ပြစ်မှား​ကြ​၏​။ ထာဝရဘုရား​၏​စကား​တော်​ကို နား​မ​ထောင်​ကြ​။ ထာဝရဘုရား​၏​ပညတ်ချက်​၊ ပြဋ္ဌာန်းချက်​၊ သွန်သင်ချက်​အတိုင်း မ​လိုက်လျှောက်​ကြ​။ ထို့ကြောင့် ယခု​ကဲ့သို့ ဤ​ဘေးအန္တရာယ်​သည် သင်​တို့​အပေါ် ကျရောက်​လေ​ပြီ​”​ဟု ဆို​၏​။


ငါ​သည် ယုဒ​မြို့​များ​၊ ဂျေရုဆလင်​မြို့​ရှိ​လမ်း​များ​ပေါ်မှ ရွှင်မြူး​ခြင်း​အသံ​၊ ဝမ်းမြောက်​ခြင်း​အသံ​၊ သတို့သား​အသံ​၊ သတို့သမီး​အသံ​တို့​ကို ရပ်စဲ​စေ​မည်​။ သို့ဖြစ်၍ ထို​ပြည်​သည်​လည်း ဆိတ်ညံ​ရာ​အရပ်​ဖြစ်​လိမ့်မည်​”​ဟု မိန့်​တော်မူ​၏​။


ကောင်းကင်​ဗိုလ်ခြေ​အရှင်​ထာဝရဘုရား​က “ငါ​နှင်ထုတ်​၍ အရပ်ရပ်​သို့​ရောက်သွား​သော​သူ​တို့​ထဲမှ ကြွင်းကျန်​သော​သူ​တည်းဟူသော ဤ​မကောင်း​သော​မျိုးနွယ်စု​ထဲမှ အသက်ရှင်​ကျန်ရစ်​သူ​အားလုံး​တို့​သည် အသက်ရှင်​ခြင်း​ထက် သေ​ခြင်း​ကို​ရွေးချယ်​ကြ​လိမ့်မည်​”​ဟု မိန့်​တော်မူ​၏​။


“ငါ​သည် ဂျေရုဆလင်​မြို့​ကို ကျောက်ပုံ​ဖြစ်​စေ​မည်​၊ ခွေးအ​တို့​ခိုအောင်း​ရာ ဖြစ်စေ​မည်​။ ယုဒ​မြို့​များ​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ် ဖြစ်​စေ​မည်​။”


လူ​စည်ကား​ခဲ့​သော​မြို့​ကြီး အထီးကျန်​နေ​ပါ​ပြီ​တကား​။ တိုင်းနိုင်ငံ​တို့​၏ အထွတ်​ရောက်​ခဲ့​ဖူး​သော​မြို့​ကြီး မုဆိုးမ​ဘဝ​သို့​ရောက်​ရ​ပါ​ပြီ​တကား​။ ပြည်တကာ​တို့​၏​ဘုရင်မကြီး အစေခံ​ဘဝ​သို့​ရောက်​ရ​ပါ​ပြီ​တကား​။


ထို့ကြောင့် ငါ​ငိုကြွေး​နေ​ရ​ပြီ​။ ငါ့​မျက်စိ​မှ မျက်ရည်​များ​စီးကျ​ရ​လေ​ပြီ​။ နှစ်သိမ့်ပေး​မည့်​သူ​၊ ငါ့​စိတ်ဝိညာဉ်​ကို ပြန်လည်​အားဖြည့်​ပေး​မည့်​သူ​သည် ငါ​နှင့်​အလှမ်းဝေး​လေ​ပြီ​။ ရန်သူ​က အနိုင်ရ​သောကြောင့် ငါ့​သားသမီး​တို့ ညှိုးငယ်​ရ​လေ​ပြီ​။


ဇိအုန်​တောင်​ပေါ်၌ လူသူကင်းမဲ့​သောကြောင့် တောခွေး​တို့ သွားလာ​နေ​ကြ​ပါ​၏​။


အကျွန်ုပ်​တို့​အပေါ် ဘေးဆိုး​ကြီး ကျရောက်​စေ​ခြင်း​ဖြင့် အကျွန်ုပ်​တို့​နှင့်တကွ အကျွန်ုပ်​တို့​ကို အုပ်စိုး​သော​အုပ်စိုးရှင်​တို့​အား ကိုယ်တော်​မိန့်​တော်မူ​ခဲ့​သည့်​စကား​တော်​ကို ပြည့်စုံ​စေ​တော်မူ​ပြီ​။ အကြောင်းမူကား ကောင်းကင်​တစ်ခွင်​အောက်​၌ တစ်ခါ​မျှ​မ​ဖြစ်​ဖူး​သော​အရာ​သည် ဂျေရုဆလင်​မြို့​တွင် ဖြစ်​လေ​ပြီ​။


ငါ​သည် သင်​တို့​၏​မြို့​များ​ကို ပြိုပျက်​စေ​၍ သင်​တို့​၏​သန့်ရှင်းရာဌာန​ကို လူသူကင်းမဲ့​စေ​မည်​။ သင်​တို့​၏​မွှေးကြိုင်​သော​ရနံ့​ကို​လည်း ငါ​ခံယူ​မည်​မ​ဟုတ်​။


သို့သော် သူ​တို့​သည် ငါ​၏​စီရင်ထုံးဖွဲ့ချက်​များ​ကို စွန့်ပယ်​၍ ငါ​၏​ပြဋ္ဌာန်းချက်​များ​ကို ရွံရှာ​ခဲ့​သောကြောင့် သူ​တို့​ကြောင့် စွန့်ပစ်​ထား​ခြင်း​ခံရ​၍ လူသူကင်းမဲ့​သူ​တို့​၏​ပြည်​သည် ဥပုသ်နေ့​၌ မွေ့လျော်​လိမ့်မည်​။ သူ​တို့​မူကား ကိုယ့်​အပြစ်​အတွက် ပြန်ပေးဆပ်​ရ​လိမ့်မည်​။


သို့ဖြစ်၍ သင်​တို့​ကြောင့် ဇိအုန်​မြို့​သည် လယ်​ကဲ့သို့ ထွန်ယက်​ခြင်း​ကို ခံရ​မည်​။ ဂျေရုဆလင်​မြို့​သည်​လည်း အပြိုအပျက်ပုံ​ဖြစ်​လိမ့်မည်​။ အိမ်​တော်​တည်ရှိ​ရာ​တောင်​သည်​လည်း တောအုပ်​ဖြစ်​လိမ့်မည်​။


သို့သော် ငါ့​အစေအပါး​ပရောဖက်​တို့​အား ငါ​မိန့်မှာ​ထား​သော​စကား​များ​နှင့် ပြဋ္ဌာန်းချက်​များ​သည် သင်​တို့​ဘိုးဘေး​တို့​အပေါ်​ကျရောက်​လာ​ခဲ့​သည်​မ​ဟုတ်​လော​။ ထို့နောက် သူ​တို့​ပြန်လှည့်​လာ​၍ ‘ကောင်းကင်​ဗိုလ်ခြေ​အရှင်​ထာဝရဘုရား​သည် စိတ်ပိုင်းဖြတ်​ထား​သည့်​အတိုင်း ငါ​တို့​အပြုအမူ​အကျင့်အကြံ​တို့​နှင့်အညီ ငါ​တို့​ကို အပြစ်ပေး​တော်မူ​ပြီ’​ဟူ၍ ဆို​ကြ​သည်”​ဟု မိန့်ဆို​၏​။


မောရှေ​သည် အစ္စရေး​လူမျိုး​အပေါင်း​တို့​ကို​ခေါ်​၍ သူ​တို့​အား “​ထာဝရဘုရား​သည် အီဂျစ်​ပြည်​၌ ဖာရော​မင်းကြီး​မှစ၍ သူ​၏​အမှုထမ်း​အပေါင်း​တို့​နှင့်တကွ သူ​၏​ပြည်​တစ်ပြည်လုံး​ကို သင်​တို့​ရှေ့မှောက်​တွင် မည်သို့​ပြု​တော်မူ​ခဲ့​သည်​ကို သင်​တို့​တွေ့မြင်​ခဲ့​ပြီ​။


သင်​တို့​၏​ဘုရားသခင်​ထာဝရဘုရား​သည် သင်​တို့​အတွက် ဤ​လူမျိုးခြား​အပေါင်း​တို့​အား မည်သို့​ပြု​တော်မူ​ခဲ့​သည်​ကို သင်​တို့​တွေ့မြင်​ခဲ့​ကြ​ပြီ​။ သင်​တို့​အတွက် စစ်တိုက်​ပေး​တော်မူ​သော​အရှင်​ကား သင်​တို့​၏​ဘုရားသခင်​ထာဝရဘုရား​ပေတည်း​။