ယေ​ရ​မိ 25:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ တိုင်းပြည်​တစ်ပြည်လုံး​သည် ပြိုပျက်​ရာ​၊ လူသူကင်းမဲ့​ရာ ဖြစ်​လိမ့်မည်​။ ဤ​ပြည်သူပြည်သား​တို့​သည် ဘေဘီလုံ​ဘုရင်​ကို အနှစ်​ခုနစ်ဆယ် အစေခံ​ရ​လိမ့်မည်​။

Common Language Bible

¹¹ ဤ​ပြည်​တစ်​ခု​လုံး​သည်​ယို​ယွင်း​ပျက်​စီး​လျက် ကျန်​ရစ်​ကာ ရှု​မြင်​ရ​သူ​တို့​ထိတ်​လန့်​ဖွယ်​ရာ ဖြစ်​လိမ့်​မည်။ ပတ်​ဝန်း​ကျင်​ရှိ​လူ​မျိုး​အ​ပေါင်း တို့​သည်​လည်း အ​နှစ်​ခု​နစ်​ဆယ်​တိုင်​တိုင်​ဗာ ဗု​လုန်​ဘုရင်​၏​အ​စေ​ကို​ခံ​ရ​ကြ​လိမ့်​မည်။-

Garrad Bible

¹¹ ပြည် လုံး ကျွတ် ဆိတ် ညံ ရာ အံ့ ဖွယ် သ ရဲ ဖြစ် နေ စဉ်၊ ထို လူ မျိုး များ သည် ဗာ ဗု လုန် ဘု ရင် ၏ အ မှု ကို၊ နှစ် ပေါင်း ခု နစ် ဆယ် တိုင် တိုင် ထမ်း ကြ ရ မည်။

Judson Bible

¹¹ ဤ​ပြည်​တစ်​လျှောက်​လုံး​သည် လူ​ဆိတ်​ညံ​ရာ၊ အံ့​ဩ​ဖွယ်​ရာ​ဖြစ်​လိမ့်​မည်။ ဤ​လူ​မျိုး​တို့​သည် အ​နှစ်​ခု​နစ်​ဆယ်​ပတ်​လုံး ဗာ​ဗု​လုန်​ရှင်​ဘု​ရင်၏​အ​မှု​ကို ဆောင်​ရွက်​ရ​ကြ​လိမ့်​မည်။

ယေ​ရ​မိ 25:11 ပူးပေါင်းရင်းမြစ်များ

၂ ရာ​ချုပ် 36:20

ခါလဒဲ​ဘုရင်​သည် ဓားဘေး​မှ​လွတ်​၍​ကြွင်းကျန်သူ​တို့​ကို ဘေဘီလုံ​မြို့​သို့ ဖမ်းခေါ်​သွား​ပြီး ပါးရှား​နိုင်ငံ​တော်​မ​ပေါ်ထွန်း​မီ​တိုင်အောင် သူ​တို့​ကို သူ​နှင့်​သူ့​သားမြေး​တို့​၏​အစေအပါး​အဖြစ် ထားရှိ​၏​။

ဟေ​ရှာ​ယ 5:6

ရှင်းလင်းပြုစု​ခြင်း​၊ တူးဆွပေါင်းသင်​ခြင်း​မ​ခံရ​ဘဲ ချုံပင်​၊ ဆူးပင်​များ​ပေါက်ရောက်​ရာ ဖုန်းဆိုးမြေ​ဖြစ်​မည်​။ ထို​ခြံ​အပေါ် မိုး​မ​ရွာသွန်း​စေရန် တိမ်တိုက်​တို့​ကို ငါ​မိန့်မှာ​မည်​။

ယေ​ရ​မိ 25:12

အနှစ်​ခုနစ်ဆယ်​ပြည့်​ပြီးမှ ဘေဘီလုံ​ဘုရင်​မှစ၍ သူ​၏​လူမျိုး​များ​နှင့်တကွ ခါလဒဲ​ပြည်​ကို​ပါ သူ​တို့​အပြစ်​များ​ကြောင့် သူ​တို့​ကို ငါ​ဒဏ်ခတ်​မည်​။ ထို​ပြည်​ကို အစဉ်​လူသူကင်းမဲ့​ရာ​အရပ်​ဖြစ်​စေ​မည်​’​ဟု မိန့်​တော်မူ​၏​။

ယေ​ရ​မိ 25:38

ခြင်္သေ့ပျို​သည် ပုန်းအောင်း​ရာ​နေရာ​ကို​စွန့်ခွာ​သကဲ့သို့ ထာဝရဘုရား​သည် သူ​တို့​၏​ပြည်​ကို​စွန့်ခွာ​တော်မူ​ပြီ​။ သူ​တို့​၏​ပြည်​သည် နိုင်ထက်စီးနင်း​ပြု​သော​သူ​နှင့် ပြင်းထန်​သော​အမျက်​တော်​ဒဏ်​ကြောင့် လူသူကင်းမဲ့​ရာ​အရပ်​ဖြစ်​လေ​ပြီ”​ဟု မိန့်​တော်မူ​၏​။

ယေ​ရ​မိ 27:22

‘ထို​အသုံးအဆောင်​တို့​ကို ဘေဘီလုံ​မြို့​သို့ ယူဆောင်​သွား​ကြ​လိမ့်မည်​။ ငါ​အကြည့်အရှု​ကြွလာ​မည့်​နေ့​အထိ ထို​မြို့​တွင် ထား​ကြ​လိမ့်မည်​။ ထို့နောက်မှ ထို​အသုံးအဆောင်​တို့​ကို ပြန်ယူဆောင်​လာ​၍ ဤ​နေရာ​၌​ထား​မည်’​ဟူ၍ မိန့်​တော်မူ​သည်”​ဟု ဆင့်ဆို​၏​။

ယေ​ရ​မိ 27:7

သူ​၏​နိုင်ငံ​အဆုံး​မ​ရောက်​မီ​အထိ လူမျိုး​အပေါင်း​တို့​သည် သူ​နှင့်​သူ​၏​သား​မြေး​တို့​ထံ၌ အစေခံ​ရ​လိမ့်မည်​။ ထို့နောက်မှ သူ​သည် လူမျိုး​ကြီး​များ​၊ တန်ခိုးကြီး​သော​ဘုရင်​များ​ထံ အစေခံ​ရ​လိမ့်မည်’​ဟု မိန့်​တော်မူ​၏​။

ယေ​ရ​မိ 28:14

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘ဤ​လူမျိုး​အပေါင်း​တို့​၏​ပခုံး​ပေါ်၌ သံ​ထမ်းပိုး​ကို ငါ​တင်​ပြီ​။ သူ​တို့​သည် ဘေဘီလုံ​ဘုရင်​နေဗုခဒ်နေဇာ​မင်းကြီး​ကို စင်စစ်​အစေခံ​ရ​မည်​။ တောရိုင်းတိရစ္ဆာန်​များ​ကို​လည်း သူ့​အား ငါ​ပေးအပ်​လေ​ပြီ’​ဟူ၍ မိန့်​တော်မူ​ကြောင်း​ဆင့်ဆို​လော့”​ဟု မိန့်ဆို​၏​။

ယေ​ရ​မိ 29:10

တစ်ဖန် ထာဝရဘုရား​က ဘေဘီလုံ​မြို့​တွင် အနှစ်​ခုနစ်ဆယ်​ပြည့်​သောအခါ ငါ​သည် သင်​တို့​ကို အကြည့်အရှု​ကြွလာ​မည်​။ ဤ​ပြည်​သို့ သင်​တို့​ကို ပြန်ခေါ်​လာ​မည်​ဟူသော ငါ​၏​ကတိ​ကို ပြည့်စုံ​စေ​မည်​။

ယေ​ရ​မိ 4:26

ငါ​ကြည့်​လိုက်​သော် သီးနှံ​ဖြစ်ထွန်း​သော​မြေ​တို့​သည် တောကန္တာရ​ဖြစ်​လေ​ပြီ​။ ထာဝရဘုရား​ရှေ့​၊ ပြင်းထန်​သော​အမျက်​တော်​ရှေ့​၌ မြို့​အားလုံး ပြိုပျက်​သွား​လေ​ပြီ​။

ယေ​ရ​မိ 4:27

ထာဝရဘုရား​က “​ငါ​သည် ပြည်​တစ်ပြည်လုံး​ကို လူသူကင်းမဲ့​ရာ​ဖြစ်​စေ​မည်​။ သို့သော် အကုန်အစင်​သုတ်သင်ဖျက်ဆီး​မည်​မ​ဟုတ်​။

ယေ​ရ​မိ 43:10

ထို့နောက် သူ​တို့​အား ‘အစ္စရေး​လူမျိုး​တို့​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ကြည့်ရှု​လော့​။ ငါ​၏​အစေအပါး​ဘေဘီလုံ​ဘုရင် နေဗုခဒ်နေဇာ​ကို ငါ​စေလွှတ်​မည်​။ ယေရမိ​အား ငါ​မြှုပ်​စေ​ခဲ့​သော​ကျောက်တုံး​များ​ပေါ်တွင် ထို​ဘုရင်​၏​ရာဇပလ္လင်​ကို ငါ​တည်​မည်​။ သူ​သည်​လည်း ယာယီစံနန်း​ကို တည်​လိမ့်မည်​။

ယေ​ရ​မိ 44:22

သင်​တို့​၏​ဆိုးညစ်​သော​လုပ်ရပ်​၊ သင်​တို့​ပြု​သော စက်ဆုပ်ရွံရှာဖွယ်​အမှု​များ​ကို ထာဝရဘုရား​သည် ဆက်​၍​သည်း​မ​ခံ​နိုင်​တော့​ပေ​။ ထို့ကြောင့် သင်​တို့​ပြည်​သည် ယခု​ကဲ့သို့ ပြိုပျက်​ရာ​၊ ထိတ်လန့်စရာ​၊ ကျိန်ဆဲစရာ​၊ လူသူကင်းမဲ့​ရာ ဖြစ်​လေ​ပြီ​။

ယေ​ဇ​ကျေ​လ 12:19

အစ္စရေး​ပြည်​၊ ဂျေရုဆလင်​မြို့သူမြို့သား​တို့​အား ‘ဘုရားရှင်​ထာဝရဘုရား​က သူ​တို့​သည် အစာ​ကို စိုးရိမ်ပူပန်စိတ်​ဖြင့် စား​ရ​မည်​။ ရေ​ကို ကြောက်ရွံ့ထိတ်လန့်စိတ်​ဖြင့် သောက်​ရ​မည်​။ ပြည်သူပြည်သား​အပေါင်း​တို့​၏​ရက်စက်ကြမ်းကြုတ်မှု​ကြောင့် တစ်ပြည်လုံး လူသူကင်းမဲ့​ရ​လိမ့်မည်​။

ယေ​ဇ​ကျေ​လ 29:11

မည်သူ​မျှ​၊ မည်သည့်​တိရစ္ဆာန်​မျှ ဖြတ်သန်း​သွားလာ​တော့​မည်​မ​ဟုတ်​။ အနှစ်​လေးဆယ်​ပတ်လုံး နေထိုင်​မည့်​သူ ရှိ​တော့​မည်​မ​ဟုတ်​။

ယေ​ဇ​ကျေ​လ 6:14

ငါ့​လက်​ကို​ဆန့်​၍ သူ​တို့​ကို ဆန့်ကျင်​မည်​။ ဒိဗလတ်​ကန္တာရ​မှစ၍ သူ​တို့​နေလေရာ​အရပ်ရပ်​တို့​ကို လူသူကင်းမဲ့​ရာ​၊ ဆိတ်ညံ​ရာ ဖြစ်​စေ​သောအခါ ငါ​သည် ထာဝရဘုရား​ဖြစ်ကြောင်း​ကို သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ဒံ​ယေ​လ 9:2

ဒါရိ​မင်းကြီး​နန်းစံ​ပထမ​နှစ်​တွင် ငါ​ဒံယေလ​သည် ဂျေရုဆလင်​မြို့​ပျက်စီး​မည့်​နှစ်ပေါင်း​မှာ အနှစ်​ခုနစ်ဆယ်​ဖြစ်ကြောင်း ပရောဖက်​ယေရမိ​ပြောကြား​ခဲ့​သော​ထာဝရဘုရား​၏​နှုတ်ကပတ်တော်​ကို ကျမ်းစာလိပ်​အားဖြင့် သိ​ခဲ့​ရ​၏​။

ဝတ်​ပြု 26:32

ငါ​ကိုယ်တိုင် သင်​တို့​၏​ပြည်​ကို လူသူကင်းမဲ့​စေ​သဖြင့် ထို​ပြည်​၌​နေထိုင်​သော သင်​တို့​၏​ရန်သူ​တို့​သည်​လည်း တုန်လှုပ်ချောက်ချား​ကြ​လိမ့်မည်​။

မိက္ခာ 7:13

မြေကြီးသား​တို့​ပြု​သော​အမှု​၏​အကျိုးဆက်​ကြောင့် ကမ္ဘာမြေကြီး​သည် လူဆိတ်ညံ​ရာ​ဖြစ်​လိမ့်မည်​။

ဇာ​ခ​ရိ 1:12

ထိုအခါ ထာဝရဘုရား​၏​ကောင်းကင်တမန်​က “​အို ကောင်းကင်​ဗိုလ်ခြေ​အရှင်​ထာဝရဘုရား​၊ နှစ်​ပေါင်း​ခုနစ်ဆယ်​ပတ်လုံး ကိုယ်တော်​အမျက်​တော်​ရှ​ခဲ့​သော ယုဒ​ပြည်​ရှိ​မြို့​များ​နှင့် ဂျေရုဆလင်​မြို့​ကို ကရုဏာ​တော်​မ​ပြ​ဘဲ မည်မျှ​ကြာ​အောင် နေ​တော်မူ​မည်နည်း​”​ဟု လျှောက်ဆို​လေ​၏​။

ဇာ​ခ​ရိ 7:5

“ပြည်သူပြည်သား​အပေါင်း​နှင့် ယဇ်ပုရောဟိတ်​တို့​အား ‘ဤ​နှစ်​ပေါင်း​ခုနစ်ဆယ်​ပတ်လုံး ပဉ္စမ​လ​နှင့် သတ္တမ​လ​တို့​တွင် သင်​တို့ အစာရှောင်​ငိုကြွေးမြည်တမ်း​ခဲ့​ကြ​သည်​မှာ ငါ့​အဖို့ အစာရှောင်​ခြင်း အမှန်တကယ်​ဟုတ်​ခဲ့​သလော​။