အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




မာ​လ​ခိ 3:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

“လောင်မီးပိုး​ကို ငါ​တားဆီး​မည်​။ သင်​တို့​မြေ​မှ​အသီးအနှံ​ကို မ​ဖျက်ဆီး​စေ​ရ​။ သင်​တို့​မြေ​မှ​စပျစ်ပင်​သည် အသီး​မ​သီး​ဘဲ​မ​နေ​ရ”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

အခန်းကိုကြည့်ပါ။

Common Language Bible

ငါ​သည်​ပိုး​မွှား​များ​အား​သင်​တို့​အ​သီး အ​နှံ​များ​ကို​ဖျက်​ဆီး​ခွင့်​ပြု​လိမ့်​မည် မ​ဟုတ်။ သင်​တို့​၏​စ​ပျစ်​နွယ်​များ​သည် လည်း​အ​သီး​များ​နှင့်​ပြည့်​လျက်​နေ​လိမ့် မည်။-''

အခန်းကိုကြည့်ပါ။

Garrad Bible

သင် တို့ မြေ ထွက် အ သီး အ နှံ မ ပျက်၊ ခြံ ရှိ စ ပျစ် ပင် မ သုန်း ရ စေ ခြင်း ငှာ၊ ပိုး စား ဘေး ကို လည်း၊ ငါ ကန့် ကွက် မည် ဟု၊ ဗိုလ် ခြေ တို့ အ ရှင် ထာ ဝ ရ ဘု ရား မိန့် တော် မူ၏။

အခန်းကိုကြည့်ပါ။

Judson Bible

ကိုက်​စား​တတ်​သော အ​ကောင်​ကို သင်​တို့​အ​တွက် ငါ​ဆုံး​မ၍၊ သင်​တို့၏ မြေ​အ​သီး​အ​နှံ​ကို မ​ဖျက်​ဆီး​ရ။ သင်​တို့၏​စ​ပျစ်​ဥ​ယျာဉ်​သည် အ​သီး​မ​သီး​ဘဲ မ​နေ​ရ​ဟု ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ၏။

အခန်းကိုကြည့်ပါ။



မာ​လ​ခိ 3:11
15 ပူးပေါင်းရင်းမြစ်များ  

ထာဝရဘုရား​က “​ငါ​သည် သူ​တို့​ကို အကုန်အစင်​ဖျက်ဆီး​မည်​။ စပျစ်ပင်​၌ စပျစ်သီး​မကျန်​။ သဖန်းပင်​၌ သဖန်းသီး​မကျန်​။ အရွက်​လည်း ညှိုးနွမ်း​သွား​လိမ့်မည်​။ သူ​တို့​အား ငါ​ပေး​သော​အရာ​များ​ကို သူ​တို့​လက်လွတ်ဆုံးရှုံး​ရ​လိမ့်မည်​”​ဟု မိန့်​တော်မူ​၏​။


တစ်ဖန် ထာဝရဘုရား​က “ထို​နေ့ရက်​တွင် ငါ​ထူး​တော်မူ​မည်​။ ငါ​သည် မိုးကောင်းကင်​ကို ထူး​တော်မူ​မည်​။ မိုးကောင်းကင်​လည်း မြေကြီး​ကို ထူး​လိမ့်မည်​။


စပျစ်ပင်​ခြောက်သွေ့​ပြီ​။ သဖန်းပင် ညှိုးနွမ်း​ပြီ​။ သလဲပင်​၊ စွန်ပလွံပင်​၊ ပန်းသီးပင်​အစရှိ​သော​ကွင်းပြင်​ရှိ အပင်​အားလုံး​တို့​သည်​လည်း ခြောက်သွေ့​လေ​ပြီ​။ စင်စစ် လူသား​တို့​အဖို့ ပျော်ရွှင်​ခြင်း​သည် ပျောက်လွင့်​သွား​လေ​ပြီ​။


ဂါဇံကျိုင်း​တို့​အကျန်​ကို အရာဘကျိုင်း​တို့ စား​လေ​ပြီ​။ အရာဘကျိုင်း​တို့​အကျန်​ကို ယာလက်ကျိုင်း​တို့ စား​လေ​ပြီ​။ ယာလက်ကျိုင်း​တို့​အကျန်​ကို ခါသိလကျိုင်း​တို့ စား​လေ​ပြီ​။


ငါ့​စပျစ်ပင်​ကို ချိုးဖဲ့​ပြီး ငါ့​သဖန်းပင်​တို့​ကို ဖျက်ဆီး​ပစ်​လေ​ပြီ​။ ပြောင်တလင်းခါ​အောင်​ခွာ​ပြီး လွှင့်ပစ်​လေ​ပြီ​။ အခက်​များ​လည်း ဖြူခါပြာခါကျ​လေ​ပြီ​။


မြောက်ပိုင်း​ရန်သူ​ကို သင်​တို့​နှင့်​ဝေး​စေ​မည်​။ သူ့​ကို လူသူကင်းမဲ့​၍ တိတ်ဆိတ်​သော​ပြည်​သို့ နှင်ထုတ်​မည်​။ သူ​၏​တပ်ဦး​စစ်သည်​ကို အရှေ့​ပင်လယ်​ထဲသို့​လည်းကောင်း​၊ သူ​၏​နောက်ရံ​စစ်သည်​ကို အနောက်​ပင်လယ်​ထဲသို့​လည်းကောင်း နှင်ထုတ်​မည်​။ သူ့​ထံမှ​အပုပ်နံ့​၊ အသိုးနံ့​တို့ ထွက်​လိမ့်မည်​။ အကြောင်းမူကား သူ​သည် အမှု​ကြီး​ကို ပြု​လေ​ပြီ”​ဟု ပြန်လည်​မိန့်ဆို​တော်မူ​မည်​။


အို တောတိရစ္ဆာန်​တို့​၊ မ​ကြောက်​ကြ​နှင့်​။ ကန္တာရ​သည် စိမ်းလန်း​သော​စားကျက်မြေ ဖြစ်လာ​မည်​။ အပင်​များ အသီး​သီး​မည်​။ သဖန်းပင်​နှင့် စပျစ်ပင်​တို့​လည်း အလွန်​ဖြစ်ထွန်း​ကြ​လိမ့်မည်​။


“သင်​တို့​ထံ ငါ​စေလွှတ်​ခဲ့​သော စစ်သည်​အလုံးအရင်း​များ​ဖြစ်​သည့် အရာဘကျိုင်း​၊ ယာလက်ကျိုင်း​၊ ခါသိလကျိုင်း​၊ ဂါဇံကျိုင်း​တို့ ဝါးမျို​ဖျက်ဆီး​သော​နှစ်ကာလ​တစ်လျှောက် သင်​တို့​ဆုံးရှုံး​ခဲ့​သမျှ​ကို ငါ​ပြန်ပေး​မည်​။


“လောင်မီးပိုး​ကျ​ပြီး မှိုရောဂါစွဲ​ခြင်း​ဖြင့် သင်​တို့​ကို ငါ​ဒဏ်ခတ်​ပြီ​။ များပြား​လှ​သော သင်​တို့ ဥယျာဉ်​များ​၊ စပျစ်ပင်​များ​၊ သဖန်းပင်​များ​၊ သံလွင်ပင်​များ​ကို​လည်း ဂါဇံကျိုင်း​တို့ ဝါးမျို​လေ​ပြီ​။ ထိုသို့​ဖြစ်​သော်လည်း သင်​တို့​သည် ငါ့​ထံ​ပြန်​မ​လာ​ကြ”​ဟု ထာဝရဘုရား​မိန့်​တော်မူ​၏​။


သဖန်းပင် မ​ပွင့်​၊ စပျစ်ပင် မ​သီး​၊ သံလွင်ပင်​လည်း မ​ဖြစ်ထွန်း​၊ လယ်ယာ​သီးနှံ​လည်း မ​ထွက်​၊ သိုး​ခြံ​မှ သိုး​ပြတ်​၍ တင်းကုပ်​များ​၌ နွား​တစ်​ကောင်​မျှ​မ​ရှိ​သော်လည်း


မြေကြီး​နှင့် တောင်​များ​အပေါ်​၌​လည်းကောင်း​၊ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ မြေ​၌ ပေါက်​သော​အပင်​များ​၊ လူ​နှင့်​တိရစ္ဆာန်​များ​နှင့် ပင်ပန်းခက်ခဲ​စွာ​လုပ်ဆောင်​ထား​သော​အရာ​အားလုံး​အပေါ်​၌​လည်းကောင်း မိုးခေါင်​ခြင်း​ဘေး​ကျရောက်​စေ​လေ​ပြီ”​ဟု မိန့်ဆို​၏​။


သင်​တို့​စိုက်ပျိုး​လုပ်ဆောင်​သမျှ​ကို လောင်မီးပိုးကျ​ခြင်း​၊ မှိုရောဂါစွဲ​ခြင်း​၊ မိုးသီးကျ​ခြင်း​တို့​ဖြင့် ငါ​ဒဏ်ခတ်​သော်လည်း သင်​တို့​သည် ငါ့​ထံသို့ ပြန်​မ​လာ​ကြ​။


အေးချမ်း​စွာ​မျိုးစေ့​ကြဲ​ရ​လိမ့်မည်​။ စပျစ်ပင်​သည် အသီး​သီး​လိမ့်မည်​။ မြေကြီး​သည်​လည်း အသီးအနှံ​ကို ဖြစ်ထွန်း​စေ​လိမ့်မည်​။ မိုးကောင်းကင်​မှ နှင်းကျ​လိမ့်မည်​။ ငါ​သည် ကြွင်းကျန်​သော​ဤ​လူမျိုး​တို့​အား ဤ​အရာ​အားလုံး​တို့​ကို အမွေ​ခံစား​ရ​စေ​မည်​။


သို့ပြုလျှင် ကောက်ပဲသီးနှံ​၊ စပျစ်ဝိုင်​အသစ်​နှင့် ဆီ​တို့​ကို သင်​တို့​စုသိမ်း​နိုင်​မည့်​အကြောင်း ကိုယ်တော်​သည် သင်​တို့​ပြည်​အတွက် မိုးဦး​၊ မိုးနှောင်း​ကို သူ့​အချိန်​နှင့်​သူ​ရွာ​စေ​တော်မူ​မည်​။