ဇာ​ခ​ရိ 8:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² အေးချမ်း​စွာ​မျိုးစေ့​ကြဲ​ရ​လိမ့်မည်​။ စပျစ်ပင်​သည် အသီး​သီး​လိမ့်မည်​။ မြေကြီး​သည်​လည်း အသီးအနှံ​ကို ဖြစ်ထွန်း​စေ​လိမ့်မည်​။ မိုးကောင်းကင်​မှ နှင်းကျ​လိမ့်မည်​။ ငါ​သည် ကြွင်းကျန်​သော​ဤ​လူမျိုး​တို့​အား ဤ​အရာ​အားလုံး​တို့​ကို အမွေ​ခံစား​ရ​စေ​မည်​။

Common Language Bible

¹² ``သူ​တို့​သည်​မိ​မိ​တို့​ကောက်​ပဲ​သီး​နှံ​များ ကို​ငြိမ်း​ချမ်း​စွာ​စိုက်​ပျိုး​ရကြ​လိမ့်​မည်။ သူ တို့​၏​စ​ပျစ်​ပင်​များ​သည်​အ​သီး​များ သီး​လိမ့်​မည်။ မြေ​ကြီး​သည်​ကောက်​ပဲ​သီး နှံ​များ​ကို​ဆောင်​လျက်​မိုး​သည်​လည်း​အ​မြောက် အ​မြား​ရွာ​သွန်း​လိမ့်​မည်။ ကြွင်း​ကျန်​နေ​သူ ငါ​၏​လူ​မျိုး​တော်​အား​ဤ​ကောင်း​ချီး​မင်္ဂ လာ​အ​ပေါင်း​ကို​ငါ​ပေး​မည်။-

Garrad Bible

¹² စည်း စိမ် ချမ်း သာ ဆိုင် ရာ မျိုး စေ့ ရှိ သည့် အ လျောက်၊ စ ပျစ် ပင် သည် အ သီး သီး ခွင့်၊ မြေ သည် အ သီး အ နှံ ပေး ခွင့်၊ ကောင်း ကင် သည် နှင်း ကျ ခွင့် ကို ရ သ ဖြင့်၊ ဤ လူ မျိုး အ ကြွင်း အ ကျန် တို့ လည်း။ ထို ရှိ သ မျှ ကို ပိုင် ခွင့် ရ ကြ လ တ္တံ့။

Judson Bible

¹² မျိုး​စေ့​ကို ငြိမ်​ဝပ်​စွာ ကြဲ​ရ​လိမ့်​မည်။ စ​ပျစ်​ပင်​သည် အ​သီး​ကို​လည်း​ကောင်း၊ မြေ​သည် မိ​မိ​စီး​ပွား​ကို​လည်း​ကောင်း၊ မိုး​ကောင်း​ကင်​သည် နှင်း​ရည်​ကို​လည်း​ကောင်း ပေး​ရ​လိမ့်​မည်။ ကျန်​ကြွင်း​သော ဤ​လူ​တို့​သည် ဤ​အ​ရာ​အ​လုံး​စုံ​တို့​ကို ရ​တတ်​စေ​ခြင်း​ငှာ ငါ​ပြု​မည်။

ဇာ​ခ​ရိ 8:12 ပူးပေါင်းရင်းမြစ်များ

ကမ္ဘာ​ဦး 26:12

ဣဇက်​သည် ထို​ပြည်​၌ မျိုးစေ့ကြဲ​၍ ထို​နှစ်​တွင် အဆ​တစ်ရာ​သော​အသီးအနှံ​ကို​ရ​လေ​၏​။ ထာဝရဘုရား​သည် သူ့​ကို​ကောင်းချီးပေး​တော်မူ​သောကြောင့်

ကမ္ဘာ​ဦး 27:28

ဘုရားသခင်​သည် မိုးကောင်းကင်​၏​နှင်း​ကို​လည်းကောင်း​၊ မြေကြီး​၏​အဆီအနှစ်​ကို​လည်းကောင်း​၊ များစွာ​သော​ကောက်ပဲသီးနှံ​နှင့်​စပျစ်ဝိုင်​အသစ်​ကို​လည်းကောင်း သင့်​အား​ပေး​တော်မူ​ပါစေ​။

၃ ရာ 17:1

ဂိလဒ်​ပြည်​ရှိ တိရှဘိ​မြို့သား​ဧလိယ​က အာဟပ်​မင်းကြီး​အား “​ငါ​ကိုးကွယ်​သော အစ္စရေး​လူမျိုး​၏​ဘုရားသခင်​ထာဝရဘုရား အသက်ရှင်​တော်မူ​သည်​နှင့်အညီ ဤ​နှစ်​များ​အတွင်း ငါ​အမိန့်​မ​ပေး​ဘဲ မိုး​မ​ရွာ​၊ နှင်း​မ​ကျ​စေ​ရ​”​ဟု ဆို​၏​။

ဆာ​လံ 72:3

တောင်​များ​သည်​ငြိမ်းချမ်း​ခြင်း​ကို​လည်းကောင်း​၊ တောင်ကုန်း​များ​သည် ဖြောင့်မတ်​ခြင်း​ကို​လည်းကောင်း လူမျိုး​တော်​ထံသို့ ယူဆောင်​လာ​ကြ​ပါစေသော​။

ဆာ​လံ 85:12

အကယ်စင်စစ် ထာဝရဘုရား​သည် ကောင်းမြတ်​သော​အရာ​ကို ပေးသနား​တော်မူ​၍ ငါ​တို့​၏​ပြည်​သည်​လည်း ၎င်း​၏​အသီးအနှံ​တို့​ကို​ပေး​လိမ့်မည်​။

သုတ္တံကျမ်း။ 19:12

ရှင်ဘုရင်​၏​အမျက်ဒေါသ​သည် ခြင်္သေ့ပျို​ဟောက်​သကဲ့သို့​ဖြစ်​၏​။ သူ​၏​ကျေးဇူး​ပြု​ခြင်း​မူကား မြက်ပင်​ပေါ်မှ​နှင်းစက်​ကဲ့သို့​ဖြစ်​၏​။

ဟေ​ရှာ​ယ 30:23

ကိုယ်တော်​သည် မြေ​၌​သင်​ကြဲ​သော​မျိုးစေ့​အတွက် မိုး​ကို​ရွာ​စေ​တော်မူ​သဖြင့် မြေ​မှ​ထွက်​သော​အစားအစာ​သည် ပေါများ​ကြွယ်ဝ​မည်​။ ထို​နေ့ရက်​တွင် သင်​၏​တိရစ္ဆာန်​တို့​သည် ကျယ်ပြန့်​သော​မြက်ခင်းပြင်​၌ ကျက်စား​ကြ​မည်​။

ဟေ​ရှာ​ယ 61:7

အရှက်ကွဲ​ခြင်း​အစား ဝေစု​နှစ်ဆ​ပြန်​ရ​မည်​။ သူ​တို့​သည် အသရေပျက်​ခြင်း​အစား သူ​တို့​၏​ဝေစု​ကြောင့် ရွှင်လန်း​စွာ​သီချင်းဆို​ကြ​လိမ့်မည်​။ သူ​တို့​၏​မြေ​၌ ဝေစု​နှစ်ဆ​ပိုင်ဆိုင်​၍ ထာဝရ​ဝမ်းမြောက်​ခြင်း​ရှိ​လိမ့်မည်​။

ယေ​ရ​မိ 31:12

သူ​တို့​သည် ဇိအုန်​တောင်ထိပ်​သို့​လာ​၍ ရွှင်လန်း​စွာ​ကြွေးကြော်​ကြ​လိမ့်မည်​။ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ သိုးသငယ်​၊ နွားသငယ် စသည်​တို့​ဖြင့် ထာဝရဘုရား​၏​ကောင်းမြတ်​ခြင်း​ကြောင့် ဝမ်းမြောက်​ကြ​လိမ့်မည်​။ သူ​တို့​၏​စိတ်ဝိညာဉ်​သည် ရေဝ​သော​ဥယျာဉ်​ကဲ့သို့​ဖြစ်​မည်​။ ဝမ်းနည်းပူဆွေး​ရ​တော့​မည်​မ​ဟုတ်​။

ယေ​ဇ​ကျေ​လ 34:28

သူ​တို့​သည် လူမျိုးတကာ​တို့​၏​သားကောင် ဖြစ်​တော့​မည်​မ​ဟုတ်​။ ထို​ပြည်​ရှိ​သားရဲတိရစ္ဆာန်​တို့​လည်း သူ​တို့​ကို ကိုက်စား​ကြ​တော့​မည်​မ​ဟုတ်​။ ဘေးကင်းလုံခြုံ​စွာ​နေ​ရ​လိမ့်မည်​။ သူ​တို့​ကို​ခြိမ်းခြောက်​မည့်​သူ ရှိ​တော့​မည်​မ​ဟုတ်​။

ယေ​ဇ​ကျေ​လ 36:12

ငါ့​လူမျိုး​တော်​အစ္စရေး​ကို သင်​တို့​ပေါ်တွင် သွားလာ​စေ​မည်​။ သူ​တို့​သည် သင့်​ကို အမွေမြေ​အဖြစ် အပိုင်​သိမ်း​ကြ​လိမ့်မည်​။ သူ​တို့​၏​သားသမီး​တို့​ကို သင်​တို့​ဆုံးရှုံး​စေ​တော့​မည်​မ​ဟုတ်’​ဟု မိန့်​တော်မူ​၏​။

ယေ​ဇ​ကျေ​လ 36:30

သစ်သီးဝလံ​နှင့် ကောက်ပဲသီးနှံ​တို့​ကို ပေါကြွယ်ဝ​စေ​မည်​။ သို့မှ အငတ်ဘေး​ကြောင့် လူမျိုးခြား​တို့​ကဲ့ရဲ့​ခြင်း​ကို သင်​တို့​ကြုံ​ရ​တော့​မည်​မ​ဟုတ်​။

ယေ​ဇ​ကျေ​လ 36:9

ငါ​သည် သင်​တို့​နှင့်အတူ​ရှိ​မည်​။ သင်​တို့​ထံ ပြန်လှည့်​လာ​မည်​။ သင်​တို့​ပေါ်တွင် ထွန်ယက်​စိုက်ပျိုး​မည်​။

ဟော​ရှေ 13:3

ထို့ကြောင့် သူ​တို့​သည် နံနက်အချိန်​၌​ကျ​သော​မြူခိုး​ကဲ့သို့​၊ စောစော​ပြယ်လွင့်​သွား​သော​နှင်းစက်​ကဲ့သို့​၊ လေ​ထဲတွင် လွင့်ပါ​သွား​သော​ကောက်နယ်တလင်း​မှ ဖွဲ​ကဲ့သို့​၊ မီးခိုးခေါင်းတိုင်​မှ ထွက်​သော​မီးခိုး​ကဲ့သို့ ဖြစ်​ကြ​လိမ့်မည်​။

ဟော​ရှေ 14:5

ငါ​သည် အစ္စရေး​အဖို့ နှင်းစက်​ကဲ့သို့ ဖြစ်​မည်​။ သူ​သည် နှင်းပန်း​ကဲ့သို့ ပွင့်လန်း​လိမ့်မည်​။ လက်ဘနွန်​သစ်ကတိုး​ကဲ့သို့ အမြစ်​စွဲ​လိမ့်မည်​။

ယော​လ 2:19

ထာဝရဘုရား​က မိမိ​လူမျိုး​တော်​အား “​ကြည့်ရှု​လော့​။ ငါ​သည် သင်​တို့​အား ကောက်ပဲသီးနှံ​၊ စပျစ်ဝိုင်​အသစ်​နှင့်​ဆီ​ကို ပေးသနား​၍ သင်​တို့​သည် ဝပြော​စွာ​စားသောက်​ရ​မည်​။ သင်​တို့​ကို လူမျိုးခြား​တို့​အလယ်​တွင် ကဲ့ရဲ့စရာ​ဖြစ်စေ​တော့​မည်​မ​ဟုတ်​။

ယော​လ 2:22

အို တောတိရစ္ဆာန်​တို့​၊ မ​ကြောက်​ကြ​နှင့်​။ ကန္တာရ​သည် စိမ်းလန်း​သော​စားကျက်မြေ ဖြစ်လာ​မည်​။ အပင်​များ အသီး​သီး​မည်​။ သဖန်းပင်​နှင့် စပျစ်ပင်​တို့​လည်း အလွန်​ဖြစ်ထွန်း​ကြ​လိမ့်မည်​။

ဝတ်​ပြု 26:3

သင်​တို့​သည် ငါ​၏​ပြဋ္ဌာန်းချက်​တို့​ကို လိုက်လျှောက်​၍ ငါ​၏​ပညတ်တော်​တို့​ကို လိုက်နာ​စောင့်ထိန်း​လျှင်

ဇေဖနိ 3:13

ကြွင်းကျန်​သော​အစ္စရေး​လူမျိုး​တို့​သည် မတရားမှု​ကို​မ​ပြု​၊ လိမ်လည်​၍​မ​ပြော​၊ သူ​တို့​နှုတ်​၌ လှည့်စား​တတ်​သော​လျှာ​လည်း ရှိ​မည်​မ​ဟုတ်​။ သူ​တို့​သည် ခြိမ်းခြောက်​မည့်​သူ​မ​ရှိ​ဘဲ စားသောက်​လျက်​၊ လဲလျောင်း​လျက် နေ​ရ​လိမ့်မည်”​ဟု ထာဝရဘုရား​မိန့်​တော်မူ​၏​။

ဟ္ဂဲ 1:10

ထို့ကြောင့် သင်​တို့​အဖို့ မိုး​နှင်း​မကျ​။ မြေကြီး​လည်း အသီးအနှံ မ​ဖြစ်ထွန်း​။

ဟ္ဂဲ 2:18

ယနေ့​မှစ၍ သင်​တို့ နှလုံးသွင်း​ဆင်ခြင်​ကြ​လော့​။ ထာဝရဘုရား​၏​ဗိမာန်​တော်​ကို အုတ်မြစ်ချ​သော​နေ့​၊ နဝမ​လ နှစ်ဆယ့်​လေး​ရက်​နေ့​မှစ၍ သင်​တို့ နှလုံးသွင်း​ဆင်ခြင်​ကြ​လော့​။

ဟ္ဂဲ 2:19

စပါးကျီ​ထဲ၌ မျိုးစေ့​ရှိ​သေး​သလော​။ စပျစ်ပင်​၊ သဖန်းပင်​၊ သလဲပင်​နှင့် သံလွင်ပင်​တို့ အသီး​မ​သီး​လျှင်​လည်း ယနေ့​မှစ၍ သင်​တို့​ကို ငါ​ကောင်းချီးပေး​မည်’​ဟူ၍ ထာဝရဘုရား​မိန့်​တော်မူ​ပြီ”​ဟု ပြန်ပြော​၏​။

ဇာ​ခ​ရိ 8:6

ကောင်းကင်​ဗိုလ်ခြေ​အရှင်​ထာဝရဘုရား​က ‘ထို​ကာလ​တွင် ထို​အမှု​သည် ကြွင်းကျန်​သော ဤ​လူမျိုး​တော်​တို့​အဖို့ အံ့ဩဖွယ်​ရာ​ဖြစ်​လျှင်​လည်း ငါ့​အဖို့​မူကား အံ့ဩဖွယ်​ရာ​ဖြစ်​လိမ့်မည်​လော’​ဟု မိန့်​တော်မူ​၏​။

မာ​လ​ခိ 3:11

“လောင်မီးပိုး​ကို ငါ​တားဆီး​မည်​။ သင်​တို့​မြေ​မှ​အသီးအနှံ​ကို မ​ဖျက်ဆီး​စေ​ရ​။ သင်​တို့​မြေ​မှ​စပျစ်ပင်​သည် အသီး​မ​သီး​ဘဲ​မ​နေ​ရ”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 6:33

ဘုရားသခင်​၏​နိုင်ငံ​တော်​နှင့် ကိုယ်တော်​၏​ဖြောင့်မတ်​ခြင်း​ကို ဦးစွာ​ရှာ​ကြ​လော့။ ထိုအခါ ဤ​အရာ​အားလုံး​တို့​ကို သင်​တို့​အား ထပ်လောင်း​၍​ပေး​တော်မူ​လိမ့်မည်။

၁ ကော 3:21

သို့ဖြစ်၍ မည်သူမျှ လူ​တို့​အကြောင်း​ကို​မ​ဝါကြွား​နှင့်။ အကြောင်းမူကား ခပ်သိမ်း​သော​အရာ​တို့​ကို သင်​တို့​ပိုင်ဆိုင်​၏။

တ​ရား​ဟော 32:2

ငါ့​သွန်သင်ချက်​သည် မိုးစက်​လေး​လို​တစက်စက်ကျ​ပါစေ​။ ငါ့​စကား​သည် နှင်းစက်​လေး​လို တဖွဲဖွဲ​ကျ​ပါစေ​။ မြက်နု​ပေါ်​ကျ​သော​မိုးဖွဲ​လေး​များ​လို​၊ မြက်ပင်​ပေါ်​ကျ​သော​မိုးပေါက်​လေး​များ​လို ဖြစ်​ပါစေ​။

တ​ရား​ဟော 33:13

ယောသပ်​အမျိုး​ကို​ကား​၊ သူ​၏​ပြည်​သည် ကောင်းကင်​ရတနာ​ဖြစ်​သော​နှင်း​အားဖြင့်​လည်းကောင်း​၊ အောက်​အရပ်​၌​ဝပ်​နေ​သည့်​နက်ရှိုင်း​သော​ရေထု​အားဖြင့်​လည်းကောင်း​၊

တ​ရား​ဟော 33:28

အစ္စရေး​လူမျိုး​သည် ဘေးကင်းလုံခြုံ​စွာ​ဖြင့် တသီးတခြား​နေထိုင်​ရ​မည်​။ ယာကုပ်​အမျိုးအနွယ်​သည် ကောက်ပဲသီးနှံ​နှင့် စပျစ်ဝိုင်​အသစ်​ပေါများ​ရာ​အရပ်​၊ ကောင်းကင်​မှ နှင်း​တဖွဲဖွဲကျ​ရာ​အရပ်​၌ နေထိုင်​ရ​မည်​။

ယာ​ကုပ် 3:18

ငြိမ်းချမ်း​မှု​ကို​ဖြစ်​စေ​သော​သူ​တို့​သည် ဖြောင့်မတ်​ခြင်း​အသီး​၏​မျိုးစေ့​ကို ငြိမ်းချမ်း​စွာ​ကြဲ​တတ်​ကြ​၏။