ဟ္ဂဲ 1:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ မြေကြီး​နှင့် တောင်​များ​အပေါ်​၌​လည်းကောင်း​၊ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ မြေ​၌ ပေါက်​သော​အပင်​များ​၊ လူ​နှင့်​တိရစ္ဆာန်​များ​နှင့် ပင်ပန်းခက်ခဲ​စွာ​လုပ်ဆောင်​ထား​သော​အရာ​အားလုံး​အပေါ်​၌​လည်းကောင်း မိုးခေါင်​ခြင်း​ဘေး​ကျရောက်​စေ​လေ​ပြီ”​ဟု မိန့်ဆို​၏​။

Common Language Bible

¹¹ ငါ​သည်​ဤ​ပြည်​ကို​ခြောက်​သွေ့​၍​နေ​စေ​ခဲ့ ၏။ ဤ​ပြည်​ရှိ​တောင်​ကုန်း​များ၊ လယ်​ယာ​များ၊ စ​ပျစ်​ဥ​ယျာဉ်​များ​နှင့်​သံ​လွင်​ခြံ​များ​ပေါ် ၌​လည်း​ကောင်း၊ မြေ​ကြီး​က​ထွက်​သည့်​သီး​နှံ မှန်​သ​မျှ​ပေါ်​၌​လည်း​ကောင်း၊ လူ​နှင့်​တိရစ္ဆာန် များ​ပေါ်​၌​လည်း​ကောင်း၊ သင်​တို့​ကြိုး​စား စိုက်​ပျိုး​သည့်​သီး​နှံ​မှန်​သ​မျှ​အ​ပေါ်​၌ လည်း​ကောင်း​မိုး​ကို​ခေါင်​စေ​ခဲ့​၏'' ဟု​မိန့် တော်​မူ​ပါ​၏။

Garrad Bible

¹¹ စ ပါး စ ပျစ် ရည် ဆီ များ မှ စ သော မြေ ထွက် အ မျိုး မျိုး၊ လူ တိ ရ စ္ဆာန် နှင့် ချွေး နဲ စာ အ မျိုး မျိုး ပါ နေ ပြည် ပေါ် တွင် မိုး ခေါင် ဘေး ကို ငါ သင့် စေ ပြီ ဟု ဗိုလ် ခြေ တို့ အ ရှင် ထာ ဝ ရ ဘု ရား မိန့် တော် မူ သည် ဟူ ၍ တည်း။

Judson Bible

¹¹ မြေ​ပေါ်၌​လည်း​ကောင်း၊ တောင်​ပေါ်၌​လည်း​ကောင်း၊ ဆန်​စ​ပါး၊ ချို​သော​စ​ပျစ်​ရည်၊ ဆီ​အ​ပေါ်၌​လည်း​ကောင်း၊ မြေ​ထဲ​က​ထွက်​သ​မျှ အ​ပေါ်၌​လည်း​ကောင်း၊ လူ​သ​တ္တ​ဝါ​တိ​ရ​စ္ဆာန် အ​ပေါ်၌​လည်း​ကောင်း၊ လုပ်​ဆောင်​သ​မျှ​အ​ပေါ်၌​လည်း​ကောင်း၊ သွေ့​ခြောက်​ခြင်း​ဘေး​ကို ငါ​မှာ​လိုက်​လေ​ပြီ​ဟု မိန့်​တော်​မူ၏။

ဟ္ဂဲ 1:11 ပူးပေါင်းရင်းမြစ်များ

၃ ရာ 17:1

ဂိလဒ်​ပြည်​ရှိ တိရှဘိ​မြို့သား​ဧလိယ​က အာဟပ်​မင်းကြီး​အား “​ငါ​ကိုးကွယ်​သော အစ္စရေး​လူမျိုး​၏​ဘုရားသခင်​ထာဝရဘုရား အသက်ရှင်​တော်မူ​သည်​နှင့်အညီ ဤ​နှစ်​များ​အတွင်း ငါ​အမိန့်​မ​ပေး​ဘဲ မိုး​မ​ရွာ​၊ နှင်း​မ​ကျ​စေ​ရ​”​ဟု ဆို​၏​။

၄ ရာ 8:1

ထို့နောက် ဧလိရှဲ​က သူ​အသက်ပြန်ရှင်​စေ​ခဲ့​သော​သူငယ်​၏​မိခင်​အား “​သင်​နှင့်​သင့်​အိမ်သူအိမ်သား​တို့ ထ​၍​ထွက်သွား​ကြ​ပါ​။ သင်​တည်းခိုနေထိုင်​နိုင်​မည့်​နေရာ​တွင် တည်းခိုနေထိုင်​ပါ​။ ထာဝရဘုရား​သည် ဤ​ပြည်​၌ ငတ်မွတ်ခေါင်းပါး​ခြင်း​ဘေး ဖြစ်​စေ​မည်​။ တစ်ပြည်လုံး ခုနစ်​နှစ်​အစာခေါင်းပါး​မည်​”​ဟု ပြော​၏​။

ယောဘဝတ္တု။ 34:29

ကိုယ်တော်​နှုတ်ဆိတ်​နေ​လျှင် မည်သူ​အပြစ်တင်​ဝံ့​မည်နည်း​။ ကိုယ်တော်​မျက်နှာလွှဲ​တော်မူ​လျှင် လူမျိုး​တစ်​မျိုး​ဖြစ်စေ​၊ လူ​တစ်ဦးချင်း​ဖြစ်စေ မည်သူ​မြင်​နိုင်​မည်နည်း​။

ယေ​ရ​မိ 14:2

ယုဒ​ပြည် ငိုကြွေးမြည်တမ်း​လေ​ပြီ​။ မြို့​တံခါး​တို့​လည်း အားလျော့​ကြ​ပြီ​။ မြေကြီး​ပေါ်တွင် ဝမ်းနည်း​ပူဆွေး​ကြ​လေ​ပြီ​။ ဂျေရုဆလင်​မြို့​၏​အော်ဟစ်ငိုကြွေးသံ​သည် ထွက်ပေါ်​လာ​ပြီ​။

မြည်​တမ်း​စ​ကား 1:21

အကျွန်ုပ်​ညည်းတွား​သံ​ကို ကြား​သော်လည်း အကျွန်ုပ်​ကို နှစ်သိမ့်ပေး​မည့်​သူ တစ်ယောက်​မျှ​မ​ရှိ​ပါ​။ အကျွန်ုပ်​ဒုက္ခ​ရောက်​ကြောင်း​ကို အကျွန်ုပ်​၏​ရန်သူ​အပေါင်း​တို့ ကြား​ကြ​ပါ​ပြီ​။ ကိုယ်တော် ဤသို့​ပြု​တော်မူ​သည်​ကို သူ​တို့ နှစ်သက်အားရ​ကြ​ပါ​၏​။ ကိုယ်တော်​မိန့်ဆို​ထား​သော​နေ့ရက် ရောက်လာ​ပါစေ​။ သူ​တို့​သည် အကျွန်ုပ်​ကဲ့သို့ ဖြစ်​ကြ​ပါစေ​။

အာ​မုတ် 5:8

ခုနစ်စင်ကြယ်​နှင့် သရဝဏ်နက္ခတ်​တို့​ကို​ဖန်ဆင်း​တော်မူ​သော​အရှင်​၊ သေမင်းအရိပ်​ကို နံနက်အလင်း​ဖြစ်စေ​သော​အရှင်​၊ နေ့​ကို ည​အမှောင်​ဖြစ်စေ​သော​အရှင်​၊ ပင်လယ်​ရေ​ကို ဆင့်ခေါ်​ပြီး ထို​ရေ​တို့​ကို မြေ​မျက်နှာပြင်​ပေါ်​လွှတ်ပေး​လိုက်​သော​အရှင်​၏​နာမ​တော်​ကား ထာဝရဘုရား​ဟူ၍​ဖြစ်​၏​။

အာ​မုတ် 7:4

တစ်ဖန် ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​ပြန်​၏​။ ကြည့်ရှု​လော့​။ ဘုရားရှင်​ထာဝရဘုရား​သည် တရားစီရင်​ရန် မီး​ကို​ဆင့်ခေါ်​ရာ မီး​သည် ကျယ်ပြန့်​နက်ရှိုင်း​သော​ရေထု​ကို ဝါးမျို​ပြီးလျှင် မြေကြီး​ကို​လည်း ဝါးမျို​လေ​၏​။

အာ​မုတ် 9:6

မိုးကောင်းကင်​တွင် အထက်ခန်း​များ​ကို တည်ဆောက်​တော်မူ​သော​အရှင်​၊ မြေကြီး​ပေါ်တွင် အုတ်မြစ်ချ​တော်မူ​သော​အရှင်​၊ ပင်လယ်​ရေ​ကို ဆင့်ခေါ်​ပြီး မြေ​မျက်နှာပြင်​ပေါ် လွှတ်ပေး​လိုက်​သော​အရှင်​၏​နာမ​တော်​ကား ထာဝရဘုရား ဖြစ်​၏​။

ဟ္ဂဲ 2:17

သင်​တို့​စိုက်ပျိုး​လုပ်ဆောင်​သမျှ​ကို လောင်မီးပိုးကျ​ခြင်း​၊ မှိုရောဂါစွဲ​ခြင်း​၊ မိုးသီးကျ​ခြင်း​တို့​ဖြင့် ငါ​ဒဏ်ခတ်​သော်လည်း သင်​တို့​သည် ငါ့​ထံသို့ ပြန်​မ​လာ​ကြ​။

ဟ္ဂဲ 2:19

စပါးကျီ​ထဲ၌ မျိုးစေ့​ရှိ​သေး​သလော​။ စပျစ်ပင်​၊ သဖန်းပင်​၊ သလဲပင်​နှင့် သံလွင်ပင်​တို့ အသီး​မ​သီး​လျှင်​လည်း ယနေ့​မှစ၍ သင်​တို့​ကို ငါ​ကောင်းချီးပေး​မည်’​ဟူ၍ ထာဝရဘုရား​မိန့်​တော်မူ​ပြီ”​ဟု ပြန်ပြော​၏​။

မာ​လ​ခိ 3:11

“လောင်မီးပိုး​ကို ငါ​တားဆီး​မည်​။ သင်​တို့​မြေ​မှ​အသီးအနှံ​ကို မ​ဖျက်ဆီး​စေ​ရ​။ သင်​တို့​မြေ​မှ​စပျစ်ပင်​သည် အသီး​မ​သီး​ဘဲ​မ​နေ​ရ”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မာ​လ​ခိ 3:9

သင်​တို့​တစ်မျိုးသားလုံး ငါ့​ထံမှ​လုယူ​ကြ​သောကြောင့် သင်​တို့​သည် ကျိန်​ခြင်း​ကို​ခံရ​၍ ကျိန်စာသင့်​လေ​ပြီ​။

တ​ရား​ဟော 28:22

ထာဝရဘုရား​သည် သင့်​ကို အဆုတ်ရောဂါ​ဖြစ်​ခြင်း​၊ ဖျားနာ​ခြင်း​၊ ရောင်ရမ်း​ခြင်း​၊ အဖျားကြီး​ခြင်း​၊ မိုးခေါင်​ခြင်း​၊ လောင်မီးပိုးကျ​ခြင်း​၊ မှိုစွဲ​ခြင်း​တို့​ဖြင့် ဒဏ်ခတ်​တော်မူ​မည်​။ သင်​ပျက်စီး​ခြင်း​သို့​မ​ရောက်​မ​ချင်း ထို​ဘေး​တို့​သည် သင့်​ကို​လိုက်​လိမ့်မည်​။