အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဗျာ​ဒိတ် 19:9 - ခေတ်သစ်​မြန်မာ သမ္မာကျမ်း

ထိုအခါ ကောင်းကင်တမန်​က “ဤ​စာ​ကို ရေးထားလော့။ သိုးသငယ်​၏​မင်္ဂလာပွဲ​သို့ ဖိတ်ကြားခံရသော​သူတို့​သည် မင်္ဂလာ​ရှိကြ၏” ဟု ကျွန်ုပ်​အား ပြော၏။ ထို့နောက် “ဤ​အရာများ​သည် ဘုရားသခင်​၏ မှန်ကန်သော နှုတ်တော်ထွက်​စကားများ​ဖြစ်၏” ဟု ထပ်မံ​ပြောဆို၏။

အခန်းကိုကြည့်ပါ။

Common Language Bible

ထို​နောက်​ကောင်း​ကင်​တ​မန်​က``သိုး​သူ​ငယ်​တော် ၏​ထိမ်း​မြား​မင်္ဂ​လာ​ပွဲ​သို့​ဖိတ်​ခေါ်​ခြင်း​ခံ​ရ​သူ တို့​သည်​မင်္ဂ​လာ​ရှိ​ကြ​၏​ဟု​ရေး​မှတ်​ထား​လော့'' ဟူ​၍​လည်း​ကောင်း``ဤ​စ​ကား​သည်​ဘု​ရား​သ​ခင် ၏​နှုတ်​တော်​ထွက်​စ​ကား​ပင်​ဖြစ်​၏'' ဟူ​၍​လည်း ကောင်း​ငါ့​အား​မြွက်​ဆို​၏။

အခန်းကိုကြည့်ပါ။

Garrad Bible

ထို အ ခါ စေ တ မန် တော် က၊ သိုး ငယ် တော်၏ မင်္ဂ လာ ဆောင် ပွဲ တော် သို့ ဖိတ် ကြား ခံ ရ သူ တို့၌ မင်္ဂ လာ ရှိ သည် ကို ရေး သား လော့ ဟူ၍ လည်း ကောင်း၊ ဤ ကား ဘု ရား သ ခင့် ဗျာ ဒိတ် တော် စစ် ဖြစ် သည် ဟူ၍လည်း ကောင်း မြွက် ဆို ရာ၊

အခန်းကိုကြည့်ပါ။

Judson Bible

ကောင်း​ကင်​တ​မန်​က​လည်း၊ သိုး​သ​ငယ်၏ မင်္ဂ​လာ​ဆောင်​ပွဲ​သို့ ခေါ်​ဖိတ်​ခြင်း​ကို ခံ​ရ​သော​သူ​တို့​သည် မင်္ဂ​လာ​ရှိ​ကြ၏​ဟု ရေး​ထား​လော့​ဟူ၍​လည်း​ကောင်း၊ ဤ​စ​ကား​သည် ဘု​ရား​သ​ခင်၏ နှုတ်​တော်​ထွက်​စင်​စစ်​ဖြစ်၏ ဟူ၍​လည်း​ကောင်း ငါ့​အား​ပြော​ဆို၏။-

အခန်းကိုကြည့်ပါ။

မြန်​​​မာ့​​​စံ​​​မီ​​​သမ္မာ​​​ကျမ်း​​

ထို့နောက် ကောင်းကင်​တမန်​က “သိုးသငယ်​တော်​၏​မင်္ဂလာ​ညစာစားပွဲ​သို့ ဖိတ်ခေါ်​ခြင်း​ခံရ​သော​သူ​တို့​သည် မင်္ဂလာရှိ​ကြ​၏​ဟု ရေး​ထား​လော့”​ဟူ၍ ငါ့​အား​မြွက်ဆို​ပြီးလျှင် “ဤ​အရာ​တို့​သည် ဘုရားသခင်​၏​ဖြောင့်မှန်​သော​နှုတ်ကပတ်တော်​များ​ဖြစ်​ကြ​၏”​ဟု မြွက်ဆို​လေ​၏။

အခန်းကိုကြည့်ပါ။



ဗျာ​ဒိတ် 19:9
27 ပူးပေါင်းရင်းမြစ်များ  

သင်တို့​အား ငါ​ပြောဆိုသည်​မှာ ပသခါပွဲတော်​သည် ဘုရားသခင်​၏​နိုင်ငံတော်​တွင် မပြည့်စုံမီ​အချိန်​ထိ ဤ​ပသခါပွဲတော်​ညစာ​ကို နောက်တစ်ဖန် ငါ​စားမည်​မဟုတ်” ဟု မိန့်တော်မူ၏။


“ယေရှု​ခရစ်တော်​သည် အပြစ်သားများ​ကို ကယ်တင်​ရန် ဤ​လောက​သို့ ဆင်းကြွလာသည်” ဟူသော စကား​သည် လုံးဝ​မှန်ကန်ပြီး အပြည့်အဝ​လက်ခံ​ထိုက်၏။ ထို​အပြစ်သားများ​အနက် ကျွန်ုပ်​သည် အဆိုးဆုံး​ဖြစ်၏။


ဤ​စကား​သည် အပြည့်အဝ​လက်ခံထိုက်သည့် မှန်သော​စကား ဖြစ်၏။


အောက်ပါ​စကား​သည် ယုံကြည်စိတ်ချ​ရသည့်​စကား​ဖြစ်၏။ ကျွန်ုပ်တို့​သည် ခရစ်တော်​နှင့်အတူ သေ​လျှင် ကိုယ်တော်​နှင့်အတူ အသက်ရှင်​လိမ့်မည်။


ဤ​စကား​သည် စိတ်ချ​ယုံကြည်ရသော စကား​ဖြစ်၏။ သင်တို့​သည် ထို​အရာများ​ကို အထူး​ဂရုစိုက်​၍ တိုက်တွန်းကြ​ရန် ကျွန်ုပ်​အလို​ရှိ၏။ ဤ​နည်း​ဖြင့် ဘုရားသခင်​ကို ယုံကြည်သောသူတို့​သည် ကောင်းမှုပြု​ရန် ကြိုးစား​နိုင်မည်။ အထက်ပါ​အရာတို့​သည် ကောင်းမွန်​၍ လူတိုင်း​အတွက် အကျိုးပြုသော​အရာများ​ဖြစ်၏။


ဤ​စာစောင်​သည် ယေရှု​ခရစ်တော်​၏ ဗျာဒိတ်တော်​ဖြစ်၏။ ဤ​ဗျာဒိတ်တော်​မှာ ဘုရားသခင်​က မိမိ​၏ အစေခံများ​အား မကြာမီ​ဖြစ်ပျက်ရမည့်​အရာ​ကို ဖော်ပြ​ရန် ယေရှု​ခရစ်တော်​ထံ ပေးအပ်တော်မူသော​ဗျာဒိတ်တော်​ဖြစ်၏။ ထို့ကြောင့် ခရစ်တော်​သည် ထို​ဗျာဒိတ်တော်​ကို မိမိ​၏​အစေခံ​ယောဟန်​အား ဖွင့်ပြ​ရန် ကောင်းကင်တမန်​ကို စေလွှတ်တော်မူ၏။


ထို့ကြောင့် သင်​မြင်ခဲ့ရသည့်​အရာများ၊ ယခု​ဖြစ်ပျက်နေသော​အရာများ​နှင့် အနာဂတ်​တွင်​ဖြစ်ပျက်မည့်​အရာများ​ကို ရေးထားလော့။


ထို​မိုးခြိမ်းသံ ခုနစ်ချက်တို့​ပြောဆို​သောအခါ ကျွန်ုပ်​သည် ရေးမှတ်​ရန်​ပြင်​စဉ် “မိုးခြိမ်းသံ ခုနစ်ချက်တို့​ပြောဆိုသော​စကား​ကို လျှို့ဝှက်ထားလော့။ မရေးမှတ်နှင့်” ဟူ၍ ကောင်းကင်ဘုံ​မှ ထွက်လာသော​အသံ​ကို ကျွန်ုပ်​ကြားရ၏။


ထို့နောက် “ဤ​အရာ​ကို ရေးမှတ်ထားလော့။ ယခု​မှစ၍ သခင်ဘုရား​ကို သစ္စာရှိ​စွာ ယုံကြည်​လျက် သေလွန်သော​သူတို့​သည် မင်္ဂလာ​ရှိကြ၏” ဟု ကောင်းကင်ဘုံ​မှ ပြောဆိုသံ​ကို ကျွန်ုပ်​ကြားရ၏။ ဝိညာဉ်တော်​ကလည်း “မှန်ပေ၏။ သူတို့​ပြုခဲ့သော​အမှုများ​အတွက် ဆုပေးခံကြရ​သဖြင့် သူတို့​သည် ပင်ပန်း​ဆင်းရဲ​စွာ လုပ်ဆောင်ခြင်း​မှ အနားယူခွင့် ရကြ​လိမ့်မည်” ဟု မိန့်တော်မူ၏။


ဖလား​ခုနစ်လုံး​ကိုင်ဆောင်ထားသော ကောင်းကင်တမန်​ခုနစ်ပါး​အနက် တစ်ပါး​သည် လာ​၍ ကျွန်ုပ်​အား “လာလော့။ မြစ်​များစွာ​ရှိရာ​၌ တည်ရှိသည့်​ဆိပ်ကမ်း​မြို့ကြီး​ဖြစ်သော​ပြည့်တန်ဆာမကြီး ခံရမည့် ပြစ်ဒဏ်များ​ကို သင့်​အား ငါ​ပြမည်။


မိမိ​အကြံအစည်တော်​အတိုင်း လုပ်ဆောင်မည့်​သဘော​ကို ဘုရားသခင်​သည် ထို​သူတို့​၏​စိတ်​ထဲသို့ ထည့်သွင်းတော်မူ၏။ ဤ​သည်​မှာ သူတို့​သည် ဘုရားသခင်​မိန့်တော်မူသော​အရာများ ဖြစ်ပျက်လာ​ချိန်​အထိ မိမိတို့​၏​နိုင်ငံ​အုပ်စိုးခွင့်​ကို သားရဲ​အား သဘော​တညီတညွတ်တည်း​ပေးအပ်​ရန် ဖြစ်၏။


ဧဖက်မြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ လက်ယာလက်​၌ ကြယ်​ခုနစ်လုံး​ကို ကိုင်ဆောင်​၍ ရွှေ​ဆီမီးတိုင်​ခုနစ်တိုင်​ကြားတွင် သွားလာသော​သူ​က ဤ​သို့​မိန့်တော်မူ၏။


ပေရဂံမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ ထက်သော​သန်လျက်​ကို ကိုင်ဆောင်ထားသူ​က ဤသို့​မိန့်တော်မူ၏။


သွာတိရမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ မျက်လုံးတော်​သည် မီးလျှံ​ကဲ့သို့​လည်းကောင်း၊ ခြေတို့​သည် တောက်ပသော​ကြေးဝါ​ကဲ့သို့​လည်းကောင်း ဖြစ်တော်မူသော ဘုရားသခင်​၏​သားတော်​က ဤသို့​မိန့်တော်မူ၏။


စမုရနမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အစဦးဆုံး​နှင့် နောက်ဆုံး​ဖြစ်သောသူ၊ အသေခံ​ပြီး အသက်​ပြန်ရှင်လာသောသူ​က ဤသို့​မိန့်တော်မူ၏။


ရာဇပလ္လင်တော်​ပေါ်၌ ထိုင်တော်မူသော​အရှင်​က “ငါ​သည် အရာ​အားလုံး​ကို အသစ်​ဖြစ်စေ၏” ဟု မိန့်တော်မူ​ပြီးနောက် “ဤ​စကားတို့​သည် သစ္စာ​စကား၊ မှန်သော​စကား​ဖြစ်​သောကြောင့် ရေးထားလော့” ဟူ၍​လည်း မိန့်တော်မူ၏။


ကောင်းကင်တမန်​က “ဤ​စကားတို့​သည် သစ္စာ​စကား၊ မှန်သော​စကား​ဖြစ်၏။ ပရောဖက်တို့​၏ ဝိညာဉ်များ​ကို လှုံ့ဆော်တော်မူသော​အရှင် ဘုရားသခင်​သည် မကြာမီ​ဖြစ်ပျက်​ရမည့်​အရာများ​ကို မိမိ​အစေခံတို့​အား ပြသ​ရန် မိမိ​၏​ကောင်းကင်တမန်​ကို စေလွှတ်တော်မူ၏” ဟု ကျွန်ုပ်​အား ဆို၏။


သာဒိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ ဘုရားသခင်​၏ ဝိညာဉ်​ခုနစ်ပါး​နှင့် ကြယ်​ခုနစ်လုံး​ရှိသောသူ​က ဤသို့​မိန့်တော်မူ၏။ သင်​၏​အပြုအမူ​ကို ငါ​သိ၏။ သင်​သည် အသက်ရှင်သည်​ဟု နာမည်ခံထား​သော်လည်း သေ​လျက်​နေ၏။


လောဒိကိမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အာမင်​ဖြစ်သောသူ၊ စစ်မှန်​၍ သစ္စာရှိသည့်​သက်သေ​ဖြစ်သောသူ၊ ဘုရားသခင်​ဖန်ဆင်းတော်မူသော​အရာတို့​၏​အစအဦး​ဖြစ်သောသူ​က ဤသို့​မိန့်တော်မူ၏။


ကြည့်ရှုလော့။ ငါ​သည် တံခါး​ရှေ့မှာ ရပ်​၍ ခေါက်​လျက်​နေ၏။ တစ်စုံတစ်ဦး​သည် ငါ့​အသံ​ကို ကြား​၍​တံခါး​ဖွင့်​လျှင် ငါ​ဝင်​၍ သူ​နှင့်အတူ​စားသောက်မည်။ သူ​သည်လည်း ငါ​နှင့်အတူ စားသောက်ရ​လိမ့်မည်။


ဖိလဒေလဖိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ သန့်ရှင်း​၍ မှန်သော​စကား​ကို​ပြောသူ၊ ဒါဝိဒ်​မင်း​၏​အခွင့်အာဏာ​သော့​ကို ရရှိထားသူ၊ မည်သူ​မျှ​မပိတ်​နိုင်အောင် ဖွင့်​၍ မည်သူ​မျှ​မဖွင့်​နိုင်အောင် ပိတ်သူ​က ဤသို့​မိန့်တော်မူ၏။