ဗျာ​ဒိတ် 3:14 - ခေတ်သစ်​မြန်မာ သမ္မာကျမ်း

¹⁴ လောဒိကိမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အာမင်​ဖြစ်သောသူ၊ စစ်မှန်​၍ သစ္စာရှိသည့်​သက်သေ​ဖြစ်သောသူ၊ ဘုရားသခင်​ဖန်ဆင်းတော်မူသော​အရာတို့​၏​အစအဦး​ဖြစ်သောသူ​က ဤသို့​မိန့်တော်မူ၏။

Common Language Bible

¹⁴ ``လော​ဒိ​ကိ​အ​သင်း​တော်​၏​ကောင်း​ကင်​တ​မန် ထံ​သို့​ဤ​သို့​စာ​ရေး​၍​သြ​ဝါ​ဒ​ပေး​လော့။ ဤ​သြ​ဝါ​ဒ​သည်​ဘု​ရား​သခင်​ဖန်​ဆင်း​တော်​မူ သော​အ​ရာ​အ​ပေါင်း​တို့​၏​အ​စ​မူ​လ​ဖြစ်​တော် မူ​သော၊ သစ္စာ​ရှိ​၍​ဟုတ်​မှန်​သော​သက်​သေ​ခံ​ဖြစ် တော်​မူ​သော​အာ​မင်​၏​ထံ​မှ​ဖြစ်​သည်။-

Garrad Bible

¹⁴ လော ကိ ဒိ မြို့ ရှိ အ သင်း တော့် ဆိုင် ရာ စေ တ မန် တော့် ထံ ရေး လိုက် ရ မည် မှာ၊ အာ မင် ဖြစ် လျက်၊ ဟုတ် မှန် စွာ သ စ္စာ စောင့် သော သက် သေ တော် ခံ၊ ဘု ရား သ ခင် ဖန် ဆင်း ထား တော် မူ သ မျှ၏ အ ကြောင်း ရင်း ဖြစ် တော် မူ သော အ ရှင် က၊

Judson Bible

¹⁴ လော​ဒိ​ကိ​မြို့၌​ရှိ​သော အ​သင်း​တော်၏​တ​မန်​ကို ဤ​သို့ ရေး၍ မှာ​လိုက်​လော့။ ဘု​ရား​သ​ခင်၏ ဝေ​နေ​ယျ​သ​တ္တ​ဝါ​တို့​အ​ထွတ်၊ သ​စ္စာ​ရှိ၍ ဟုတ်​မှန်​သော သက်​သေ​ခံ၊ အာ​မင်၏ အ​မိန့်​တော်​ကား၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ လောဒိကိ​မြို့​၌​ရှိ​သော အသင်းတော်​၏​စေတမန်​အား ဤသို့​ရေး​လိုက်​လော့။ အာမင်​ဖြစ်​သော​သူ၊ သစ္စာ​ရှိ​သည့် ဖြောင့်မှန်​သော​သက်သေ၊ ဘုရားသခင်​၏​ဖန်ဆင်း​တော်မူ​ခြင်း​တွင် အစအဦး​ဖြစ်​သော​သူ​က ဤသို့​မိန့်​တော်မူ​၏။

ဗျာ​ဒိတ် 3:14 ပူးပေါင်းရင်းမြစ်များ

ရှင်ယောဟန် 1:3

ဘုရားသခင်​သည် ထို​နှုတ်ကပတ်တော်​အားဖြင့် အရာ​အားလုံး​ကို ဖန်ဆင်းတော်မူ၏။ ထိုသို့​ဖန်ဆင်းတော်မူခြင်း​နှင့် ကင်းလွတ်သော​အရာ တစ်စုံတစ်ခု​မျှ မရှိပေ။

ရှင်ယောဟန် 8:14

ယေရှု​က “ငါ​သည် မိမိ​အကြောင်း​မိမိ သက်သေခံ​သော်လည်း ငါ့​သက်သေ​သည် ခိုင်လုံ၏။ အဘယ်ကြောင့်ဆိုသော် ငါ​သည် မည်သည့်​အရပ်​မှ လာ​၍ မည်သည့်​အရပ်​သို့ သွားမည်​ကို ငါ​သိ၏။ သင်တို့​ကမူ ငါ​သည် မည်သည့်​အရပ်​မှ လာ​၍ မည်သည့်​အရပ်​သို့ သွားမည်​ကို မသိကြ။

၂ ကော 1:20

ဘုရားသခင်​၏ ကတိတော်​ရှိသမျှတို့​သည် ထို​အရှင်​၌ “ဟုတ်၏” ဟူ၍ ဖြစ်ကြ၏။ ထို့ကြောင့် ကျွန်ုပ်တို့​သည် ဘုရားသခင်​၏ ဘုန်းတော်​ကို ထင်ရှား​စေရန် ခရစ်တော်​အားဖြင့် “အာမင်” ဟူ၍ ဆိုကြ၏။

ကော​လော​သဲ 1:15

သားတော်​သည် မျက်စိ​ဖြင့်​မမြင်ရသော ဘုရားသခင်​၏ ပုံသဏ္ဌာန်တော်​ဖြစ်ပြီး ဘုရားသခင်​ဖန်ဆင်းတော်မူ​သမျှသော အရာ​အားလုံး​တွင် သားဦး​ဖြစ်တော်မူ၏။

ကော​လော​သဲ 1:18

ကိုယ်တော်​သည် အသင်းတော်​ဟူသော မိမိ​ကိုယ်ခန္ဓာ​၏ ဦးခေါင်း​ဖြစ်​၍ ကိုယ်ခန္ဓာ​၏ မူလ​အရင်းအမြစ် ဖြစ်တော်မူ၏။ သေရာ​မှ အဦးဆုံး ရှင်ပြန်​ထမြောက်လာသော သားဦး ဖြစ်တော်မူ၏။ သို့ဖြစ်၍ ကိုယ်တော်​သည် အရာ​အားလုံး​တွင် အကြီးမြတ်ဆုံး ဖြစ်တော်မူ၏။

ကော​လော​သဲ 2:1

သင်တို့​နှင့် လောဒိကိ​မြို့သားများ​အပါအဝင် ကျွန်ုပ်​နှင့် လူချင်း​မဆုံဖူးသေးသော​သူများ​အတွက် ကျွန်ုပ် မည်မျှ​ကြိုးပမ်း​ရုန်းကန်နေသည်​ကို သင်တို့​သိစေလို၏။

ကော​လော​သဲ 4:16

ဤ​စာ​ကို သင်တို့ ဖတ်​ပြီးနောက် လောဒိကိမြို့​ရှိ အသင်းတော်​ကိုလည်း ဖတ်စေကြလော့။ လောဒိကိမြို့​ရှိ အသင်းတော်​ထံသို့ ကျွန်ုပ်​ရေးလိုက်သည့် စာ​ကိုလည်း သင်တို့ ဖတ်ကြလော့။

ဗျာ​ဒိတ် 1:11

ထို​အသံ​က “သင်​မြင်သော​အရာ​ကို စာစောင်​တွင် ရေး​၍ ဧဖက်မြို့၊ စမုရနမြို့၊ ပေရဂံမြို့၊ သွာတိရမြို့၊ သာဒိမြို့၊ ဖိလဒေလဖိမြို့၊ လောဒိကိမြို့များ​ရှိ အသင်းတော်​ခုနစ်ပါး​ထံသို့ ပေးပို့လော့” ဟု ဆို၏။

ဗျာ​ဒိတ် 1:5

ယေရှု​ခရစ်တော်​ထံမှ​လည်းကောင်း ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်​ပါစေသော။ ယေရှု​ခရစ်တော်​သည် သစ္စာရှိသော​သက်သေခံ၊ သေခြင်း​မှ အဦးဆုံး​ထမြောက်သောသူ၊ လောကီ​ဘုရင်တို့​၏​မင်း ဖြစ်တော်မူ၏။ ကိုယ်တော်​သည် ကျွန်ုပ်တို့​ကို ချစ်​၍ အသေခံတော်မူခြင်း​အားဖြင့် ကျွန်ုပ်တို့​ကို အပြစ်များ​မှ လွတ်မြောက်စေတော်မူ၏။

ဗျာ​ဒိတ် 19:11

ထိုအခါ ကောင်းကင်ဘုံ​သည် ပွင့်​လျက်​ရှိသည်​ကို ကျွန်ုပ်​မြင်၏။ ထို​နေရာ​၌ မြင်းဖြူ​တစ်ကောင်​ရှိ၏။ ထို​မြင်းဖြူ​ကို စီးတော်မူသောသူ​သည် သစ္စာရှိသူ​နှင့် ဖြောင့်မှန်သူ​ဟု အမည်​ရ၏။ သူ​သည် ဖြောင့်မှန်​စွာ တရားစီရင်​၍ ဖြောင့်မှန်​စွာ စစ်တိုက်တော်မူ၏။

ဗျာ​ဒိတ် 2:1

ဧဖက်မြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ လက်ယာလက်​၌ ကြယ်​ခုနစ်လုံး​ကို ကိုင်ဆောင်​၍ ရွှေ​ဆီမီးတိုင်​ခုနစ်တိုင်​ကြားတွင် သွားလာသော​သူ​က ဤ​သို့​မိန့်တော်မူ၏။

ဗျာ​ဒိတ် 21:6

ကိုယ်တော်​က “အမှု​ပြီးပြီ။ ငါ​သည် အာလဖာ​နှင့် အိုမီဂါ၊ အစဦးဆုံးသောသူ​နှင့် နောက်ဆုံးသောသူ​ဖြစ်၏။ ရေငတ်သော​သူ​အား အသက်​စမ်းရေ​ကို အခမဲ့ ငါ​ပေးမည်။

ဗျာ​ဒိတ် 22:13

ငါ​သည် အာလဖာ​နှင့် အိုမီဂါ၊ အစဦးဆုံးသောသူ​နှင့် နောက်ဆုံးသောသူ၊ အစ​နှင့် အဆုံး​ဖြစ်၏။

ဗျာ​ဒိတ် 22:6

ကောင်းကင်တမန်​က “ဤ​စကားတို့​သည် သစ္စာ​စကား၊ မှန်သော​စကား​ဖြစ်၏။ ပရောဖက်တို့​၏ ဝိညာဉ်များ​ကို လှုံ့ဆော်တော်မူသော​အရှင် ဘုရားသခင်​သည် မကြာမီ​ဖြစ်ပျက်​ရမည့်​အရာများ​ကို မိမိ​အစေခံတို့​အား ပြသ​ရန် မိမိ​၏​ကောင်းကင်တမန်​ကို စေလွှတ်တော်မူ၏” ဟု ကျွန်ုပ်​အား ဆို၏။

ဗျာ​ဒိတ် 3:7

ဖိလဒေလဖိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ သန့်ရှင်း​၍ မှန်သော​စကား​ကို​ပြောသူ၊ ဒါဝိဒ်​မင်း​၏​အခွင့်အာဏာ​သော့​ကို ရရှိထားသူ၊ မည်သူ​မျှ​မပိတ်​နိုင်အောင် ဖွင့်​၍ မည်သူ​မျှ​မဖွင့်​နိုင်အောင် ပိတ်သူ​က ဤသို့​မိန့်တော်မူ၏။