ထိုသူသည် ဘုရားဟု ခေါ်၍ လူတို့ ကိုးကွယ်ကြသော အရာအားလုံးကို ဆန့်ကျင်လျက် မိမိကိုယ်ကိုယ် ချီးမြှောက်လိမ့်မည်။ ဘုရားသခင်၏ ဗိမာန်တော်တွင် ထိုင်လျက် မိမိကိုယ်ကိုယ် ဘုရားသခင်ဖြစ်ကြောင်း ကြွေးကြော်လိမ့်မည်။
ဗျာဒိတ် 13:14 - ခေတ်သစ်မြန်မာ သမ္မာကျမ်း သူသည် ပထမသားရဲ ကိုယ်စား ပြခွင့်ရသည့် နိမိတ်လက္ခဏာများဖြင့် ဤကမ္ဘာလောက၌ နေထိုင်ကြသောလူအပေါင်းတို့ကို လှည့်ဖြား၏။ ဓားဒဏ်ရာရထားသော်လည်း အသက်ရှင်သေးသော ပထမသားရဲ၏ ရုပ်တုကို ပြုလုပ်ရန် လူတို့အား အမိန့်ပေး၏။ Common Language Bible သူသည်ပထမသားရဲ၏ရှေ့၌ပြပိုင်ခွင့် ရှိသည့်နိမိတ်လက္ခဏာများကိုပြ၍ ကမ္ဘာ သူကမ္ဘာသားတို့အားမှောက်မှားလမ်းလွဲစေ လေသည်။ ဋ္ဌားဒဏ်ရာကိုရရှိသော်လည်း မသေဘဲရှင်နေသူထိုသားရဲအား ရိုသေ ဂုဏ်ပြုသည့်အနေဖြင့်သူ၏ရုပ်တုကိုပြု လုပ်ရန်ကမ္ဘာသူကမ္ဘာသားတို့အားစေခိုင်း ၏။- Garrad Bible သား ရဲ ရှေ့ တွင် ပြ ရ သော နိ မိတ် များ ဖြင့် မြေ ကြီး ပေါ် မှာ နေ ထိုင် သူ တို့ ကို လှည့် ဖြား၍ ဓား ဒဏ် ချက် ခံ ပြီး ရှင် သေး သော သား ရဲ၏ရုပ် ပုံ လုပ် ကြ စေ ဟု အ မိန့် ရှိ ပြီး လျှင်၊ Judson Bible ပထမသားရဲရှေ့၌ ပြပိုင်သော နိမိတ်လက္ခဏာတို့အားဖြင့် မြေကြီးသားတို့ကို လှည့်ဖြား၏။ ဓားနှင့် ခုတ်သောဒဏ်ချက်ကို ခံရ၍ အသက်ရှင်သေးသော သားရဲ၏ ရုပ်တုကို လုပ်စေခြင်းငှာ မြေကြီးသားတို့ကို မှာထား၏။- မြန်မာ့စံမီသမ္မာကျမ်း သူသည် ပထမသားရဲရှေ့၌ ပြုခွင့်ရရှိထားသောနိမိတ်လက္ခဏာများအားဖြင့် ကမ္ဘာမြေကြီးပေါ်တွင်နေထိုင်သောသူအားလုံးတို့ကိုလှည့်ဖြား၍ ဓားဒဏ်ရာရှိသော်လည်း အသက်ရှင်ခဲ့သောသားရဲ၏ရုပ်တုကိုပြုလုပ်ရန် ကမ္ဘာမြေကြီးပေါ်၌နေထိုင်သောသူတို့အားစေခိုင်း၏။ |
ထိုသူသည် ဘုရားဟု ခေါ်၍ လူတို့ ကိုးကွယ်ကြသော အရာအားလုံးကို ဆန့်ကျင်လျက် မိမိကိုယ်ကိုယ် ချီးမြှောက်လိမ့်မည်။ ဘုရားသခင်၏ ဗိမာန်တော်တွင် ထိုင်လျက် မိမိကိုယ်ကိုယ် ဘုရားသခင်ဖြစ်ကြောင်း ကြွေးကြော်လိမ့်မည်။
ထိုနဂါးသည် တစ်ကမ္ဘာလုံးကို လှည့်ဖြားသည့် မာရ်နတ်၊ သို့မဟုတ် စာတန် ဟုခေါ်သော ရှေးမြွေဟောင်းဖြစ်ပြီး သူ၏ တမန်များနှင့်အတူ ကမ္ဘာမြေပေါ်သို့ ပစ်ချခံခဲ့ရ၏။
ထို့နောက် သားရဲတစ်ကောင် ပင်လယ်ထဲမှ တက်လာသည်ကို ကျွန်ုပ်မြင်ရ၏။ ထိုသားရဲ၌ ခေါင်းခုနစ်လုံးနှင့် ဦးချိုဆယ်ချောင်း ပါရှိပြီး ထိုဦးချိုများတွင် သရဖူဆယ်ခုရှိ၏။ ခေါင်းတစ်လုံးစီအပေါ်၌ ဘုရားသခင်ကို စော်ကားသောအမည်များကို ရေးထား၏။
ထိုသားရဲသည် ထိုရုပ်တုအား အသက်သွင်းသည့် အခွင့်အာဏာကို ရရှိ၏။ ဤသည်မှာ ထိုရုပ်တုအား စကားပြောစေရန်နှင့် ထိုရုပ်တုကို မကိုးကွယ်သောသူတို့အား သတ်ရန်ဖြစ်၏။
အသေသတ်ခြင်းခံရသော သိုးသငယ်တော်၏ အသက်စာစောင်၌ ကမ္ဘာဦးအစကပင် အမည်စာရင်းပါသောသူများမှလွဲ၍ ကမ္ဘာလောက၌ နေထိုင်ကြသောသူအပေါင်းတို့သည် ထိုသားရဲကို ကိုးကွယ်ကြလိမ့်မည်။
ထိုသို့ သူတို့ခံရသည့် ညှဉ်းဆဲခြင်း၏မီးခိုးတို့သည် အစဉ်ထာဝရ အထက်သို့ တက်နေ၏။ သားရဲနှင့် သူ၏ ရုပ်တုကို ကိုးကွယ်၍ သူ့အမည်၏ အမှတ်တံဆိပ်ကို ရိုက်နှိပ်ခံထားသောသူတို့သည် နေ့ညမပြတ် သက်သာရာရလိမ့်မည်မဟုတ်” ဟု ကျယ်လောင်စွာ ကြွေးကြော်၏။
ထို့နောက် တတိယကောင်းကင်တမန်သည် သူတို့နောက်သို့ လိုက်၍ “တစ်စုံတစ်ယောက်သည် သားရဲနှင့် သားရဲ၏ ရုပ်တုကို ကိုးကွယ်ပြီး နဖူး၊ သို့မဟုတ် လက်၌ သားရဲ၏ အမှတ်တံဆိပ်ကို ရိုက်နှိပ်ထားလျှင်
ထို့ပြင် မီးနှင့်ရောသည့် ဖန်ပင်လယ်နှင့် တူသောအရာကို ကျွန်ုပ်မြင်ရပြန်၏။ သားရဲကိုလည်းကောင်း၊ သူ၏ ရုပ်တုကိုလည်းကောင်း၊ သူ၏ အမည်ကို ကိုယ်စားပြုသောကိန်းဂဏန်းကိုလည်းကောင်း အောင်နိုင်သောသူတို့သည် ဘုရားသခင် ပေးအပ်သော စောင်းကို ကိုင်ဆောင်၍ ထိုဖန်ပင်လယ်ဘေးတွင် ရပ်နေကြ၏။
ထို့နောက် ဖားနှင့်တူသော နတ်ဆိုးသုံးကောင်ကို ကျွန်ုပ်မြင်ရ၏။ ထိုနတ်ဆိုးတို့သည် နဂါး၊ သားရဲနှင့် ပရောဖက်အတုအယောင်တို့၏ ခံတွင်းအသီးသီးမှ ထွက်လာကြ၏။
ပထမကောင်းကင်တမန်သည် သူ၏ ဖလားကို ကမ္ဘာမြေကြီးပေါ်သို့ သွန်းလောင်းလိုက်သောအခါ သားရဲ၏ အမှတ်တံဆိပ်ရှိသောသူတို့နှင့် သားရဲ၏ရုပ်တုကို ကိုးကွယ်သောသူတို့၌ အလွန်ဆိုးရွားသောအနာစိမ်းများ ပေါက်လေ၏။
ဆီမီးအလင်းသည်လည်း သင့်ထဲ၌ မည်သည့်အခါမျှ ထွန်းလင်းတော့မည် မဟုတ်။ သတို့သားနှင့် သတို့သမီးတို့၏ ပျော်ရွှင်သောအသံကိုလည်း သင့်ထဲ၌ မည်သည့်အခါမျှ ကြားရတော့မည် မဟုတ်။ သင်၏ ကုန်သည်ကြီးများသည် ဤကမ္ဘာလောကတွင် အရှိန်အဝါကြီးသူများ ဖြစ်ကြ၏။ လူမျိုးအပေါင်းတို့သည် သင်၏ ပြုစားခြင်းဖြင့် လှည့်ဖြားခံကြရပြီ။
သို့ရာတွင် သားရဲသည် မိမိကိုယ်စား နိမိတ်လက္ခဏာများပြသော ပရောဖက်အတုအယောင်နှင့်အတူ ဖမ်းဆီးခံရ၏။ ထိုပရောဖက်မှာ သားရဲ၏အမှတ်တံဆိပ်ကို ခံယူကြလျက် သားရဲ၏ရုပ်တုကို ကိုးကွယ်ကြသောသူတို့အား ထိုနိမိတ်လက္ခဏာများဖြင့် လှည့်ဖြားသူဖြစ်၏။ သူတို့နှစ်ဦးသည် ကန့်နှင့် လောင်သောမီးအိုင်ထဲသို့ အရှင်လတ်လတ် ပစ်ချခံကြရ၏။
သင်ခံစားရမည့်ဆင်းရဲဒုက္ခကို မကြောက်နှင့်။ ကြည့်ရှုလော့။ မာရ်နတ်သည် သင့်ကို စမ်းသပ်ရန် သင်တို့ထဲမှ တချို့ကို ထောင်ချလိမ့်မည်။ သင်သည်ဆယ်ရက်တိုင် ဆင်းရဲဒုက္ခ ခံရလိမ့်မည်။ သေသည်တိုင်အောင် သစ္စာရှိလော့။ ထိုသို့ပြုလျှင် အသက်ဆုသရဖူကို သင့်အား ငါပေးမည်။
သူတို့ကို လှည့်ဖြားသောမာရ်နတ်သည်လည်း သားရဲနှင့် ပရောဖက်အတုအယောင်တို့ ပစ်ချခံရသည့် ကန့်နှင့် လောင်သောမီးအိုင်ထဲသို့ ပစ်ချခံရ၏။ သူတို့သည် နေ့ညမပြတ် အစဉ်ထာဝရ ညှဉ်းဆဲခြင်းကို ခံကြရလိမ့်မည်။
သင်သည် ငါသွန်သင်သည့်အတိုင်း သည်းခံလျက်နေခဲ့၏။ ထို့ကြောင့် ကမ္ဘာလောက၌ နေထိုင်ကြသောသူတို့ကို စစ်ဆေးရန်အတွက် ကမ္ဘာတစ်ဝန်းလုံးအပေါ် ကျရောက်မည့်စုံစမ်းနှောင့်ယှက်ခြင်းကာလမှ သင်တို့ကို ငါကယ်တင်မည်။