တမန်တော်ဝတ္ထု 26:6 - ခေတ်သစ်မြန်မာ သမ္မာကျမ်း အကျွန်ုပ်တို့၏ဘိုးဘေးတို့အား ဘုရားသခင်ပေးတော်မူသောကတိတော်ကို စောင့်မျှော်နေခြင်းကြောင့် ယခုအကျွန်ုပ်သည် စစ်ဆေးခံနေရပါ၏။ Common Language Bible ဘုရားသခင်သည်အကျွန်ုပ်တို့၏ဘိုးဘေး များအားထားတော်မူသည့်ကတိတော်ကို အကျွန်ုပ်မျှော်လင့်စောင့်စားသည့်အတွက် ယခုအခါအကျွန်ုပ်သည်အစစ်အဆေး ခံနေရပါ၏။- Garrad Bible ယ ခု မှာ အို ဘု ရင် မင်း မြတ်၊ ကျွန် တော် တို့ ဘိုး ဘေး များ အား ဘု ရား သ ခင် က တိ ထား တော် မူ သည့် အ တိုင်း နေ့ ညဉ့် မ ပြတ် လူ မျိုး ဆယ့် နှစ် နွယ် တို့ စိတ် ပါ ကိုယ် ရောက် ဝတ် ပြု သ ဖြင့် ရ မည် ဟု မျှော် လင့် ကြ သော က တိ တော် ကို ကျွန် တော် လည်း မျှော် လင့် သည့် အ တွက် ထို ယု ဒ လူ မျိုး တို့ ပင် စွဲ ဆို ကြ သည့် အ လျောက် စီ ရင် ခံ လျက် နေ ရ ပါ သည်။ Judson Bible ဘုရားသခင်သည် ဘိုးဘေးများတို့အား ပေးတော်မူသော ကတိတော်ကိုထောက်၍ မျှော်လင့်ခြင်း တရားအကြောင်းကြောင့်၊ အကျွန်ုပ်သည် ယခုတွင် စစ်ကြောစီရင်ခြင်းကို ခံရပါ၏။- မြန်မာ့စံမီသမ္မာကျမ်း ယခု အကျွန်ုပ်သည် အကျွန်ုပ်တို့ဘိုးဘေးများအား ဘုရားသခင်ပေးထားသောကတိတော်နှင့်ဆိုင်သည့် မျှော်လင့်ခြင်းအတွက် ရပ်လျက် စစ်ဆေးစီရင်ခံနေရခြင်းဖြစ်ပါသည်။ |
လွှတ်တော်အဖွဲ့ဝင်တချို့မှာ ဇဒ္ဒုကဲများဖြစ်၍ တချို့မှာ ဖာရိရှဲများဖြစ်သည်ကို ပေါလုသိလျှင် “ညီအစ်ကိုတို့… ကျွန်ုပ်သည် ဖာရိရှဲတစ်ဦးဖြစ်ပြီး ဖာရိရှဲ၏သားလည်း ဖြစ်ပါ၏။ ကျွန်ုပ် စစ်ဆေးမေးမြန်းခံရသည့်အကြောင်းရင်းမှာ သေလွန်သောသူတို့ရှင်ပြန်ထမြောက်မည်ဟူသော ကျွန်ုပ်၏မျှော်လင့်ချက်ကြောင့် ဖြစ်ပါ၏” ဟု လွှတ်တော်အစည်းအဝေးတွင် အော်ဟစ်၍ ပြောဆို၏။
ဖြောင့်မတ်သောသူ၊ မဖြောင့်မတ်သောသူ အပေါင်းတို့သည် သေရာမှပြန်ရှင်လိမ့်မည်ဟု သူတို့စောင့်မျှော်လျက်နေသကဲ့သို့ အကျွန်ုပ်သည်လည်း ဘုရားသခင်ကို အမှီပြု၍ စောင့်မျှော်လျက်နေပါ၏။
အကျွန်ုပ်သည် သူတို့ရှေ့၌ရပ်လျက် ‘သေလွန်သောသူတို့ရှင်ပြန်ထမြောက်ကြသည့်အကြောင်းအရာနှင့်ပတ်သက်၍ အကျွန်ုပ်စစ်ဆေးမေးမြန်းခံနေရပါသည်’ ဟူသော စကားကိုသာ အော်ဟစ်ပြောဆိုခဲ့ပါသည်” ဟု ဆိုလေ၏။
သေလွန်သောသူတို့အား ဘုရားသခင် ရှင်ပြန်ထမြောက်စေတော်မူသည်ကို ယုံဖွယ်မရှိဟု အရှင်တို့အဘယ်ကြောင့်ထင်မြင်ကြသနည်း။
ဤအတွက်ကြောင့် ကျွန်ုပ်သည် သင်တို့နှင့်တွေ့ဆုံ၍ စကားပြောရန်တောင်းဆိုခြင်းဖြစ်၏။ အမှန်စင်စစ် ကျွန်ုပ်သည် အစ္စရေးလူမျိုးတို့မျှော်လင့်နေသော ခရစ်တော်ကြွလာသည့် အကြောင်းကို ယုံကြည်သောကြောင့် ဤသံကြိုးနှင့် ချည်နှောင်ခံနေရသည်” ဟု ဆိုလေ၏။
ပရောဖက်ရှမွေလမှစ၍ သူ၏နောက်၌ ပေါ်ထွန်းသော ပရောဖက်ရှိသမျှတို့သည်လည်း ဤနေ့ရက်များကို ဟောပြောခဲ့ပြီ။
ခရစ်တော်သည် ဂျူးလူမျိုးတို့၏ အစေခံအဖြစ် ကြွလာရခြင်းမှာ ဘုရားသခင်သည် ဘိုးဘေးတို့အား ပေးတော်မူသောကတိကို တည်တော်မူသောအရှင်ဖြစ်ကြောင်း ပြသရန် ဖြစ်၏။
သို့သော် အချိန်စေ့သောအခါ ဘုရားသခင်သည် မိမိသားတော်ကို စေလွှတ်တော်မူ၏။ ထိုသားတော်သည် အမျိုးသမီးတစ်ဦးထံမှ မွေးဖွားလာတော်မူပြီး ပညတ်တရား၏ လက်အောက်ခံအဖြစ် နေထိုင်တော်မူ၏။
တစ်ချိန်တည်းမှာပင် ကျွန်ုပ်တို့သည် ကြီးမြတ်သည့်ဘုရားသခင်ဖြစ်တော်မူသော ကယ်တင်ရှင် ယေရှုခရစ်တော် ဘုန်းအသရေနှင့် ကြွလာမည့် မင်္ဂလာရက်မြတ်ကို စောင့်မျှော်နေကြ၏။