Josoa 8:4 - DIEM PROTESTANTA

⁴ sady nanome baiko azy hoe: –Mandehana mamitsaka ao ivohon’ny tanàna ianareo ka aza manalavitra azy loatra fa samia vonombonona.

Baiboly Protestanta Malagasy 2011

⁴ Ary nandidy azy izy hoe: Indro, hanao vela-pandrika avy ao ambadiky ny tanàna hamely azy ianareo ka aza manalavitra azy loatra fa aoka ho vonona ianareo rehetra.

Dikateny Iombonana Eto Madagasikara

⁴ sady nanome baiko azy hoe: –Mandehana mamitsaka ao ivohon’ny tanàna ianareo ka aza manalavitra azy loatra fa samia vonombonona.

Baiboly Katolika

⁴ ka izao no baiko nomeny azy: «Mahìna ianareo, dia aoka hanotrika ao ivohon’ny tanàna ianareo, ka aza manalavitra ny tanàna loatra ary samia mivonona hatrany.

Baiboly Protestanta Malagasy

⁴ Dia nandidy azy izy ka nanao hoe: Indro, hianareo hanotrika eo ivohon’ny tanàna hamely azy, ka aza manalavitra azy loatra, fa miomàna hianareo rehetra.

Malagasy Bible

⁴ Dia nandidy azy izy ka nanao hoe: Indro, ianareo hanotrika eo ivohon'ny tanàna hamely azy, ka aza manalavitra azy loatra, fa miomàna ianareo rehetra.

La Bible en Malgache

⁴ Ary nandidy azy izy hoe: Indro, hanao vela-pandrika avy ao ambadiky ny tanàna hamely azy ianareo ka aza manalavitra azy loatra fa aoka ho vonona ianareo rehetra.

Josoa 8:4 Rohy Ifampitohizana

2Mpanjaka 7:12

Nifoha mbola alina ny mpanjaka ka niteny tamin’ny minisitra hoe: –Hampahafantariko anareo izay kotrehin’ny Sirianina amintsika. Fantany fa mosarena isika, ka izany no nandaozany ny tobiny sy niafenany any an-tsaha ary iandrasany izay hivoahantsika ny tanàna mba hanaovany sambo-belona antsika, dia hidirany amin’izay ny tanàna.

2Tantara 13:13

Fa nasain’i Jerôbohama nandroso ny miaramila mpanotrika mba hamely tampoka ny fahavalo avy eo ivoho, hany ka ny tafika israelita tavaratra no teo anoloan’ny Jodeanina ary ny mpanotrika no teo ivohony.

Mpitoriteny 7:19

Ny fahendrena dia mahatarika ny hendry mihoatra noho ny mpitondra folo mifehy tanàna iray.

Mpitoriteny 9:16

Ka hoy aho hoe: Tsara kokoa ny fahendrena noho ny hery. Kanefa dia atao tsinontsinona ny fahendren’ity olo-mahantra, ary tsy mba henoina akory ny teniny.

Asan’ny Apostoly 23:21

Nefa aza manaiky azy ireo ianao! Misy Jiosy mihoatra ny efapolo lahy manko miteti-dratsy hamely an’i Paoly. Nanao velirano izy efapolo lahy fa tsy hihinana na hisotro raha tsy efa nahafaty azy. Vonona izao ry zareo, fa ny valin-teninao no andrasany.

Josoa 8:16

Dia nifampiantso hanenjika azy ny lehilahy rehetra tao an-tanàna, ary nanenjika an-dry i Josoa ka voatarika ho lasa lavitry ny tanàna.

Josoa 8:3

Dia niainga hamely an’i Hay i Josoa sy ny tafiny. Ary i Josoa nifidy lehilahy mahery fo miisa telo alina, dia naniraka azy nony alina

Mpitsara 20:29

Dia nanafina miaramila manodidina an’i Gibehà ny Israelita.

Mpitsara 20:33

Dia niainga avy tamin’ireo toerana rehetra nisy azy ny Israelita ka nilahatra hiady tao Bahala-Tamara; tamin’izay kosa ny miaramila israelita niafina dia nipoitra avy tao amin’ny fiereny teo andrefan’i Geba.

Mpitsara 20:36

Takatry ny Benjaminita tamin’izay fa resy tokoa izy. Nanao tari-dositra ny Israelita, satria niantehitra tamin’ireo miaramila nafeniny manodidina an’i Gibehà.

Mpitsara 9:25

Mba hamelezana an’i Abimelèka, dia nisy mpisakan-dalana napetraky ny Sekemita teo an-tampon-kavoana akaikin’ny tanàna ka izay rehetra nandalo tamin’izany lalana izany, dia norobainy avokoa. Koa nampandrenesina izany i Abimelèka.

Mpitsara 9:32

Koa izao anio alina izao ihany dia miaingà ianao sy ny tafikao ka miafena any an-tsaha.

1Samoela 15:2

Izao àry no lazain’ny TOMPOn’izao rehetra izao: «Tsaroako ny nanaovan’ny Hamalekita ny vahoaka israelita fony izy ireo nakarina niala tany Ejipta, dia ny nanakanany ny lalany izany.

1Samoela 15:5

Dia nandroso hatrany amin’ny tanànan’ny Hamalekita i Saoly ary nanotrika ady am-pitaka tao an-dohasaha.