Josoa 8:4 - Baiboly Protestanta Malagasy 2011

⁴ Ary nandidy azy izy hoe: Indro, hanao vela-pandrika avy ao ambadiky ny tanàna hamely azy ianareo ka aza manalavitra azy loatra fa aoka ho vonona ianareo rehetra.

DIEM PROTESTANTA

⁴ sady nanome baiko azy hoe: –Mandehana mamitsaka ao ivohon’ny tanàna ianareo ka aza manalavitra azy loatra fa samia vonombonona.

Dikateny Iombonana Eto Madagasikara

⁴ sady nanome baiko azy hoe: –Mandehana mamitsaka ao ivohon’ny tanàna ianareo ka aza manalavitra azy loatra fa samia vonombonona.

Baiboly Katolika

⁴ ka izao no baiko nomeny azy: «Mahìna ianareo, dia aoka hanotrika ao ivohon’ny tanàna ianareo, ka aza manalavitra ny tanàna loatra ary samia mivonona hatrany.

Baiboly Protestanta Malagasy

⁴ Dia nandidy azy izy ka nanao hoe: Indro, hianareo hanotrika eo ivohon’ny tanàna hamely azy, ka aza manalavitra azy loatra, fa miomàna hianareo rehetra.

Malagasy Bible

⁴ Dia nandidy azy izy ka nanao hoe: Indro, ianareo hanotrika eo ivohon'ny tanàna hamely azy, ka aza manalavitra azy loatra, fa miomàna ianareo rehetra.

La Bible en Malgache

⁴ Ary nandidy azy izy hoe: Indro, hanao vela-pandrika avy ao ambadiky ny tanàna hamely azy ianareo ka aza manalavitra azy loatra fa aoka ho vonona ianareo rehetra.

Josoa 8:4 Rohy Ifampitohizana

2Mpanjaka 7:12

Ary nifoha ny mpanjaka raha mbola alina ka niteny tamin’ny mpanompony hoe: Aoka hambarako aminareo ange izao ataon’ny Arameana amintsika izao e! Fantany fa mosarena isika ka niala tamin’ny toby izy mba hanao vela-pandrika any an-tsaha ka niteny hoe: Raha mivoaka avy any an-tanàna ireo dia hataontsika sambo-belona dia hidirantsika ny tanàna!

2Tantara 13:13

Fa nasain’i Jeroboama nivily nihodidina ny fandehan’ny vela-pandrika mba hahatonga azy ireo ho ao aorianan’ny Joda ka teo anoloan’ny Joda izy, nefa ny vela-pandrika teo ivohony.

Mpitoriteny 7:19

Ny fahendrena dia mahatonga ny hendry hahery kokoa noho ny mpanapaka folo ao an-tanàna.

Mpitoriteny 9:16

Koa hoy aho: Aleo fahendrena toy izay hery; kanjo hamavoina ny fahendren’ny mahantra ary ny teniny dia tsy mba henoina.

Asan’ny Apostoly 23:21

Koa aza manaiky azy ianao, fa mihoatra ny efapolo lahy izy ireo no miray tetika hisambotra an’i Paoly ka efa niozona sy nianiana fa tsy hihinana na hisotro raha tsy maty izy; ary efa vonona izy ankehitriny ka miandry ny teny avy atỳ aminao fotsiny.

Josoa 8:16

Dia nifampiantso hanenjika azy ny vahoaka rehetra izay tao an-tanàna; ary nanenjika an’i Josoa izy ka voatarika ho tafavoaka ny tanàna.

Josoa 8:3

Dia niainga i Josoa sy ny mpanafika rehetra hiakatra any Ay, ary nifidy lehilahy mahery telo alina i Josoa ka nandefa ireo rehefa alina.

Mpitsara 20:29

Ary nasian’ny Israely vela-pandrika manodidina an’i Gibea.

Mpitsara 20:33

Dia nitsangana niala tamin’ny toerana nisy azy ny lehilahy rehetra tamin’ny Israely ka nilahatra tany Baala-Tamara; ary ny Israely izay nanao vela-pandrika dia nirohotra avy tamin’ny toerany, avy tao an-tsahan’i Gibea.

Mpitsara 20:36

Hitan’ny taranak’i Benjamina fa resy izy. Ny lehilahin’ny Israely dia nanao tari-dositra niala tamin’i Benjamina satria natoky ny vela-pandrika izay napetrany teo akaikin’i Gibea izy.

Mpitsara 9:25

Nametrahan’ny mponina tao Sekema vela-pandrika tany an-tampon-tendrombohitra izy dia nobaboin’ny vela-pandrika izay rehetra nandalo tamin’izany lalana izany. Nambara tamin’i Abimeleka izany.

Mpitsara 9:32

Koa ankehitriny, miaingà amin’ny alina ianao sy ny vahoaka miaraka aminao ka manaova vela-pandrika any an-tsaha.

1Samoela 15:2

Izao no lazain’Andriamanitra, Tompon’izao rehetra izao: Hovalìko izay nataon’ny Amalekita tamin’ny Israely, dia ny nanakanany azy tany an-dalana, fony izy niakatra avy tany Ejipta.

1Samoela 15:5

Dia tonga tao an-tanànan’ny Amalekita i Saoly ka nanao vela-pandrika tao an-dohasaha.