Josoa 12:1 - DIEM PROTESTANTA

¹ Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

Baiboly Protestanta Malagasy 2011

¹ Izao no mpanjakan’ny tany resin’ny Zanak’Israely ka nobaboiny ny tany, teny andafy atsinanan’i Jordana hatreo amin’ny lohasahan-driaka Arnona ka hatrany amin’ny tendrombohitra Hermona sy ny ilany atsinanan’ny tany ngazana:

Dikateny Iombonana Eto Madagasikara

¹ Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

Baiboly Katolika

¹ Ireto no mpanjakan’ny tany resin’ny zanak’i Israely, ary nalainy ny taniny any an-dafin’i Jordany any atsinanana, hatramin’ny ranon-driakan’i Arnôna ka hatramin’ny tendrombohitra Hermôna, sy ny Arabaha manontolo any atsinanan’ny ony:

Baiboly Protestanta Malagasy

¹ ARY izao no mpanjakan’ny tany izay resin’ny Zanak’Isiraely, ka lasany ny taniny, teny an-dafy atsinanan’i Jordana hatramin’ny lohasahan-driaka Arnona ka hatramin’ ny tendrombohitra Hermona sy ny ilany atsinanan’ny tani-hay:–

Malagasy Bible

¹ Ary izao no mpanjakan'ny tany izay resin'ny Zanak'Isiraely, ka lasany ny taniny, teny an-dafy atsinanan'i Jordana hatramin'ny lohasahan-driaka Arnona ka hatramin'ny tendrombohitra Hermona sy ny ilany atsinanan'ny tani-hay

La Bible en Malgache

¹ Izao no mpanjakan’ny tany resin’ny Zanak’Israely ka nobaboiny ny tany, teny andafy atsinanan’i Jordana hatreo amin’ny lohasahan-driaka Arnona ka hatrany amin’ny tendrombohitra Hermona sy ny ilany atsinanan’ny tany ngazana:

Josoa 12:1 Rohy Ifampitohizana

1Mpanjaka 4:19

i Gebera zanakalahin’i Orỳ no tao amin’ny tanin’i Gilehada mbamin’ny tanin’i Sihôna mpanjakan’ny Amôrita, ary ny tanin’i Hôga mpanjakan’i Basàna. Ankoatra ireo, dia mbola nisy koa governora iray tao amin’ny tanin’i Joda.

Salamo 133:3

Toy ny ando avy any amin’ny tendrombohitra Hermôna ka mirotsaka eo amin’ny tendrombohitra Tsiôna; satria eo Tsiôna no fanomezan’ny TOMPO fitahiana, dia ny fiaina-maharitra mandrakizay.

Salamo 136:21

ka nanome ny tanin’ireny ho lova, –eny, maharitra mandrakizay ny fitiavany!

Salamo 89:12

Anao ny lanitra, Anao koa ny tany; Ianao no nanorina izao tontolo izao sy izay rehetra mameno azy.

Isaia 16:2

Ireo vehivavin’i Môaba dia very hevitra eo am-pitana ao Arnôna toy ny vorona mivezivezy voaroaka tao amin’ny akaniny.

Nomery 21:13

Niala teo indray izy, dia nitoby tao an-dafin’ny renirano Arnôna izay mipoitra any amin’ny faritanin’ny Amôrita ary mamakivaky ny taniefitra, vao manamorona ny sisin-tanin’i Môaba ka mampisaraka ny faritry ny Môabita sy ny faritry ny Amôrita.

Nomery 21:21

Naniraka olona nankany amin’i Sihôna mpanjakan’ny Amôrita ny Israelita nanao hoe:

Nomery 21:24

Nasian’ny Israelita tamin’ny lelan-tsabatra kosa i Sihôna ka azony ny taniny voafaritr’i Arnôna ao atsimo sy i Jabôka ao avaratra ary ny sisin-tanin’ny Hamônita, dia ilay sisin-tany ao atsinanana.

Nomery 32:19

Fa tsy hiara-mandova aminy ny any an-dafy andrefan’i Jôrdàna izahay, satria ny anjara lovanay dia atỳ an-dafy atsinanan’i Jôrdàna.

Nomery 32:32

Handray fiadiana izahay ka hitsofoka ao amin’ny tany Kanahàna araka ny fifehezan’ny TOMPO, mba ho atỳ an-dafy atsinanan’i Jôrdàna atỳ no hahazoanay zara tany ho fananany.

Nomery 32:33

Dia nomen’i Mosesy ny taranak’i Gada sy ny taranak’i Reobena ary ny antsasaky ny fokon’i Manase zanakalahin’i Jôsefa, ny fanjakan’i Sihôna mpanjakan’ny Amôrita sy ny fanjakan’i Hôga mpanjakan’i Basàna, dia ny tany mbamin’ny tanànany miaraka amin’ny faritra manodidina.

Deoteronomia 2:24

Avy eo dia hoy ny TOMPO hoe: «Mitsangàna ianareo, miaingà ka mità ny lohasahan-driaka Arnôna. Jereonareo fa hatolotro eo an-tananareo i Sihôna, mpanjaka amôrita ao Hesbôna, mbamin’ny taniny. Santaro ny fakàna izany tany izany, ka tafiho i Sihôna!

Deoteronomia 2:32

Dia niainga i Sihôna mbamin’ny tafiny manontolo hiady amintsika tao Jahatsà,

Deoteronomia 3:1

Dia nihodina niakatra tamin’ny lalana mankany Basàna isika; ary niainga hiady amintsika tao Edrehỳ i Hôga mpanjakan’i Basàna, mbamin’ny tafiny manontolo.

Deoteronomia 4:44

Izao no lalàna naroson’i Mosesy tamin’ny Israelita.

Deoteronomia 4:46

ka tody tany andafy atsinanan’ny ony Jôrdàna; teo an-dohasaha tandrifin’i Bety-Pehôra ny Israelita tamin’izay, tao amin’ny tanin’i Sihôna izay mpanjaka amôrita nonina tao Hesbôna. Nony tafavoaka an’i Ejipta i Mosesy sy ny Israelita, dia nandresy an’i Sihôna

Deoteronomia 4:48

Ny tany azon’ny Israelita kosa dia manomboka any Harôhera, izay ao amoron’ny lohasahan-driaka Arnôna, ka miafara any amin’ny tendrombohitra Siôny na hoe Hermôna,

Josoa 1:15

ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Josoa 11:17

Resin’i Josoa ary novonoiny ireo mpanjaka nipetraka teo anelanelan’ilay tendrombohitra ngazana miakatra ho any Sehira ao atsimo sy i Bahala-Gada eo amin’ny lohasahan’i Libano am-pototry ny tendrombohitra Hermôna any avaratra.

Josoa 11:3

Nandefasan’i Jabîna iraka ihany koa ny Kanahanita tany atsinanana sy andrefan’i Jôrdàna, ny Amôrita sy Hetita ary ny Perizita sy Jebosita tany an-tendrombohitra, ary ireo Hivita nonina tany am-pototr’i Hermôna, tany amin’ny faritanin’i Mitsepà.

Josoa 13:8

Ny Reobenita sy Gadita miaraka amin’ilay antsasa-pokon’i Manase manko dia efa nahazo ny zaratany nomen’i Mosesy teny atsinanan’i Jôrdàna. Araka izay nomen’i Mosesy mpanompon’ny TOMPO azy,

Josoa 22:4

Ankehitriny, araka izay efa nampanantenainy, dia nomen’ny TOMPO Andriamanitrareo fandriampahalemana ny mpiray firenena aminareo; koa mahazo miverina any an-dainareo ianareo ankehitriny, any amin’ny tany izay efa nomen’i Mosesy mpanompon’ny TOMPO ho anareo eny ampita atsinanan’i Jôrdàna.

Mpitsara 11:18

Avy teo, dia nandeha namakivaky ny taniefitra izy, nanodidina ny faritanin’i Edôma sy i Môaba ary tonga tao atsinanan’i Môaba. Dia nitoby teo ampitan’ny renirano Arnôna izy fa tsy niditra tao anatin’ny faritanin’i Môaba, satria i Arnôna no sisin-taniny.