Josoa 12:1 - Baiboly Katolika

¹ Ireto no mpanjakan’ny tany resin’ny zanak’i Israely, ary nalainy ny taniny any an-dafin’i Jordany any atsinanana, hatramin’ny ranon-driakan’i Arnôna ka hatramin’ny tendrombohitra Hermôna, sy ny Arabaha manontolo any atsinanan’ny ony:

Baiboly Protestanta Malagasy 2011

¹ Izao no mpanjakan’ny tany resin’ny Zanak’Israely ka nobaboiny ny tany, teny andafy atsinanan’i Jordana hatreo amin’ny lohasahan-driaka Arnona ka hatrany amin’ny tendrombohitra Hermona sy ny ilany atsinanan’ny tany ngazana:

DIEM PROTESTANTA

¹ Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

Dikateny Iombonana Eto Madagasikara

¹ Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

Baiboly Protestanta Malagasy

¹ ARY izao no mpanjakan’ny tany izay resin’ny Zanak’Isiraely, ka lasany ny taniny, teny an-dafy atsinanan’i Jordana hatramin’ny lohasahan-driaka Arnona ka hatramin’ ny tendrombohitra Hermona sy ny ilany atsinanan’ny tani-hay:–

Malagasy Bible

¹ Ary izao no mpanjakan'ny tany izay resin'ny Zanak'Isiraely, ka lasany ny taniny, teny an-dafy atsinanan'i Jordana hatramin'ny lohasahan-driaka Arnona ka hatramin'ny tendrombohitra Hermona sy ny ilany atsinanan'ny tani-hay

La Bible en Malgache

¹ Izao no mpanjakan’ny tany resin’ny Zanak’Israely ka nobaboiny ny tany, teny andafy atsinanan’i Jordana hatreo amin’ny lohasahan-driaka Arnona ka hatrany amin’ny tendrombohitra Hermona sy ny ilany atsinanan’ny tany ngazana:

Josoa 12:1 Rohy Ifampitohizana

1Mpanjaka 4:19

Gabara zanak’i Orì, tamin’ny tany Galaada, amin’ny tany Sehôna, mpanjakan’ny Amôreana, sy Oga mpanjakan’i Basàna, fa iray ihany no mpikarakara tamin’izany tany izany.

Salamo 133:3

Manahaka ny andon’i Hermôna izany, izay milatsaka eo amin’ny tampon’i Siôna; fa ao no nanorenan’i Iaveh ny fitahiana, ny fiainana ho mandrakizay.

Salamo 136:21

Izay nanome ny tanin’ireny, ho lova, fa mandrakizay ny famindram-pony.

Salamo 89:12

Anao ny lanitra, Anao koa ny tany; ny tany sy izay rehetra ao aminy, Ianao no nanorina azy.

Isaia 16:2

Tahaka ny vorona mandositra tahaka ny vorona iray akàny aely, ny zanaka vavin’i Moaba, eo amin’ny fitàna an’i Arnôna.

Nomery 21:13

Niala tao izy, dia nitoby tao an-dafin’i Arnôna, izay mivalana amin’ny efitra, rehefa mivoaka ny faritanin’ny Amôreana; fa i Arnôna no faritr’i Moaba, eo anelanelan’i Moaba sy ny Amôreana.

Nomery 21:21

Ary i Israely nandefa iraka ho any amin’i Sehôna, mpanjakan’ny Amôreana, hanao aminy hoe:

Nomery 21:24

I Israely namely azy tamin’ny lelan-tsabatra, ka nahazo ny taniny hatrany Arnôna ka hatrany Jabaoka, hatreo amin’ny zanak’i Amôna, fa mafy ny faritry ny tanin’ny zanak’i Amôna.

Nomery 32:19

Fa tsy hiara-mandray zaratany aminy any an-dafin’i Jordany izahay, na any ankoatran’izany, fa efa azonay atỳ an-dafin’i Jordany atỳ atsinanana ny anjara lovanay.»

Nomery 32:32

Handeha mitam-piadiana izahay ho any amin’ny tany Kanaana eo anatrehan’i Iaveh, ary ho raikitra atỳ andafin’i Jordany ny anjara fananana ho lovanay.»

Nomery 32:33

Dia nomen’i Môizy ny zanak’i Gada sy ny zana-dRobena ary ny antsasaky ny fokon’i Manase zanak’i Josefa, ny fanjakan’i Sehôna mpanjakan’ny Amôreana, sy ny fanjakan’i Oga mpanjakan’i Basàna, dia ny tany mbamin’ny tanànany sy ny faritany momba azy, ary ny tanàna eny amin’ny tany manodidina.

Deoteronomia 2:24

Koa mitsangàna ianareo mandehana mita ny ranon-driaka Arnôna. Indro atolotro eo an-tananao i Sehôna mpanjakan’i Hesebona, Amôreana, mbamin’ny taniny. Atombohy ny fakàna azy, ka tafiho izy.

Deoteronomia 2:32

Dia nivoaka i Sehôna mbamin’ny vahoakany rehetra, mba hiady amintsika tao Jasà;

Deoteronomia 3:1

Dia nihodina isika ka niakatra tamin’ny lalana mankany Basàna, ary nivoaka hifanehatra amintsika i Oga mpanjakan’i Basàna mbamin’ny vahoakany rehetra, mba hiady amintsika tao Edraìa.

Deoteronomia 4:44

Izao no lalàna nambaran’i Môizy teo anatrehan’ny zanak’i Israely,

Deoteronomia 4:46

tany an-dafin’ny Jordany tao an-dohasaha tandrifin’i Bety-Fogôra, amin’ny tanin’i Sehôna, mpanjakan’ny Amôreana, nonina tao Hesebona, izay noresen’i Môizy sy ny zanak’i Israely tamin’ny nivoahany tany Ejipta.

Deoteronomia 4:48

hatramin’i Aôera amoron’ny ranon-driaka Arnôna, ka hatramin’ny tendrombohitra Siôna, dia Hermôna izany,

Josoa 1:15

ary hanampy azy ianareo mandra-panomen’i Iaveh fitsaharana toa anareo koa amin’ny rahalahinareo, ka efa mahazo ny tany omen’i Iaveh Andriamanitrareo azy koa izy ireo; izay vao hiverina ianareo amin’ny tany izay anareo, atỳ an-dafin’i Jordany, fiposahan’ny masoandro.»

Josoa 11:17

hatramin’ny tendrombohitra mangadihady misondrotra mankany Seira, ka hatrany Baala-Gada, amin’ny lohasahan’i Libàna, ao ambodin’ny tendrombohitra Hermôna; nosamboriny ny mpanjakany rehetra, ka novonoiny sy nataony maty.

Josoa 11:3

amin’ny Kananeanina atsinanana sy andrefana, amin’ny Amôreana, ny Heteanina, ny Ferezeanina, ny Jeboseanina, any an-tendrombohitra, ary amin’ny Heveanina any ambodin’i Hermôna, dia any amin’ny tany Masfà.

Josoa 13:8

Fa ny antsasany efa niara-nahazo ny lova tamin’ny Robenita sy ny Gadita, izay nomen’i Môizy azy tany an-dafin’i Jordany any atsinanana, araka ny nomen’i Môizy mpanompon’i Iaveh azy;

Josoa 22:4

Ary ankehitriny, efa nomen’i Iaveh Andriamanitrareo fitsaharana ny rahalahinareo, araka ny efa nolazainy taminy; koa modia ary mankanesa any amin’ny lainareo, any amin’ny tany izay anareo, izay nomen’i Môizy mpanompon’i Iaveh anareo, any andafin’i Jordany.

Mpitsara 11:18

Rehefa izany, namaky ny efitra izy, ka nanodidina ny tany Edôma sy ny tany Moaba, dia tonga tany atsinanan’ny tany Moaba. Dia nitoby tany an-dafin’i Arnôna izy ireo fa tsy nandroso tamin’ny faritr’i Moaba, fa i Arnôna no faritr’i Moaba.