Josoa 12:1 - Baiboly Protestanta Malagasy

¹ ARY izao no mpanjakan’ny tany izay resin’ny Zanak’Isiraely, ka lasany ny taniny, teny an-dafy atsinanan’i Jordana hatramin’ny lohasahan-driaka Arnona ka hatramin’ ny tendrombohitra Hermona sy ny ilany atsinanan’ny tani-hay:–

Baiboly Protestanta Malagasy 2011

¹ Izao no mpanjakan’ny tany resin’ny Zanak’Israely ka nobaboiny ny tany, teny andafy atsinanan’i Jordana hatreo amin’ny lohasahan-driaka Arnona ka hatrany amin’ny tendrombohitra Hermona sy ny ilany atsinanan’ny tany ngazana:

DIEM PROTESTANTA

¹ Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

Dikateny Iombonana Eto Madagasikara

¹ Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

Baiboly Katolika

¹ Ireto no mpanjakan’ny tany resin’ny zanak’i Israely, ary nalainy ny taniny any an-dafin’i Jordany any atsinanana, hatramin’ny ranon-driakan’i Arnôna ka hatramin’ny tendrombohitra Hermôna, sy ny Arabaha manontolo any atsinanan’ny ony:

Malagasy Bible

¹ Ary izao no mpanjakan'ny tany izay resin'ny Zanak'Isiraely, ka lasany ny taniny, teny an-dafy atsinanan'i Jordana hatramin'ny lohasahan-driaka Arnona ka hatramin'ny tendrombohitra Hermona sy ny ilany atsinanan'ny tani-hay

La Bible en Malgache

¹ Izao no mpanjakan’ny tany resin’ny Zanak’Israely ka nobaboiny ny tany, teny andafy atsinanan’i Jordana hatreo amin’ny lohasahan-driaka Arnona ka hatrany amin’ny tendrombohitra Hermona sy ny ilany atsinanan’ny tany ngazana:

Josoa 12:1 Rohy Ifampitohizana

1Mpanjaka 4:19

Gabera, zanak’i Ory, tany amin’ny tany Gileada, tanin’i Sihona, mpanjakan’ny Amorita, sy Oga, mpanjakan’i Basana; ary izy ihany no voatendry ho amin’izany tany izany.

Salamo 133:3

Tahaka ny ando any Hermona, izay milatsaka amin’ny tendrombohitra Ziona; Fa voadidin’i Jehovah ho eo ny fitahiana, Dia fiainana ho mandrakizay.

Salamo 136:21

Ary ny taniny nomeny ho lova (Fa mandrakizay ny famindrampony),

Salamo 89:12

Ny avaratra sy ny atsimo, Hianao no nahary azy; Ny anaranao no ihobian’i Tabara sy Hermona.

Isaia 16:2

Ary tahaka ny vorona notairina niala tamin’ny akaniny ka mirenireny foana, Dia ho toy izany ny zanakavavin’i Moaba ao amin’ny fitana any Arnona.

Nomery 21:13

Ary nony niala tao izy, dia nitoby tao an-dafin’i Arnona, izay any an-efitra sady avy amin’ny fari-tanin’ny Amorita; fa Arnona no fari-tanin’ny Moabita, eo anelanelan’ny Moabita sy ny Amorita.

Nomery 21:21

Ary ny Isiraely naniraka olona ho any amin’i Sihona, mpanjakan’ny Amorita, hanao hoe:

Nomery 21:24

Ary ny Isiraely namely azy tamin’ny lelan-tsabatra ka nahazo ny taniny hatrany Arnona ka hatrany Jaboka, dia hatramin’ny taranak’i Amona; fa mafy ny fari-tanin’ny taranak’i Amona.

Nomery 32:19

Fa tsy hiara-mandray zara-tany aminy izahay hatrany an-dafin’i Jordana no ho miankandrefana, satria efa azonay atỳ an-dafy atsinanan’i Jordana atỳ ny zara-taninay.

Nomery 32:32

izahay handeha hita eo anatrehan’i Jehovah ho any amin’ny tany Kanana samy efa voaomana hiady, kanefa etỳ an-dafin’i Jordana etỳ ihany no hahazoanay zara-tany.

Nomery 32:33

Dia nomen’i Mosesy ho an’ny taranak’i Gada sy ny taranak’i Robena ary ny antsasaky ny firenen’i Manase, zanak’i Josefa, ny fanjakan’i Sihona, mpanjakan’ny Amorita, sy ny fanjakan’i Oga, mpanjakan’i Basana, dia ny tany mbamin’ny tanànany ao amin’ny fari-tany, dia ny tanàna eny amin’ny tany manodidina.

Deoteronomia 2:24

Mitsangàna, miaingà, ka mità ny lohasahan-driaka Arnona hianareo; indro, efa natolotro eo an-tànanao Sihona Amorita, mpanjakan’i Hesbona, mbamin’ ny taniny. Santaro ny handovanao azy, ka tafiho.

Deoteronomia 2:32

Dia nivoaka Sihona mbamin’ny vahoakany rehetra hiady amintsika tao Jahaza.

Deoteronomia 3:1

Dia niverina isika ka niakatra tamin’ny làlana mankany Basana; ary nivoaka hiady amintsika tao Edregy Oha, mpanjakan’i Basana, mbamin’ny vahoakany rehetra.

Deoteronomia 4:44

ARY izao no lalàna izay nalahatr’i Mosesy teo anatrehan’ny Zanak’Isiraely.

Deoteronomia 4:46

tany an-dafin’i Jordana, tao an-dohasaha tandrifin’i Beti-peora, tao amin’ny tanin’i Sihona, ilay mpanjakan’ny Amorita nonina tao Hesbona, dia ilay noresen’i Mosesy sy ny Zanak’Isiraely, rehefa nivoaka avy tany Egypta izy,

Deoteronomia 4:48

hatrany Aroera, izay ao amoron’ny lohasahan-driaka Arnona, ka hatramin’ny tendrombohitra Siona (Hermona izany),

Josoa 1:15

mandra-panomen’i Jehovah fitsaharana ny rahalahinareo tahaka anareo, ka mba holovany kosa ny tany izay nomen’i Jehovah Andriamanitrareo azy; dia hiverina ho any amin’ny taninareo hianareo ka handova azy, dia ilay nomen’i Mosesy, mpanompon’i Jehovah, anareo etỳ an-dafy atsinanan’i Jordana.

Josoa 11:17

hatramin’ny tendrombohitra mangadihady, izay fiakarana ho any Seïra, ka hatrany Bala-gada eo amin’ny lohasahan’i Libanona am-bodin’ny tendrombohitra Hermona; ary ny mpanjakany rehetra nosamboriny ka novonoiny ho faty.

Josoa 11:3

dia tamin’ny Kananita any atsinanana sy any andrefana, ary tamin’ny Amorita sy ny Hetita sy ny Perizita ary ny Jebosita tany amin’ny tany havoana, ary tamin’ny Hivita tany am-bodin’i Hermona, tany amin’ny tany Mizpa.

Josoa 13:8

Ary niaraka tamin’ireo koa no nahazoan’ny Robenita sy ny Gadita ny lovany, dia ilay nomen’i Mosesy azy any an-dafy atsinanan’i Jordana, araka izay nomen’i Mosesy, mpanompon’i Jehovah, azy,

Josoa 22:4

Ary ankehitriny, dia efa nomen’i Jehovah Andriamanitrareo fitsaharana ny rahalahinareo, araka izay nolazainy taminy; koa modia ankehitriny, ka mankanesa any amin’ny lainareo avy, ho any amin’ny taninareo, izay nomen’i Mosesy, mpanompon’i Jehovah, anareo any an-dafin’i Jordana.

Mpitsara 11:18

Dia nandeha nitety ny efitra izy ka nanodidina ny tany Edoma sy ny tany Moaba, dia tonga teo atsinanan’i Moaba. ka nitoby teo an-dafin’i Arnona, fa tsy niditra teo anatin’ny fari-tanin’i Moaba; fa Arnona no fari-tanin’i Moaba.