Genesisy 3:19 - DIEM PROTESTANTA

Ny hatsembohan’ny tavanao no hihinananao hanina mandra-piverinao amin’ny tany izay nanalana anao. Fa vovo-tany ianao, ka hiverina ho vovo-tany.

Baiboly Protestanta Malagasy 2011

Amin’ny hatsembohan’ny tavanao no hahazoanao hanina, mandra-piverinao any amin’ny tany; fa avy amin’ny tany no nanalana anao; fa vovoka ianao ary hiverina ho amin’ny vovoka indray.

Dikateny Iombonana Eto Madagasikara

Ny hatsembohan’ny tavanao no hihinananao hanina mandra-piverinao amin’ny tany izay nanalana anao. Fa vovo-tany ianao, ka hiverina ho vovo-tany.

Baiboly Katolika

Ny fahatsembohan’ny tavanao no hahazoanao hanina mandra-piverinao amin’ny tany; satria tany no nangalana anao, fa vovoka ianao, ary hody vovoka indray.»

Baiboly Protestanta Malagasy

Ny fahatsembohan’ny tavanao no hahazoanao hanina mandra-piverinao any amin’ny tany; fa ny tany no nanalana anao; fa vovoka hianao, ary hiverina ho amin’ny vovoka indray hianao.

Malagasy Bible

Ny fahatsembohan'ny tavanao no hahazoanao hanina mandra-piverinao any amin'ny tany; fa ny tany no nanalana anao; fa vovoka ianao, ary hiverina ho amin'ny vovoka indray ianao.

La Bible en Malgache

Amin’ny hatsembohan’ny tavanao no hahazoanao hanina, mandra-piverinao any amin’ny tany; fa avy amin’ny tany no nanalana anao; fa vovoka ianao ary hiverina ho amin’ny vovoka indray.

Genesisy 3:19 Rohy Ifampitohizana

Genesisy 18:27

Fa hoy indray i Abrahama: –Miangavy re, Tompo ô, fa mbola sahy hiteny aminao ihany aho, na dia vovoka sy lavenona aza.

Genesisy 2:7

Ary vovoka avy amin’ny tany no nalain’ny TOMPO Andriamanitra, ka nanamboarany olombelona anankiray. Nitsofany fofonaina mahavelona tao am-bavorony, dia tonga manana aina raolombelona.

Genesisy 23:4

–Vahiny sy mpifindra monina ihany aho eto aminareo. Omeo toeram-pandevenana eto aminareo aho mba handevenako ny vadiko.

Genesisy 3:18

Fa tsilo sy songosongo no hovokarin’ny tany ho anao; ary anana no hohaninao.

Genesisy 5:5

Nisy 930 taona ny andro rehetra niainan’i Adama, dia maty izy.

Joba 1:21

sady nanao hoe: Nitanjaka no nivoahako avy tao an-kibon’ineny, ary mitanjaka koa no hiverenako avy an-kibon’ny tany. Ny TOMPO no nanome, ny TOMPO no naka. Isaorana anie ny anaran’ny TOMPO.

Joba 10:9

Tadidio fa notefenao toy ny fanaka tanimanga aho ary haverinao ho amin’ny vovoka indray.

Joba 19:26

Rehefa mihintsana izao hoditro izao ka ho afaka amin’ny nofoko aho, dia hahita an’Andriamanitra.

Joba 21:26

Samy mandry eo amin’ny vovoka ny tenan’izy roa tonta ireo, ka samy rakotry ny olitra.

Joba 34:15

dia hiara-maty avokoa ny miaina rehetra, ary hody vovoka indray ny olombelona.

Joba 4:19

koa mainka fa izay olombelona mora potika toa tanimanga, sady vovo-tany no fiaviany! ka mety voaporitra tahaka ny fositra.

Salamo 103:14

Satria fantany ny namolavolana antsika, ka tsaroany tokoa fa vovoka isika.

Salamo 104:23

Ny olona kosa mivoaka hanao ny raharahany sy hiasa mandra-paharivan’ny andro.

Salamo 104:29

Raha lavinao ny hijery azy, dia mitebiteby izy; raha alainao ny ainy, dia maty izy ka miverina ho vovoka indray.

Salamo 127:2

Sasa-poana ianareo mifoha maraina sy miari-tory, misahirana tokoa ny amin’izay hohanina. Izany kosa dia omen’ny TOMPO an’ireo olon-tiany mbola matory.

Salamo 22:15

Very hery toy ny rano mihanaka aho, ary mivahavaha ny taolako rehetra; toa savoka ny foko ka miempo ato anatiko.

Salamo 22:29

Fa ny TOMPO no mpanjaka, Izy no manapaka amin’ireo firenena.

Salamo 90:3

Averinao ho vovoka ny olona ka ilazanao hoe: «Miverena amin’izay niavianareo, rey olombelona.»

Ohabolana 21:16

Izay mivily miala amin’ny lalam-pahendrena dia ho naman’ny maty tsy ho ela.

Mpitoriteny 1:13

Tsy niroa fo tokoa aho nikaroka sy namantatra amim-pahendrena ny zava-drehetra atao etỳ ambonin’ny tany. Asa mafy ampanaovin’Andriamanitra ny olona izany.

Mpitoriteny 1:3

Miasa mafy ny olona etỳ ambonin’ny tany, nefa tsy misy voka-tsoa azony amin’izany.

Mpitoriteny 12:7

Amin’izay no hiverina ho vovoka amin’ny tany nakana azy fahiny ny vatantsika fa ny fofonaina kosa hiverina amin’Andriamanitra Izay nanome antsika izany.

Mpitoriteny 3:20

Mitovy avokoa ny fiafaràn’ny mananaina rehetra fa samy hody vovoka izy satria vovoka no nanaovana azy.

Mpitoriteny 5:15

Fahoriana lehibe ho azy fa toy ny nahatongavany teto an-tany no handaozany azy. Inona no tombontsoa azony? Nisasa-poana fotsiny izy.

Daniela 12:2

Ary olona marobe izay matory ao amin’ny vovoka ao am-pasana no hifoha: ny sasany ho amin’ny fiainana mandrakizay ary ny sasany ho amin’ny henatra sy ny zava-mahatsiravina mandrakizay.

1Korintiana 15:47

Ilay olona voalohany dia avy amin’ny tany, ka tany; fa ilay olona faharoa dia avy any an-danitra.

Efesiana 4:28

Izay nangalatra, aoka tsy hangalatra intsony; fa aleo mikely aina manao zavatra tsara, mba hisy homeny izay sahirana.

1Tesaloniana 2:9

Tsaroanareo, ry havana, ny nikelezanay aina sy nisasaranay mafy; niasa andro aman’alina izahay mba tsy hanahirana na dia olona iray taminareo aza, fony izahay nitory taminareo ny Vaovao Mahafaly avy amin’Andriamanitra.

2Tesaloniana 3:10

Eny, fony tany aminareo izahay, dia namepetra anareo hoe: «Raha misy tsy te hiasa, aoka izy tsy hihinana!»

Hebreo 9:27

Tendry ho an’ny olona tokoa ny ho faty indray mandeha, ary avy eo dia hotsarain’Andriamanitra izy;