I Benjamina dia amboadia mamiravira; maraina izy homan-dremby, hariva izy mizara babo.»
Eksodosy 15:9 - Baiboly Katolika Hoy ny fahavalo: ‹Hanenjika ka hahatratra, Dia hizara babo aho, Ho afa-diana aho amin’ny valy fatiko. Hotsoahako ny sabatra dia haringan’ny tanako ireny.› Baiboly Protestanta Malagasy 2011 Hoy ny fahavalo: Hanenjika aho, hahatratra aho, hizara babo aho ka hameno ny tendako amin’izany, hotsoahiko ny sabatro ka hamongotra azy ny tanako. DIEM PROTESTANTA Dia hoy ireo fahavalony hoe: «Hoenjehintsika ireny ka hotratrarintsika, halaintsika ho babo ka hanaranantsika fo; hotsoahantsika ny sabatra, ka hamongotra azy ny tanantsika.» Dikateny Iombonana Eto Madagasikara Dia hoy ireo fahavalony hoe: «Hoenjehintsika ireny ka hotratrarintsika, halaintsika ho babo ka hanaranantsika fo; hotsoahantsika ny sabatra, ka hamongotra azy ny tanantsika.» Baiboly Protestanta Malagasy Hoy ny fahavalo: Hanenjika aho, hahatratra aho, Hizara babo aho ka hanao izay sitraky ny foko aminy, Hotsoahako ny sabatro, ka hamongotra azy ny tànako. Malagasy Bible Hoy ny fahavalo: Hanenjika aho, hahatratra aho, hizara babo aho ka hanao izay sitraky ny foko aminy, hotsoahako ny sabatra, ka hamongotra azy ny tanako. La Bible en Malgache Hoy ny fahavalo: Hanenjika aho, hahatratra aho, hizara babo aho ka hameno ny tendako amin’izany, hotsoahiko ny sabatro ka hamongotra azy ny tanako. |
I Benjamina dia amboadia mamiravira; maraina izy homan-dremby, hariva izy mizara babo.»
Manenjika ny fahavaloko aho, dia mandringana Izy; ary tsy miverina raha tsy ripaka ireny.
Ka naniraka olona ho any amin’i Elia, i Jezabela, hilaza aminy hoe: «Hataon’ireo andriamanitra amin’izay ngidiny indrindra anie aho, raha tsy ataoko toy ny ain’izy ireny tsirairay avy ny ainao, rahampitso toy izao.»
Naniraka olona i Benadaba hilaza amin’i Akaba hoe: «Hataon’ireo andriamanitra amin’izay ngidiny indrindra anie aho raha ho ampy eran-tanan’ilan’ny isan’olona manaraka ahy akory ny vovok’i Samaria.»
Nilazana ny mpanjakan’i Ejipta fa hoe: «Lasa nandositra ny vahoaka.» Tamin’izay dia voaova ny fon’i Faraôna sy ny mpanompony, ny amin’ny vahoaka, fa hoy izy ireo: «Naninona ity isika no nandefa an’i Israely handeha, ka namoy ny fanompoany antsika?»
Aleo miara-mietry tena amin’ny madinika, toy izay mira-mizara babo amin’ny mpiavonavona.
Iza tamin’ireo andriamanitry ny firenena rehetra ireo no nahavonjy ny taniny tamin’ny tanako, no hahavonjen’i Iaveh an’i Jerosalema amin’ny tanako?
Noho izany homeko anjara eo amin’ny lehibe Izy, ary hiara-mizara babo amin’ny mahery; satria nanolotra ny ainy ho faty izy, sady natao ho isan’ny mpanao ratsy: ary ny Tenany no nitondra ny fahotan’ny maro, sady hanao fifonana ho an’ny mpanota.
Izao no fiantsoantsony any: «Voa i Faraôna, mpanjakan’i Ejipta; nandiso ny fotoana mety izy!»
Notrobaranao tamin’ny zana-tsipìkany ihany, ny lohan’ireo antokon’olony, izay nibosesika hamely ahy, tamim-panaovana hobin-kafaliana toy ny efa handevona ny ory ao amin’ny fierin’izy ireo.
fa raha tonga kosa ny mahery noho izy ka mandresy azy, dia sady hahalasa ny fiadiany rehetra izay nitokiany no hizara izay nobaboiny.
Tsy nahita va izy ireo, tsy mizara babo va izy ireo? Zazavavy iray, zazavavy roa ho an’ny isa-mpiady; lamba misoratsoratra ho babon’i Sisarà; lamba samihafa soratra ho babo, lamba misoratsoratra iray, lamba roa samy hafa soratra ho eo an-tsoroky ny vavy.
ka nanontany an’i Iaveh i Davida nanao hoe: «Hanenjika izany jirika izany va aho? Hahatratra azy va aho?» Ary hoy ny navaliny: «Enjeho, fa hahatratra azy marina tokoa ianao sady hanafaka.»