Eksodosy 15:9 - DIEM PROTESTANTA

⁹ Dia hoy ireo fahavalony hoe: «Hoenjehintsika ireny ka hotratrarintsika, halaintsika ho babo ka hanaranantsika fo; hotsoahantsika ny sabatra, ka hamongotra azy ny tanantsika.»

Baiboly Protestanta Malagasy 2011

⁹ Hoy ny fahavalo: Hanenjika aho, hahatratra aho, hizara babo aho ka hameno ny tendako amin’izany, hotsoahiko ny sabatro ka hamongotra azy ny tanako.

Dikateny Iombonana Eto Madagasikara

⁹ Dia hoy ireo fahavalony hoe: «Hoenjehintsika ireny ka hotratrarintsika, halaintsika ho babo ka hanaranantsika fo; hotsoahantsika ny sabatra, ka hamongotra azy ny tanantsika.»

Baiboly Katolika

⁹ Hoy ny fahavalo: ‹Hanenjika ka hahatratra, Dia hizara babo aho, Ho afa-diana aho amin’ny valy fatiko. Hotsoahako ny sabatra dia haringan’ny tanako ireny.›

Baiboly Protestanta Malagasy

⁹ Hoy ny fahavalo: Hanenjika aho, hahatratra aho, Hizara babo aho ka hanao izay sitraky ny foko aminy, Hotsoahako ny sabatro, ka hamongotra azy ny tànako.

Malagasy Bible

⁹ Hoy ny fahavalo: Hanenjika aho, hahatratra aho, hizara babo aho ka hanao izay sitraky ny foko aminy, hotsoahako ny sabatra, ka hamongotra azy ny tanako.

La Bible en Malgache

⁹ Hoy ny fahavalo: Hanenjika aho, hahatratra aho, hizara babo aho ka hameno ny tendako amin’izany, hotsoahiko ny sabatro ka hamongotra azy ny tanako.

Eksodosy 15:9 Rohy Ifampitohizana

Genesisy 49:27

I Benjamîna dia toy ny amboadia masiaka: Ny maraina izy homan-dremby; ny hariva, mizara babo.

2Samoela 22:38

Manenji-pahavalo aho ka mandripaka azy, ary tsy miverina raha tsy efa ringako izy.

1Mpanjaka 19:2

Ary nandefa iraka tany amin’i Elià i Jezebela hanao hoe: «Enga anie ka hataon’ireo andriamanitra amiko ny famaizana faran’izay henjana indrindra, raha tsy afako toy ny nanaovanao ny ain’ny iray tamin’ireny koa ny ainao rahampitso tahaka izao!»

1Mpanjaka 20:10

Fa izy kosa mbola nampaniraka fanintelony ho amin’i Ahaba mpanjaka hoe: «Hataon’ireo andriamanitra amiko anie ny famaizana faran’izay mafy indrindra, raha avelako hisy hahafeno tanan’ilan’ny vahoaka rehetra manaraka ahy akory ny vovok’i Samaria!»

Eksodosy 14:5

Rehefa nambara tamin’ny mpanjakan’i Ejipta sy ny tandapany fa efa mandositra ny Israelita, dia niova hevitra ny momba azy ireo ny Farao sy ny mpanompony ka niteny hoe: «Inona ity nataontsika? Nahoana no nalefantsika hiala tamin’ny fanompoana antsika ny Israelita?»

Ohabolana 16:19

Aleo manetry tena miaraka amin’ny olona mahantra toy izay mizara babo miaraka amin’ny mpiavonavona.

Isaia 36:20

Tsy nisy tamin’ny andriamanitr’ireo tany ireo nahavonjy ny taniny tsy ho azon’ny tanako, koa ahoana no hahafahan’ny TOMPO hamonjy an’i Jerosalema tsy ho azon’ny tanako?› »

Isaia 53:12

Noho izany, dia homeko anjara lova eo amin’ny sehatry ny besinimaro izy ka olona alikisa no hataony babo, satria ny Mpanompoko efa nanolo-tena ho faty sy nanaiky hatao ho isan’ny mpanao ratsy; eny, izy no nitondra ny fahotan’ny besinimaro ary nanao fanelanelanana ho an’ny olo-meloka.»

Jeremia 46:17

Fa ny Farao mpanjakan’i Ejipta kosa dia omeo anaram-bosotra hoe: «Rabetabataba tsy misy vokany.»

Habakoka 3:14

Ny zana-tsipîkany ihany no anagorobahanao ny lohan’ireo mpitari-tafika fahavalo. Mibosesika toy ny tadio mahery izy, ka faly hampihahaka anay toy ny ampombo sady handevona mangingina izay resiny.

Lioka 11:22

Fa raha matanjaka noho izy kosa no tonga ka mandresy azy, dia io no haka ny fiadiana rehetra nitokiany ary handroba sy hizara ny fananany.

Mpitsara 5:30

«Manangona babo izay ny miaramila, ary mbola eo am-pizaràna azy: tovovavy iray na roa isaky ny mahery fo; karazan-damba miloko samy hafa sady vita peta-kofehy ho an’i Siserà; eny, lamba vita peta-kofehy anatiny sy ivelany no hahodidina ny vozon’ilay mpamabo.»

1Samoela 30:8

Ary nanontany tamin’ny TOMPO i Davida hoe: –Raha henjehiko ve ireny tontakely ireny, dia mety ho azoko? Ka hoy ny navalin’ny TOMPO azy: –Enjeho izy ireo fa ho azonao, ary dia hoafahanao ireo babo.