Matha 4:24 - Tiomna Nua 1951 (de Siúnta)

²⁴ Agus do leath a chlú ar fud tíre na Sithre ar fad, agus tugadh chuige iad‐san go léir ar a raibh easláinte, iad do bhí cráidhte le galaraibh ilghnéitheacha agus le piantaibh, agus go raibh deamhain ionnta, daoine go raibh an galar tuitimeach agus pairilis ortha; agus do leigheas sé iad.

An Tiomna Nua 1970 (Ó Cuinn)

²⁴ Mar sin leathnaigh a cháil ar fud na Síre, agus tugadh chuige na hothair, an dream a raibh plánna nó pianta orthu, nó deamhain iontu, nó titimeas nó pairilis orthu, agus leigheas sé iad.

Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

²⁴ Agus chuaidh a chliú amach ar fud na Síre go léir, agus thug siad chuige na daoine breoidhte go h-uile a bhí gaibhte ag galair agus pianta éagsamhla, iad sin a raibh deamhain ionnta, daoine a bhí as a meabhair, agus iad sin a raibh an galar creathach ortha, agus leigheas sé iad.

An Bíobla Naomhtha 1817 (Bedell)

²⁴ Agus do chúaidh a chlú feadh na Síria uile: agus tugadar chuige gach áon da raibh easlán agus ar na gcuibhreadh lé gálruighthubh agus le piántúibh éugsamhla, agus agá mbidis deamhain ionnta, agus do bhíodh tinn lé goin na raé, agus luchd pailirise; agus do shlánuigh sé iád.

Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

²⁴ Agus do leath a chlú ar fuid Siria go léir, agus do tugadh ag triall air na daoine go léir a bhí as a sláinte, gabhtha le galaraibh agus le piantaibh, agus daoine go raibh deamhain ionta, agus daoine a bhí as a meabhair, agus daoine a bhí gan lúth, agus do leighis sé iad.

An Tiomna Nua agus Leabhar na Salm 2012

²⁴ Chuaigh a chlú ar fud na Siria go léir, agus tugadh cách a bhí tinn ó gach sórt galair nó ag fulaingt piolóidí, daoine a raibh deamhain iontu, nó an titimeas orthu nó an phairilis, agus leigheas sé iad.

An Bíobla Naofa 1981

²⁴ Chuaigh a chlú ar fud na Síre go léir, agus tugadh cách a bhí tinn ó gach sort galair nó ag fulaingt piolóidí, daoine a raibh deamhain iontu, nó an titimeas orthu nó an phairilis, agus leigheas sé iad.

Matha 4:24 Tagairtí Cros

Matha 12:22

Annsin tugadh chuige duine ’n‐a raibh deamhan, agus é dall, bodhar: agus do leigheas sé é, ionnas gur labhair an balbhán, agus go raibh radharc aige.

Matha 14:1

Ins an am sin do‐chuala Ioruath, an téatrarc, an t‐iomrádh ar Íosa,

Matha 15:22

Agus féach, tháinig bean Chanáníteach amach as na críochaic sin, agus do liúigh sí, g‐á rádh, Déan thrócaire orm‐sa, a Thighearna, a Mhic Dháibhi; atá m’inghean d’á ciapadh go millteach ag deamhan.

Matha 17:15

A Thighearna, déan trócaire ar mo mhach: óir atá an galar tuitimeach air, agus atá sé go h‐an‐dona: óir tuiteann sé isteach sa teinidh go minic, agus san uisce go minic.

Matha 17:18

Agus do smachtuigh Íosa an deamhan; agus d’imthigh sé as: agus do bhí an buachaill slán ó’n uair sin amach.

Matha 4:23

Agus do ghluais Íosa ar fud na Galilé ar fad, ag teagasc ins na sionagógaibh, agus ag craobhscaoileadh soiscéil na ríoghachta, agus ag leigheas an uile ghalair agus breoiteachta i measc na ndaoine.

Matha 8:28

Agus nuair tháinig sé do’n taobh eile, isteach i dtír na nGadarénach, do casadh air beirt i n‐a raibh deamhain, agus iad ag teacht as na tuamaibh, agus iad an‐fhíochmhar, i dtreo nárbh fhéidir le duine ar bith gabháil an tslighe sin.

Matha 8:33

Agus do theich na buachaillí, agus do chuadar isteach sa gcathair, agus d’inniseadar gach aon nidh, agus i dtaobh ar éirigh dhoibh‐sean ’n‐a raibh na deamhain.

Matha 8:6

ag cur athchuinghe air, g‐á rádh, A Thighearna, atá mo ghiolla ’n‐a luighe sa tigh agus pairilis air, agus atá sé fá phian‐pháis mhóir.

Matha 9:26

Agus do leath a thuairisc sin ar fud na dúithche sin uile.

Matha 9:35

Agus do ghluais Íosa thart timcheall ins na cathrachaibh agus ins na bailtibh beaga, ag teagasc ’n‐a sionagógaibh, agus ag craobhscaoileadh soiscéil na ríoghachta, agus ag leigheas gach uile shóirt galair agus breoiteachta.

Marcas 1:28

Agus do leath a chlú láithreach ar fud críche Galilé fá gcuairt.

Marcas 1:32

Agus, tar éis dul faoi do’n ghréin, tráthnóna, thugadar chuige na daoine ar a raibh easláinte, agus iad‐san ’n‐a raibh deamhain.

Marcas 2:3

Agus tháinig daoine chuige agus fear pairiliseach ar iomchur aca, ceathrar do bhí ’g‐a iomchur.

Marcas 2:4

Agus, de bhrigh nárbh fhéidir dhóibh teacht i ngar dó mar gheall ar an sluagh, do nochtadar bárr an tighe i n‐a raibh sé: agus do rinneadar foscailt ann, agus do leigeadar síos an leaba ar a raibh an fear pairiliseach ’n‐a luighe.

Marcas 2:9

Cia is fusa, a rádh leis an bhfear pairiliseach, Atá do pheacaidhe maithte dhuit; nó a rádh, Éirigh, agus tóg do leaba, agus siubhal?

Lúcás 2:2

Ba é seo an chéad chómhaireamh do‐rinneadh an tráth ’n‐a raibh Curénius ’n‐a cheannphort ar an tSithir.

Lúcás 4:14

Agus tháinig Íosa ar ais, i gcumhacht an Spioraid, do’n Ghalilé: agus do leath a chlú ar fud na tíre uile sin, má gcuaird.

Lúcás 4:38

Nuair d’éirigh sé, ag imtheacht ó’n tsionagóig dó, do chuaidh sé isteach i dtigh Shíomóin. Agus do bhí fiabhras trom ar mháthair mná Shíomóin; agus do chuireadar athchuinghe ar a son air.

Lúcás 5:15

Acht ba mhóide do leath na scéala ’n‐a thaobh go mór: agus tháinig na sluaighte móra i n‐éinfheacht le chéile chum éisteachta leis, agus chum go leigheasfaidhe a ngalair.

Lúcás 5:24

Acht chum go mbéidh a fhios agaibh go bhfuil ughdarás ag Mac an Duine ar talamh chum peacaidhe do mhaitheamh (adubhairt sé leis an bhfear pairiliseach), Adeirim leat, Éirigh, agus tóg do thocht, agus téirigh chum do thighe.

Lúcás 7:17

Agus do leath an tuaraisc seo amach ar fud Iúdaea ar fad, agus ar fud na dúithche má gcuaird.

Eoin 10:21

Agus bhí tuilleadh aca adubhairt, Ní briathra duine go bhfuil deamhan ann iad sin. An bhféadfadh deamhan súile na ndall d’fhoscailt?

Gníomhartha 10:38

cionnas mar d’ong Dia Íosa Nasardha leis an Spiorad Naomh agus le cumhacht: gur ghluais sé roimhe ag déanamh deagh‐ghníomh, agus ag leigheas gach duine do bhí fá smacht an diabhail; óir do bhí Dia leis.

Gníomhartha 15:23

agus do chuireadar scríbhinn tré n‐a lámhaibh, Ó na h‐abstalaibh agus ó na bráithreachaibh is sine chum na mbráithreach de shliocht na gCineadhach i nAntuaigh, agus i Siria, agus i gCilicia, beatha agus sláinte:

Gníomhartha 15:41

Agus do chuaidh sé tré Shiria agus tré Chilicia, ag neartú na n‐eaglais.

Gníomhartha 28:9

Agus nuair do‐rinneadh sin tháinig a raibh de dhaoinibh tinne ar an oileán, agus do leigheasadh iad:

Gníomhartha 8:7

Óir do bhí mórán daoine as a dtáinig spioraidí neamh‐ghlana amach, ag éigheamh go h‐árd: agus do leigheasadh mórán go raibh pairilis ortha, agus do bhí ’n‐a máirtíneachaibh.