Filéamón 1:12 - An Bíobla Naofa 1981

¹² Is é cnú mo chroí é ach táim á chur ar ais chugat,

An Tiomna Nua 1970 (Ó Cuinn)

¹² Táim anois á scaoileadh ar ais abhaile chugat, cé gurb é an duine is ansa le mo chroi.

Tiomna Nua 1951 (de Siúnta)

¹² Tá sé féin curtha agam ar ais chugat, agus gur ab é mo chroidhe istigh féin é.

An Bíobla Naomhtha 1817 (Bedell)

¹² Noch do chuir mé ar a ais: agus gabhsa chugad é, mar mo chroídhe féin:

An Tiomna Nua agus Leabhar na Salm 2012

¹² Is é cnú mo chroí é ach táim dá chur ar ais chugat,

Filéamón 1:12 Tagairtí Cros

2 Samúéil 16:11

cén ceart atá ag aon duine a rá: ‘Cad chuige a ndearna tú seo?”’ Dúirt Dáiví le hAibísí agus lena chuid oifigeach go léir: “Ar ndóigh tá mo mhac féin, síol mo choirp, ag iarraidh mé a mharú anois. Cá hionadh, mar sin, gur mó a bheadh an Biniáimineach seo á iarraidh? Lig do a bheith ag mallachtaigh leis, más é sin an rud a dúirt an Tiarna leis.

Irimia 31:20

An ionúin liom mo mhac Eafráim an méid sin? An bhfuil mé chomh doirte sin air mar leanbh, nach bhfuil uair dá mbagraím air nach ag cuimhneamh air a bhím, nach formhothaithe mé i gcónaí ar a shon, go ligim do mo ghrámhaireacht a bheith ag tnúthán ina dhiaidh? Is é an Tiarna a labhraíonn.

Marcas 11:25

Agus nuair a bheidh sibh in bhur seasamh ag urnaí, má bhíonn aon ní agaibh i gcoinne aon duine, maithigí dó é, i dtreo go maithfeadh bhur nAthair sna flaithis bhur gcionta daoibhse chomh maith.

Lúcás 15:20

Chuir sé chun bóthair ag triall ar a athair. Ach le linn dó fós bheith i bhfad uaidh, chonaic a athair é agus ghabh trua é, agus rith sé chuige, á chaitheamh féin ar a bhráid agus á mhúchadh le póga.

Eifisigh 4:32

Bígí muinteartha le chéile agus atruach, ag maitheamh dá chéile faoi mar mhaith Dia daoibh féin i gCríost.

Deotranaimí 13:6

“Má dheanann do dheartháir, mac [d'athar nó] do mháthar, nó do mhac, nó d'iníon, nó do mhuirnín mná, nó do chara cléibh, thú a mhealladh faoi choim á rá: ‘Téanam agus déanaimís seirbhís do dhéithe eile’ (nárbh eol duit féin ná do d'aithreacha),

Filéamón 1:11

Ba bheag an chabhair duitse tráth é ach is fóinteach duitse agus domsa anois é.

Filéamón 1:13

cé go mb'fhearr liom é a choimeád agam chun freastal orm thar do cheannsa, fad atáim i ngéibheann ar son an dea-scéil.