Filéamón 1 - An Tiomna Nua 1970 (Ó Cuinn)

¹ Mise Pól atá i mo bhraighdeanach ar son Íosa an Críost, agus Timótéus ár mbráthair, Chugat a Philémóin ár gcomhoibrí ionúin

² agus chuig Afia ár siúr agus ár gcomrádaí cogaidh Arcipus, agus chuig an eaglais atá i do theach.

³ Grásta daoibh agus síocháin ó Dhia ár nAthair agus ón Tiarna Íosa Críost.

⁴ Níl am dá gcuimhním ort do do chur faoi bhri mo ghui nach mbim ag tabhairt buíochais do mo Dhia

⁵ faoin iomrá a chluinim i dtaobh do ghrá agus i dtaobh do dhfl-seachta don Tiarna Íosa agus do na naoimh uile go léir,

⁶ agus guim go méadóidh an chomhroinn seo de do chreideamh ár n eolas ar an maitheas a bhíos againn ó Chríost.

⁷ Mar is mór an só agus an sólás a bhain mé as do ghrá, a bhráthair na páirte, ós tú a thóg croíthe na naomh.

⁸ Ar an ábhar sin, siúd is go bhfuil uchtach agam ó Chríost leis an ní atá riachtanach a ordú duit,

⁹ is é is fearr liom a impi ort ar ghrá Dé—is ea, mise Pól, a bhíodh i mʼambasadóir agus atá anois i mo bhraighdeanach ar son Íosa an Críost—

¹⁰ iarraim dʼimpí ort ar son Onésimus, mo leanbh ar tharla mise i mʼathair aige le linn mo bhraigh-deanais,

¹¹ (a bhí roimhe seo éadairbheach duitse, ach atá anois lántairbheach don bheirt againn.)

¹² Táim anois á scaoileadh ar ais abhaile chugat, cé gurb é an duine is ansa le mo chroi.

¹³ Is é ab fhearr liom féin, go bhfanfadh sé agam, le bheith ag freastal orm thar do cheannsa chomh fada agus atá le caitheamh agam i mbraighdeanas ar son an tsoiscéil;

¹⁴ ach ní maith liom aon ní a dhéanamh gan cead uait ionas go mbeadh an mhaith sin agat de do dheoin agus ní de dʼainneoin.

¹⁵ Bʼfhéidir gurb é an fáth ar scar sé leat seal tamaill, ionas go bhfaighfeá seilbh shíoraí air dá bharr,

¹⁶ ach ní mar mhogha ach mar ní is mó ná mogha, mar bhráthair ionúin, agus dá dhílseacht le mo chroí é, nach mó go mór an dáimh is cóir a bheith agatsa leis, de thaobh an tsaoil seo agus de thaobh an Tiarna.

¹⁷ Mar sin má fheictear duit mise agus tusa bheith inár gcéilí comhair, glac tusa leis mar a ghlacfá liom féin.

¹⁸ Más rud é go bhfuil aon éagóir déanta aige ort, nó aon airgead agat air, níl le déanamh agat ach a insint go n íocfaidh mé as.

¹⁹ Mise, Pól, atá á scríobh le mo láimh féin, á rá go n íocfaidh mé as thú—cé nach luaim an chomaoin a bhfuil tú fúithi agam i dtaobh dʼanama dhílis féin.

²⁰ Is mar sin, a bhráthair liom, a iarraim ort an rud sin a dhéanamh dom ar ghrá an Tiarna. Tabhair an sásamh sin do mo chroi as ucht Chríost.

²¹ Táim ag scríobh chugat mar seo agus iontaoibh agam asat go dtabharfaidh dʼumhlacht ort nios mó a dhéanamh ná tá iarrtha agam ort.

²² Agus táim á rá leat san am céanna seomra aíochta a dhéanamh réidh i mo choinne, ó tá dóchas agam bheith agat mé féin mar thoradh ar do ghui.

²³ Tá Epafras ag beannú duit, atá i gcomhbhraighdeanas liom i níosa Críost,

²⁴ agus tá mo chomhoibrithe Marcas, Aristarcas, Démas agus Lúcás uilig ag beannú duit freisin.

²⁵ Go raibh grásta an Tiarna Íosa Críost libh in bhur sprid.