Iósua 16 - An Bíobla Naomhtha 1817 (Bedell) An Bíobla Naomhtha 1817 (Bedell)
Iósua 16

¹ Agus do thuit crannchar chloinne Ióseph ó Iordan láimh ré Iéricho, go huisge Iericho táobh shoir, gus an bhfásach théid suas ó Iericho ar feadh shléibhe Bétel,

² Agus theíd amach ó Bhetel go Lus, agus theíd ar fad go teórannuibh Archi go Hatarot,

³ Agus theíd síos a taobh shíar go cósta na Iaphleteach, go nuige cósta Bhetóron iochtarach, agus go Geser: agus ataíd a ndula amach sin ag an bhfairge,

⁴ Marsin do ghlacadar clann Ióseph, a noighreachd, Manasseh agus Ephráim.

⁵ ¶ Agus is marso do bhí teóra chloinne Ephraim do reír a muinntear: eadhon teóra a noighreachda ar an ttáoibh shoir do bé Atarot‐addar, go Betóron uachdarach;

⁶ Agus do chúaidh an teóra amach leath ris an bhfairge go Michmetah ar an ttaoibh thuáigh; agus do chuáidh an teóra timchioll don táoibh shoir go Taanat‐síloh, agus do chúaidh láimh ris air a noirthear go Ianohah;

⁷ Agus do chuáidh sin ó Ianohah go Hatarot, agus go Naarat, agus táinic go Iericho, agus do chuaidh amach ag Iordan.

⁸ Do chúaidh an teóra amach ó Thappuah don táoibh shíar go sruth Canah; agus do bhí a ndula amach ag an bhfairge. Sé so oighreachd threibhe chloinne Ephraim do réir a muinntear.

⁹ Agus na caithreacha leithreachuis do chloinn Ephraim do bhádar a measc oighreachda chloinne Manasseh, na caithreacha uile gun a mbailtibh.

¹⁰ ¶ Agus níor dhíbir siad amach na Cananítigh do chomhnuigh a Ngéser: achd do áitreabhadar na Cananítigh a measc na Nephraimíteach gus a niugh, agus foghnuid faoi áirdchíos dóibh.