Iósua 17 - An Bíobla Naomhtha 1817 (Bedell)

Caibidil XVII. Crannchar leth threibh oile Mhanasseh. 4 Agus ingheana Selophehad.

¹ Do bhí mar an cceadna cuid ronna ag treibh Mhanasseh; oir do bé céadmhac Ióseph é; do Mháchair ceidghin Mhanasseh, athair Ghílead: do chionn gur bfhear coguidh é, uíme sin fúair se Gilead agus Básan.

² Do bhí mar an ccéadna cuid ronna don chuid oile do chloinn Mhanasseh do reir a muinntear; do chloinn Abieser, do chloinn Helec, agus do chloinn Asriel, agus do chloinn Shechem, agus do chloinn Hepher, agus do chloinn Shemida: dob íad so clann fheardha Mhanasseh mhic Ióseph do réir a muintear.

³ Acht ag Selophehad, mhac Hepher, mhic Gilead, mhic Machir, mhic Manasseh, ní rabhadar mic, achd ingheana amháin aige: agus is íadse anmanna a inghean, Mahlah, Noah, Hoglah, Milcah, agus Tirsah.

⁴ Agus tangadar annsin a lathair Eleasar an sagairt, agus a lathair Iosua mhic Nun, agus a lathair a bpriónsadha, gha rádh, Do aithin an TIGHEARNA do Mháoise oighreachd do thabhairt dúinne a measc ar ndearbhraithreadh. Uimesin do réir aitheanta an TIGHEARNA thug sé oighreachd dóibh a measc dhearbhrathar a nathar.

⁵ Agus do thuit deich ccoda chum Manasseh, táobh amuich dfearann Ghíléad agus Básan, noch bhí ar an ttaóibh oile do Iordan;

⁶ Do bhrígh go bhfúaradar íngheana Mhanasseh oighreachd a measc a mhac: agus go bhfúaradar an chuid oile do mhacaibh Mhanasseh fearann Gilead.

⁷ ¶ Agus do bhí cósta Mhanasseh ó Aser go Michmetah, atá as coinne Shechem; agus do chuáidh an téora air fad ar an láimh dhéis go dúthchusaibh En‐tappuah.

⁸ Annois fúair Manasseh fearann Tappuah: achd Taphuah ar imeal Mhanasseh do budh lé cloinn Ephraim é;

⁹ Agus do chuáidh an cósta síos go srúth Canáh, budh dheas ó nabhuinn: atáid na caithreachasa Ephraim a measc chaithreach Mhanasseh: do bhí cósta Mhanasseh mar an gcéadna air an taóibh ó thuáigh do nabhuinn, agus do bhádar a ndula amach ag an bhfairge:

¹⁰ Ba le Ephraim budh dheas, agus ba le Manasseh budh thuáigh, agus sí an nfairge a théora; agus tárla le chéile íad ag Aser budh thuáigh, agus a Nissachar shoir.

¹¹ Agus fúair Manasseh a Nissachar agus a Naser Betsen agus a bailte, agus Ibleam agus a bailte agus dúthchusaigh Dor agus a bailte, agus dúthchusaigh Endor agus a baílte, agus dúthchusaigh Taanach agus a bailte, agus dúthchusaigh Megiddo agus a bailte, trí tíortha.

¹² ¶ Gidheadh níor fhéadadar clann Mhanasseh dúthchusaigh na gcaithreachsin do dhibirt amach; achd do choimhneochaidís na Canaanítigh annsa bhfearannsin.

¹³ Gidheadh tárla, a nuáir do fhásadar clann Israel láidir, gur chuireadar na Canaanítigh fá chíos; achd níor dhíbreadar amach go hiomlán íad.

¹⁴ ¶ Agus do labhradar clann Ioseph re Iosua, dhá rádh, Cred as nach ttug tú dhamsa achd éanchuid ronna agus éanchrannchair amháin a noighreachd, ó táim mórán daóine, do bhrígh gur bheannuigh an TIGHEARNA mé go ttí so?

¹⁵ Agus do fhreagair Iosua íad, Má tá tú mórán daóine, éirghidhe súas don tír choillteamhuil, agus gearr síos duit féin annsin a nduithche na Bperisíteach agus na naitheach, má tá slíabh Ephraim ro chumhang agad.

¹⁶ Agus a dubhradar clann Ioseph, Ní lór an cnoc dhúinn: agus thairis sin atáid carbuid íaruinn ag na Canaanítigh uile áitreabhas a bhfearann an ghleana, ag an luchd atá do Bhetsean gun a bailtibh, agus an luchd atá do ghleann Iesreel.

¹⁷ Agus do labhair Iosua re tigh Ióseph, re Hephraim agus re Manasseh, gha rádh, Is daóine móra sibhsi, agus atáid cumhachda móra aguibh: ní táobha ré éanchuid amháin bhías tú:

¹⁸ Acht budh leachd an slíabh; óir is coill é, agus gearrfa tú síos í: agus budh leachd a dula amach: óir cuirfidh tú na Canaanítigh amach, bíodh go bhfuílid carbaid íaruinn aca, agus bíodh go bhfuilid láidir.