DUNGWVNC 15:10 - ASII LAKDAP Bible (BSI)

¹⁰ Shatmaq ümniiraq tsitsü jangshi heakaütli, Tatiwe, Ejip mungti ka jü na thap wanto; tsangshiq ka chumtru na chunpo asang wan ikha phiiptsi rakrak thap wanto.

Hawa Naga Bible 2001

¹⁰ Yuq muinz Yehowa mnoz rueq raungguil kuex muy gay koq tueq, yuix rueq Ejip miqsaz kuex luimz gay tueq; tsuinghez kuex yuix daungx khung nuex junx ikhoc htuip wvnc wuez vtuex.

DUNGWVNC 15:10 Referencias Cruzadas

RAPHA HIQWA LAK 8:1

Shiikeawe raq Nowaq nai apaiq rai lai mong na nyamse thun sitlaq kra laqbaiq mak riito. Kiimaq apaiq raq ra tiihaito. Kiimaq jü ka riiwan wan she riiwanto.

2 SAMUEL 18:8

Reriikhat ka rum na ramsea chang binjü niishe riinyin wanto. Kiimaq maiq ka re jaq na ümchuwa tsaitaq kriithaq na apako ka rum na khoti jiimto.

NEHEMIA 9:11

Khamjong chum mong maq, ümsengi ma lam tankuq wan laü. Laüta lam shinriiqriiq hea maq, ümsengi nok ka tlea wan laü. Shatmaq tsangshiq jowantinok rewe ka, longpo khamjong chum na atiidea baiq ikha, wiita jü mong na tiithap baiq laü.

Tvtsvmc 135:7

Apaiq raq rathaiq phumda hiqsup rasup wa tsuq wantlo; raüta rachhai tiidong raüta rathaiq tiidongtlo, kiimaq apaiq raq atumtiip mong wa rahai tiidongtlo.

Tvtsvmc 147:18

Raütiishe apaiq raq aming kuqtlo, raüla tsak-hiiq ka ajam riikitlo; apaiq raq rahai tiisaütlo, raüta kham ka kihotlo.

DUNGWVNC 14:21

Mosheq raq ajaq ka khamjong chum khuthaq tiithi kiijaq tiinyi raüta shamshat riito. Kiimaq Tatiwe raq khamjong chum wa kham ka rahai shedong nü wa henghea tiisaü raüta tsuq baiqto. Rahai ka rawa minru tingkhit haito. Raüta khamjong chum wa kham ka siimko nai ri na tsuqbaiqto. Raüta ahea wea na lam ikha shinriiqriiq lam ka tan kuqto. Kham ka atiikho riibaiqto.

DUNGWVNC 15:5

Khamjong tsaü hea raq tsangshiq lam wanto; tsangshiq ka longkaü ikha chumphii mong na sang wanto.

TAKSU LAK 30:4

Ramungtan phaqchi tsinti juwa? Jurwa rahai ka ajaqphi na, khon raüta shamti? Jurwa sammoktra chum ka, khea thum na thopti? Juwa hiq rai ra rai kra, chumtapti? kriiwe mang ka juwa? ümniiraq asap haü shea? ase mang juwa?

ISAIA 11:15

Tati raq Suej khamjong chum anong wa kra atrü mirbaiq. Kiimaq apaiq raq rahai keihea tiihai raüta Euphretis rai ka tiishinriiq mitriibaiq. Raüta juse raisetiim aransetiim raimiishe kli mitiichong. Krai mren maiq wiita raq jeriiqriiqhea reko maq riita reko na mijin wan.

JEREMIA 10:13

Apaiq aming maq ra khuthaq wa kham thun ka moktrangtlo; Apaiq raq phum thun ka hiq tiisup wa tsuq wantlo. Apaiq raq rajun rai rachhai ralüp tiidongtlo. Raüta rahai ka atum mong wa tiiwatlo.

JEREMIA 46:17

“Ejip mung hokhamwe mang ka anye she mang ronglaq— ‘Banbok mii, Jurwa Apaiq Ma Akhing Ahea Tleabaiqto.’

AMO LUIK DVP (AMOS) 4:13

Amos raq ngutlo, “Tengto dea, pumjong thun tiiqti, kiimaq rahai tiidong wanti, maiqse han-ngam hiqda ma apaiq tiima tsantsii, tiichhike wanti. Ranaiq ka rawa ma tiija wanti, mangjong hiqraikhü tiiqlo wanti ka apaiq dea. Apaiq kata Tati Shiikeawe Ningkun Ajong Pinthum!”

Matthew 8:27

Kra chhi raütiishe, tsangshiq wiitarü ka, “Rathaiq watrang nai khamtso blun watrang riimin apaiq aming tailili arka jamkhiinok maiq wiinya?” nguta awang rai lam maq riibomto.

TRI CHONGKE 11:4

Tatiwe raq jamkho Ejip mung phenlabi ka tsangshiq kumrang kong rai nong nong maq kiimaq kumrang leng thun nong nong maq miqchup tiisiirai Khamshii Khamjong chum na tiithapbaiqtaq kra chhilan she. Tsangshiq ka namshiq jai jowan awa tiithen baiqto.