DUNGWVNC 15:11 - ASII LAKDAP Bible (BSI)

¹¹ “Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

Hawa Naga Bible 2001

¹¹ “Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

DUNGWVNC 15:11 Referencias Cruzadas

2 SAMUEL 7:22

Ümniika jonghea pinthum, Tati Rakaü Hiqwe lei! Ümnaq khan ahin ka jumin ahü she. Ümniikli dea Shiikeawe nguta naishiq raq wranaiq she sap wan kai.

1 HOKHVMX 8:23

Raüta akha achu jaüto, “Tatiwe Israilnok Shiikeawe, ümnaq akha phra shiikea ka ramungtan niimin ahü, kiimaq mangjong hiq mong nyang niimin ahü! Ümniiraq ümwokhong na tsapkapkap maq ümbom tai raüta siti ümsenginok ma, ümtongshong kiqkham bomtsi ka riikhaqli maq thütlaü kiimaq ümmangchan tsü ka tsangshiq ma tiichhi kuqtlaü.

1 KAÜWA WERAÜ 16:25

Tatiwe ka jonghea kra ningkhan apaiq ka kai shreng chang; phra tiikea tarü thaq na apaiq kli shreng chang.

2 KAÜWA WERAÜ 2:5

Ngi raq Shomjam ashi ajongwiq kaü mihai ha nguta thapthi kang. Jamkhano ngukla naishiq Shiikeawe ka laihin tiikea phra thaq na ajong.

2 KAÜWA WERAÜ 6:14

Raüta apaiq raq akha achu jaüto, “Tatiwe Israilnok Shiikeawe lei, ramungtan tlotli na kiimaq mangjong hiq raikhü tlotli na, ümnaq akha shiikea ka ahü. Ümniiraq ümsenginok rai ümtongshong bomtsi ka riikhaqli thütlaü, kiimaq tsangshiq ka tsan nai mongjii wiita kuq raüta phaqchii nichii maq ümwokhong na siraüla ümmangchan tsii ka tsangshiq ma tiichhi kuq tlaü.

Tvtsvmc 113:5

Tati nashiq Shiikeawe khan jumin ahü she. Apaiq ka ratsan ramong nyang na tsaühea na sitlo.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 136:4

Apaiq kli ajong pinthum awang chang jaqshamti; apaiq lungwii ka pattup pat-sa.

Tvtsvmc 145:17

Tatiwe raq phanrap sham-akai na tingting maq shamtlo, jaqshamtlaq wiita na tiihang raüta shamtlo.

Tvtsvmc 22:23

“Apaiq tiitsam ronglaq, namshiq Tatiwe jaqshisekong raq! Apaiq ka shreng ronglaq, namshiq Jakob saüse phan raq! Apaiq ka shomnoq ronglaq, namshiq Israilnok raq!

Tvtsvmc 35:10

Tsan nai mongjii wiita kuqlata ngi raq Tatiwe ma minguha, “Ümniikhan ka ahin jumin ahü. Ümniiraq jehin norebi ka ahong alabi jaqkhon wa tiiwong kuqtlaü, miitsan maiqsetiim ka tsangshiq haihiiti jaqkhon wa tiiwongkuq tlaü.”

Tvtsvmc 60:2

Ümniiraq naimung ka re tiidong laüta atiikhai banban bailaü, kiimaq mung ka wiita kholam kholiiq chumbaiqlaü; ümchaü ka amitsi thun kra tiiheakuqlaq, jamkhano ngukla mung ka wiitashe tiichai wanto.

Tvtsvmc 66:5

Warong ra, lantea Shiikeawe raq jamlaiwa shamtaq kra liiwa rongkiq, maiqse liipan na amao chang shamto.

Tvtsvmc 77:11

Ngi raq ümjaqsham jonghea sham wan laü thun kra tsan na mitiitsangha, Tatiwe lei; man na amao chang jaqsham wan laü thun kra ngi raq itsan na mitiima nongha.

Tvtsvmc 77:14

Ümniika awang chang jaqshamti Shiikeawe; ümniiraq üm ningkun ka pongmungti thun ma tiichhi kuqlaü she.

Tvtsvmc 77:19

Ümniika sammoktra chum blun tlaq kiijaq khumlaü; ümniiraq khamjong chum tsaühea kra jinwan laü, shatmaq kham thaq na ümhokme ka ahü riito.

Tvtsvmc 86:10

Ümningkun ka jonghea kiimaq pahea awang chang shamtlaü; ümniilishe Shiikeawe.

Tvtsvmc 86:8

Ümniikhan tisho ka ahü, O Tatiwe lei, ümniiraq jamlai wa shamlaü ka jurmin shamak dea.

Tvtsvmc 89:18

Ümnaq, O Tatiwe lei, ümniiraq naishiq tiiwongketi ka tsealaq; ümnaq, Israilnok Asii Shiikeawe raq, naishiq ma nai hokhamwe ka kuqlaq.

Tvtsvmc 90:11

Ümtsankhiq walü heng ka juro wiita sapta? Ümtsankhiq moktlaq kriiraq ümtinkhan wa mitiiphiip kra juro saptla?

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

DUNGWVNC 20:3

“Ngi tlea laüta ahin phra shomnoq maimak.

DUNGWVNC 3:20

Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.

DUNGWVNC 8:10

Kiijiishe hokhamwe raq treto, “Ngi miitu anap jaükuqlaq.” Mosheq raq treto, “Ümniiraq chongtlaü kra phan phan ngi raq achu mijaü kuq kang. Kiijiishetiq ümniiraq, Tatiwe, naishiq Shiikeawe khan ka shiikea ahin ahü nguta misap haü.

DUNGWVNC 8:6

Krai mren Aron raq anyeakii ka kham ümchuwa sitlaq kriithaq na ra na doto. Kiimaq makphang ka long wanto. Raüta hiq ma ra ma she mawanto.

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

ISAIA 30:11

Naishiq lam wa tiijintlo ronglaq. Naishiq lam ka naq tiibanbi rongkiq. Naishiq raq namshiq Shiikeawe asii Israilnok Shiikeawe bom chong ka tairo mai.”

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 40:25

Asii Shiikeawe ka jamlai rai wa mithapthi? Apaiq khan maiq ka weshi ra asi shea?

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 6:3

Tsangshiq ka tsangshiq liipan na akha riibomtlo: “Asii, asii, asii! Ajong Pinthum Tati ka asii! Apaiq khushü ngao raq mangjong hiq ka nyamtlo.”

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

JEREMIA 49:19

Jordan raikii binjü na rumnyangkhi mong wa, hangsi kaü ka dongho raüta Jordan rai tan na skukong rümchang sangphii rü wak ram binjü na dongho tlaq ikha. Ngi ka tiihanghiiq miili dongho lata Edom mungti ka tsang mung kiiwa mitiipin jobaiqha. Kra latiishe tsang mung pengti wela ka Ngi raq tsea lata mishongha. Ngi rai thapthi chang maiq ka asi sha? Ngi rai riilongti ka maiq asi sha? Ngi rai riikhettotti hokham ka asi sha?

LEWI 19:2

Israilnok ma akha chonglaq, “Namshiq ka asii sironglaq. Jamkhano ngukla Ngi ka Tatiwe, namshiq Shiikeawe ka asii.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

TRI CHONGKE 1:30

Tatiwe namshiq Shiikeawe raq namshiq ka mishea wan. Raüta apaiq raq namshiq miitu re ka mikhat kuq. Arka namshiq raq Ejip mungti jamkho khat kuqtaq kiikha mikhat kuq.

TRI CHONGKE 3:24

‘O Tati Rakaü Hiqwe lei, ngi raq asapha, ümniiraq ngi ma tiichhi kuq laü kriika ümniiraq jaqsham jonghea sham wan tlaü kiimaq awang chang jaq sham wan tlaü kriiwa, ralang apha wan lamlam se kli tiichhi kuq laü. Ümniiraq ningkun aheng maq jaq sham wan laü kriithun sham wanti phra ka ramungtan niimin ahü kiimaq mangjong hiq niimin ahü!

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

Revelation 13:4

Wiitarü raq prenkaü ka shomnoqto. Jamkhano ngukla, apaiq raq sammoktra jü mong wa adong wan ngamthaiq kaü ma, apaiq arang ho tlaq kra triisha kuqto. Tsangshiq raq jü mong maq adong ngamthaiq kaü kriimin shomnoqto. Tsangshiq nü maq akha abom lam maq shomnoq wanto, “Ara jü mong maq adong ngamthaiq kaü atinkhan ka juwa sitla? Ara ngamthaiq kaü arka juro mirkhat lot?”

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”

Revelation 4:8

Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”

1 SAMUEL 2:2

“Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.