DUNGWVNC 15:11 - Hawa Naga Bible 2001

¹¹ “Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

ASII LAKDAP Bible (BSI)

¹¹ “Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 15:11 Referencias Cruzadas

2 SAMUEL 7:22

Johvlc Yehowa lex, mnoz kuex mtanc wuez yungx vtuiux! Mnoz rulc rv-ngvlc jix ukhaq muinz httax muq; Mnoz dvyx Tishox rvtoq kuex nuiyshiq rueq mkaq muinz tuiuz taq vshix.

1 HOKHVMX 8:23

vjux thoz tueq kuex, “Yehowa Israel Tishox lex, raungmungx htauk nuex muinz, ghaq khung nuex muinz mnoz vkhoc tishox kuex httax muq shvmx! Mmiqsaz htenc rulc taq toq mbomkhvrc kuex mnoz rueq tvhungx tvmvrc vtueq, mnoz muex thuinz vmungx lotlaz maq tay phvnx vtueq tsuingshiq httax yaq nuex, tsuingshiq muex mlungwawc thuinz tvkhic kuq toq.

1 KAÜWA WERAÜ 16:25

Yehowa kuex yungc loayc hvlc ningkhvnc nuex pinhtumc tvtsvmc juing rvtueq; vpiq kuex tishox htenc htauk nuex muinz jvnc vtueq tvtsanc nganc mvy yaq.

2 KAÜWA WERAÜ 2:5

Nuiyshiq Tishox kuex vganc tishox htauk nuex muinz pinhtumc vyungx ningkhvnc nuex yunghvlc shomc yuimx vshiz guirc tvkoc ngaz rueq dvnc vshaungx.

2 KAÜWA WERAÜ 6:14

Piq rueq, “Yehowa Israel Tishox lex, raungx nuiyc ghaq lotlaz nuex mnoz rulc rv-ngvlc lot jix tishox kuex vguez. Mmiqsaz htenc rulc taq toq mbomkhvrc rulc vdvmz mnoz muex thuinz vmungx lotlaz maq tay phvnx vtueq httax yaq nuex tsuingshiq muex mlungwawc kuex tvkhic kuq toq.

Tvtsvmc 113:5

Yehowa naungshiq Tishox rulc rv-ngvlc jix washiz muinz vguez. Vpiq kuex raungwawc johvlc baung nuex httax yaq,

Tvtsvmc 119:120

Mnoz ningkhvnc nuex ngaz hiyaz vtaungx; mnoz rueq phox vshuiux lvmx htenc ningkhvnc nuex ngaz hiyaz thuinz mvrc yaq.

Tvtsvmc 136:4

Vpiq rueq dvyx vwangc juing romzyac yunghvlc ruez lot yaq; vpiq lungwawc kuex pattup httax yaq.

Tvtsvmc 145:17

Yehowa vpiq rueq shuimx wvnc tueq lotlaz nuex tsuingrux yaq rvtueq, vpiq yauk shuimc lotlaz nuex menjenc jix waz rvtueq.

Tvtsvmc 22:23

“Yehowa nvrc waz hez lex, vpiq muex tvtsvmc wuez shuinz! Yaku suiuz vsaz hez lex, vpiq muex tvtsanc nganc wuez shuinz! Israel miqsaz htenc lex, vpiq muex nawk palx wuez shuinz!

Tvtsvmc 35:10

“Mnoz rulc rv-ngvlc jix vshiz muinz httax muq. Mnoz rueq hungc vlaungc httaz hvlc waz yauk wawc vnulx waz kuex, tuinghtuing jix waz yauk wawc htemc saz waz kuex tvkhup wungx kuq vshuiux,” ngoz tueq ngvy thuinz vmungx lotlaz maq Yehowa muex jungx shaungx.

Tvtsvmc 60:2

Mnoz rueq ghaq vraungx kuex buil ruiux soalc vtueq lanx gay toq; kvruex khoz kay ningkhvnc nuex majuiuc vmac htenc kuex phemc tvhvlc shuiuz.

Tvtsvmc 66:5

Tishox rueq shuimx wvnc tueq yauk shuimc nuiyc miqsaz hvlwvl nuex, vpiq rueq shuimx wvnc tueq vwangc juing htenc kuex lawc kaz kuinz.

Tvtsvmc 77:11

Yehowa lex, mnoz rueq yungx luz vtuiux shuimc vkay htenc kuex ngaz rueq rvwvl lvp tauk; mnoz rueq shuimx wvnc toq vwangc juing phvnx kuex ngaz rueq tvmaung yek shaungx.

Tvtsvmc 77:14

Mnoz kuex pungx phvnx vwangc yauk shuimc htenc shuimc jix Tishox rvtoq; miqphvnx htenc hvlwvl nuex mnoz henghvlc hungc kuex tvkhic kuq toq.

Tvtsvmc 77:19

Mnoz kuex svmuktvrax yuix htauk nuex khuemx lvy wvnc vtueq thuiuz hvlc svmuktvrax kuex yanz wvnc toq; yuq muinz mhuk mal htenc kuex khiz lot miq.

Tvtsvmc 86:10

Mnoz kuex vyungx vluz raz tueq vwangc juing htenc kuex shuimx vshuiux; mnoz dvyx Tishox rvtoq.

Tvtsvmc 86:8

O Tishox lex, mnoz rulc rv-ngvlc jix tishox vshiz muinz vguez, mnoz rueq shuimx shuiux kv-khoc uraq muinz shuimx lot muq.

Tvtsvmc 89:18

O Yehowa lex, mnoz rueq nuiyshiq tvkhup wungx jix waz kuex thvl kuq phux; Israel muex Vsawc Tishox lex, mnoz rueq nuiyshiq tvkoc hokhvmx kuq phux.

Tvtsvmc 90:11

Mnoz luimc vkawc mvrc yaq thuinkhvy kuex ukhaq lac rvhumc wvnc tvnx? Mnoz tsanc hvlc thuinkhvy kuex mtanc lac tvhiz yaz yaq nguinx kuex uraq lac tuiuz yaq nguinx?

DUNGWVNC 18:11

Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

DUNGWVNC 20:3

“Ngaz maq lvy vtueq vganc tishox kuex nauk nawk palx.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

DUNGWVNC 8:10

Hokhvmx waz rueq, “Ngaz muex invp vjux thoz kuq koq,” ngoz tueq tvralc tueq. Moshe rueq, “Mnoz rueq jungx shuiux kvrulc rv-ngvlc thoz kuq phaungx, nuiyshiq Yehowa Tishox vkhoc tishox vguez lvmz kuex mnoz rueq tuiuz taq shuiux.

DUNGWVNC 8:6

Kvkhoc rvtueq Arun rueq yuix httax yaq lotlaz kvyuq ngvlhtulc kuex tenz koq tueq, lukburx htenc paunghvlc duiz wvnc vtueq, wvmungx tuimx nuex mvrx wvnc tueq.

DUNGWVNC 9:14

Mungkawx vruex yuq ngaz vkhoc ukhaq muinz httax muq lvmz kuex mnoz rueq tuiuz tvkoc, majuiuc lauk kuex mmiq vyungx vlaungx bix nuiyc mmiqsaz htenc kvdvyx ngaz rueq murx tvgurc phaungx rvmuq.

ISAIA 30:11

Nuiyshiq lvmx wawc kvbanc kuinz nuiyshiq lvmx nauk taung kaz. Nuiyshiq rueq nuimshiq Israel muex vsawc Tishox nuex seng yaq lvmz kuex tay roc miq.”

ISAIA 40:18

Tishox kuex ukhaq rulc tv-ngvlc lot juing lac? Vpiq kuex ukhaq rulc rv-ngvlc yaq lvmz mnoz rueq yvmx khoc lac jungx kuq lot shuiux?

ISAIA 40:25

Vsawc Tishox kuex ukhaq rulc lac tv-ngvlc lot shix? Vpiq rulc rv-ngvlc jix washiz shiz vhttax haz?

ISAIA 46:9

Mvnnuex jauz yaungx wvnc tueq lvmz kuex rvwvl wuez shuinz; ngaz vshiz dvyx Tishox rvtauk kvmuinz ngaz rulc rv-ngvlc jix vguez kvmuinz kvjungc wuez kuinz.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 6:3

Tsuinghez vshiz maq vshiz rueq ngoz yaq kuex: “Vsawc, vsawc, vsawc! Tvphaungc Tvsuip Yehowa kuex vsawc! Vpiq ngauz vngax kuex mungkawx nuex mvrc yaq.”

JEREMIA 10:16

Yaku Tishox kuex tsuinghez rulc rv-ngvlc muq; vpiq kuex phvnx ruip saz tvdungc sungc jix rvtueq, Israel kuex vpiq miqsaz shauk tvyaungc muex thvl taq tueq. Vpiq muingc kuex Tvphaungc Tvsuip Yehowa rvtueq.

JEREMIA 49:19

Hangsic kuex yaruix luingx wawc dung kaz yaq ikhoc Yodan ruilx hong wawc wuiljuit wuiljaungx renhttuingx ruix nuex httuiuc laz ngaz kaz vtueq, Edom miqsaz kuex tsuingshiq mungtan wawc vhuingc rvhek laz tvyuz gay shaungx. Kvkaq ngaz rueq vthvl taq walaungx waz rueq kvruex mungx kuex guimz shuex. Ngaz rulc tv-ngvlc lot jix ukhaq lac httax yaq nguinx? Uwaz lac ngaz rulc rvlongx palx phvnx? Mkhoc guimz lawc jix waz rueq lac ngaz kuex khawx lvlx lot phvnx?

LEWI 19:2

Israel mungx miqsaz muex vkhoc jungx kuq tueq, “Nuimshiq vsawc yaungc rax, yvmx khoc lac ngoz ruiux lec Ngaz Yehowa nuimshiq Tishox kuex vsawc rvtauk.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

Luke 12:5

Ukhaq muex hiz juing lac kuex ngaz rueq nuimshiq muex tvkhic kuq ix: gvnngvmx kuex thvy gay lot yix, ngarvyx mungx nuex tvdvy gay vrangx vpangx httax yaq waz Tishox muex kuex kvhiz wuez kuinz, ngaz rueq jungx vphaungx kvmac kvmx kuinz, vpiq kuex nuimshiq kvhiz juing waz rvtueq!

TRI CHONGKE 1:30

Yehowa nuimshiq Tishox rueq Ejip mungx nuiyc kumtsvy tvnx maq nuimshiq muex tvkhup wungx kuq wvnc kv-phuinx ikhoc, majuiuc muinz nuimshiq kuex shunshvlx vtueq nuimshiq muex ralx khvt kuq kv-phuinx. Vwaz rueq vsaz boq pvmx yaq ikhoc Yehowa rueq nuimshiq kuex boq pvmx vtueq vruex hong nuex tvhttuiuc laz shunshvlx kuq kv-phuinx lvmz kuex nuimshiq rueq khiz wvnc tuit shex,’ ngoz tueq jungx wvnc phaungx.

TRI CHONGKE 3:24

‘Yehowa lex, ngaz rueq shuimc juing yunghvlc vwangc juing yauk shuimc vromz vyac tanc khvnc dvyx ngaz muex tvkhic kuq phuex. Raungmungx nuex muinz, ghaq htauk vyuq muinz vpiq rueq kvkhoc yunghvlc yauk shuimc htenc kuex shuimc lot jix tishox kuex vguez!

TRI CHONGKE 33:26

Israel miqsaz lex, nuimshiq Tishox rulc tv-ngvlc juing tishox vganc vguez, Vpiq kuex ngauz vngax maq phuemx htauk nuex jauz vtueq, raungx kuex lvy laq vtueq nuimshiq muex romc kuy tvkoc httuiuc kaz tuex.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

Revelation 13:4

Yungrex kuiux piq vrangx vpangx kuex svl vwvl kuiux muex lekuy jix waz ningkhvnc nuex miq rueq yungrex kuiux kuex nawk palx wuez yaq. Tsuingshiq rueq svl vwvl kuiux kuex nawk palx vtueq, “Vruex svl vwvl kuiux rulc ukhaq rulc lac rv-ngvlc yaq nguinx? Piq rulc ukhaq lac rvlongx palx lot yaq nguinx?” ngoz tueq.

Revelation 15:4

Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.

Revelation 4:8

Kvruex ngvmx saz bvlic vtaungx nuex vraungx tvruk phok httax yaq, tsuingshiq shauk gvnz vmungx vtsec lotlaz nuex vmuik poz mvrc yaq. Tsuingshiq kuex raungnuiyq raungwvrx thauk muq maq: “Mvnnuex pat, majuiuc pat, yix maq pat httuiuc wvnc yaq nuex httax ruq httax yaq, Tvphaungc Tvsuip Taungjix Tishox kuex vsawc, vsawc, vsawc rvtueq,” ngoz tueq jungx yaq.

1 SAMUEL 2:2

Ukhaq muinz Yehowa ikhoc vsawc jix vguez; vpiq ikhoc ukhaq muinz httax muq, nuiyshiq Tishox rueq ikhoc tvkhup wungx kuy jix ukhaq muinz vguez.