DUNGWVNC 15:10 - Hawa Naga Bible 2001

¹⁰ Yuq muinz Yehowa mnoz rueq raungguil kuex muy gay koq tueq, yuix rueq Ejip miqsaz kuex luimz gay tueq; tsuinghez kuex yuix daungx khung nuex junx ikhoc htuip wvnc wuez vtuex.

ASII LAKDAP Bible (BSI)

¹⁰ Shatmaq ümniiraq tsitsü jangshi heakaütli, Tatiwe, Ejip mungti ka jü na thap wanto; tsangshiq ka chumtru na chunpo asang wan ikha phiiptsi rakrak thap wanto.

DUNGWVNC 15:10 Referencias Cruzadas

RAPHA HIQWA LAK 8:1

Tishox rueq Noa nuiyc svngpholix nuex httax yaq ngvmx saz htenc kuex lauk gay muq; vpiq rueq raungx tvguil koq tueq yuix kuex ruic wvnc phaungc tueq.

2 SAMUEL 18:8

Rvlungc rv-khvt wvnc kuex wvmungx tuimx nuex nyvmc wvnc vtueq, rv-khvt nuex thueyc tueq htauk nuex yaruix nuex yamx thueyc kuex vpaung rvtueq.

NEHEMIA 9:11

Mmiqsaz htenc tvkoc svmuktvrax kuex mnoz rueq tvpuc tvnc vtueq tsuingshiq kuex httuiz rawk yaq ghaq htauk maq tvkhuemc toq. Tsuingshiq yurc jix hez kuex svmuktvrax yuix daungx nuex, lung poz suingx wvnc yaq ikhoc yuix nuex htuip wvnc wuez vtuex.

Tvtsvmc 135:7

Ghaq tvsuip baung maq phuemx htenc kuex tvduiz ruiux; raunghtiq tvkoc raungmuk raunglep tvdung sung tueq, vpiq yuimx khok wawc raungguil kuex tvdung tueq.

Tvtsvmc 147:18

Kvruex yimaq vpiq rueq nvr kuq koq tueq tv-nguirx htenc kuex vyuimx rvwvnc tueq; raungx tvguil koq tueq yuix kuex kaz wvnc tueq.

DUNGWVNC 14:21

Moshe rueq svmuktvrax htauk nuex yauk kuex tenz koq tueq, Yehowa rueq shaldungc raungguil hungc hvlc kuex tvguil vtueq svmuktvrax yuix kuex tvyek tueq. Wvrx taungx svmuktvrax yuix kuex tvyek gay koq tueq, ghaq kuex wulthawk yaungx tueq. Yuix kuex rv-phvlc wvnc vtueq,

DUNGWVNC 15:5

Svmuktvrax yuix thuiuz hvlc rueq tsuingshiq kuex luimz wvnc vtueq; tsuingshiq kuex lung ikhoc ghaq nuex suingx wvnc tueq.

TAKSU LAK 30:4

Raungmungx nuex seng vtueq phaqjic kuex uraq lac shvmhvlx thenc yaq nguinx? Vyauk maq raungguil lvp tvy shec jix kuex ukhaq lac httax yaq nguinx? Khvymvnz nuex yuix htawp jix ukhaq lac httax yaq nguinx? Ghaq ruiy htenc kuex uraq lac tv-phaungx ngaungx taq tvnx? Piq kuex ukhaq lac? Vsaz kuex ukhaq lac? Mnoz rueq tuiuz shuiux haz?

ISAIA 11:15

Yehowa rueq raungguil kalc hvlc tvguil vtueq Su-et noc nuiyc Euphrat ruilx kuex tvruic gay ruiux, uraq muinz yanz lot yaq yuix saz ruilx mvshix dvyx shex httax tuex, kvkaq uraq muinz khuemx shamx lvp tuex.

JEREMIA 10:13

Vpiq rueq nvr tueq nuex raungx htauk wawc yuix htenc kuex vthuirc tvruingc rvwuez yaq; vpiq rueq ghaq tvsuip maq phuemx kuex tvkhuiuq tueq. Vpiq rueq raunglep nuiyc raungyunc kuex tvkaz vtueq raungguil muinz piq dungc jungx maq tvdung gay tueq.

JEREMIA 46:17

“Ejip hokhvmx waz muex muingc vnyalx kuq tueq kuex, ‘Piq vkhangx vhvlx kuex Tvlvy gay jix Thoalx Thvp Waz,’ ngoz tueq muingc tueq.

AMO LUIK DVP (AMOS) 4:13

Tishox kuex kanx htenc tvhungx jix waz ningkhvnc nuex raungguil kuex tvdung sung tueq. Vpiq rueq vpiq kvmungx kuex miq htenc muex tvtuiuz yaq; vpiq rueq raungnuiyq kuex raungwvrx nuex layc gay tueq. Vpiq kuex ghaq htauk vjoz nuex khuemx yaq. Vruex kuex vpiq muingc rvtueq: Tvphaungc Tvsuip Yehowa Tishox rvtueq!

Matthew 8:27

Vpiq kungjix hez kuex vwangc rvwuez vtueq, “Vruex waz kuex yvmx khoc lix miq lac rvtvnx? Raungguil nuiyc yuix daungx rueq muinz vpiq muex tay kuq yaq!” ngoz tueq.

TRI CHONGKE 11:4

Ejip nolaungx daungx kuex tsuingshiq mvre htenc, renc htenc maq nuimshiq kuex yurc khvt tueq nuex tsuingshiq kuex Yuix Shawx Jumx nuex tvhtuip gay ruiux, tvmaq suip ruez gay tueq kuex nuimshiq rueq khiz wvnc tuit.