DUNGWVNC 15:9 - Hawa Naga Bible 2001

⁹ Ralx rueq ngoc, ‘Ngaz rueq tsuingshiq kuex yurc vtueq lvp shaungx; tsuingshiq kox wawc vlvp hup svmx htenc kuex rv-phvlc vtueq, ngaz rueq vroc lvmz shaungx; ngvy yaung jvt vtueq tsuingshiq kuex lvnc shaungx.

ASII LAKDAP Bible (BSI)

⁹ Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

DUNGWVNC 15:9 Referencias Cruzadas

RAPHA HIQWA LAK 49:27

“Benjamin kuex vnyvlc phuiuz svy rvyaq shoalx rulc rv-ngvlc yaq. Raungnvp nuiyc raungyac kox nuex ngvmx kuex kauk vtueq phauk yaq.”

2 SAMUEL 22:38

Ngvy ralx htenc kuex ngaz rueq yurc vtueq khvt taungx gay tauk; tsuingshiq kuex tvbac gay lot nuex httuiuc laz ngaz rueq tvthauk gay shaungx rvmuq.

1 HOKHVMX 19:2

Jezreel rueq Eliya muex bomjungc tvtay tueq: “Invp raungnvp vtanc jauz, shvmmax bix kuex mnoz rueq ruez toq kvrulc rv-ngvlc mnoz kuex ngaz rueq ruez mauk ngoz ruiux yuq, tishox htenc rueq ngaz kuex tvthueyc laz mthvt gay phueq.”

1 HOKHVMX 20:10

Benhadad kox wawc kuex: “Vruex m-ghaqyungx kuex tvbac httak gay ruiux, tsuingshiq yauk maq lung huyx htenc kuex pix wvnc lot laz juing miq hungx tuex tanc khvnc ngaz rueq shvlx wvnc shaungx. Kvkhoc ngaz rueq ruez lot mauk ngoz ruiux yuq tishox htenc rueq ngaz kuex tvthueyc laz mthvt gay phueq!” ngoz tueq.

DUNGWVNC 14:5

Ejip hokhvmx waz rueq miq htenc yuz wvnc vtuex lvmz tay vtueq, piq nuiyc piq miq vyungx vlaungx bix kuex thuinz kvlayc wvnc yek vtueq, “Naunghez rueq yvmx lac rvgay tiq nguinx! Naungshiq dax Israel miqsaz kuex tvkaz gay tiq shex vnauz!” ngoz tueq rv-ngoc wuez tueq.

TAKSU LAK 16:19

Htemc vrvmc raz tueq thuinz tvyomx httaz kuex tuluimc jix miq vshiz shiz rulc vnyvlc hup svmx rv-phvlc tix htauk nuex muinz vhvlx pinhtumc rvtueq.

ISAIA 36:20

Vruex mungtan lotlaz wawc mkhoc phvnx tishox htenc rueq lac tsuingshiq mungtan kuex honoc waz yauk wawc mtanc jauz lac palc wvnc tueq shex haz? Kvmaq Yehowa rueq Yerusalem kuex palc wvnc lot shuex ngoz tueq nuimshiq rueq yvmx ngoz tueq lac tvmaung vshuinx?” ngoz tueq ramc tueq.

ISAIA 53:12

Kvkhoc rvtueq ngaz rueq vpiq kuex tvyungx luz vtueq, luimc vkawc vyungx jix hvlwvl nuex, tvtsanc nganc juing baungshiz kuq shaungx. Vpiq rueq vrullungx kuex vkuy roc thuinz maq kuq ruiux, layx bac jix waz hez rvhumc juing kuex rvhumc tueq. Vpiq rueq miq paunghvlc mvrax laung nuex tsuingshiq rvhumc aungx yaq kuex vpiq rvhumc tueq,” ngoz tueq jungx tueq.

JEREMIA 46:17

“Ejip hokhvmx waz muex muingc vnyalx kuq tueq kuex, ‘Piq vkhangx vhvlx kuex Tvlvy gay jix Thoalx Thvp Waz,’ ngoz tueq muingc tueq.

HABAKUK 3:14

Mlaq svnz rueq nolaungx yungx waz kuex tvlvt phot kaz wvnc tueq; piq nolaungx bix htenc kuex raunghtiq raungguil ikhoc nuiyshiq khvt tvkoc kaz yaq, tsuingshiq rueq htemc vrvmc miqsaz htenc kuex kuiyqshuik maq tuinghtuing gay muex hunglaungc lvp wuez yaq.

Luke 11:22

Yuq muinz piq htauk nuex hungc vlaungc httaz hvlc washiz kaz vtueq piq kuex taungx gay lot ruiux jix piq kvmluimx yaq yaung vpaq htenc nyvlc gay wvnc shuex, piq rueq kungkhux nuex vnyvlc lvp wvnc hup vsvmx htenc kuex rv-phvlc wvnc tuex.

PHOWEBI 5:30

“Tsuinghez kuex vlvp vruez taq hup vsvmx htenc kuex lvp rv-phvlc tvkoc muinz, nolaungx bix miq pumz tek vtueq yalxtux nyuiuz shiz rvmuq ngoz ruiux nyuiuz nueyc phok, Sisera tvkoc vhtawz vhttax khvymvnz, hokhvmx nyuiuz duingx nuex tvmarc khak tvkoc wvwuiyq wv-ngonc khvy dvyx thuiyx yaq.”

1 SAMUEL 30:8

Dawid rueq Yehowa muex ngoc, “Vkhoc tvbac httak jix miq hez yix nuex ngaz rueq yurc mvy yaq haz? Tsuinghez kuex lauz lot shaungx haz?” ngoz tueq wiz tueq. Vpiq rueq, “Tsuinghez yix kvyuq yurc shuiuz; tsuinghez kuex lauz laq vtueq, vthuq vruez laq miq htenc kuex palc wvnc lvp shuiux,” ngoz tueq tvralc tueq.