DUNGWVNC 15:9 - ASII LAKDAP Bible (BSI)

⁹ Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

Hawa Naga Bible 2001

⁹ Ralx rueq ngoc, ‘Ngaz rueq tsuingshiq kuex yurc vtueq lvp shaungx; tsuingshiq kox wawc vlvp hup svmx htenc kuex rv-phvlc vtueq, ngaz rueq vroc lvmz shaungx; ngvy yaung jvt vtueq tsuingshiq kuex lvnc shaungx.

DUNGWVNC 15:9 Referencias Cruzadas

RAPHA HIQWA LAK 49:27

“Benjamin ka aramtsi hea shekaü ikha, Ranap raji ngam kaq phaq tiikoli miraq.”

2 SAMUEL 22:38

Ngi raq ijaqtinok rotrot jowan kang; Lata wiita jiipbaiq wan kang. Tsangshiq mithum shaq wiiwii, jiipbaiq wan ruq khat wan kang.

1 HOKHVMX 19:2

Kiijiiseh Jejebel raq Elija ma tsütsa ka akhiishe tiichong wato: “Riita anap ranaiq atincho akhing na ümniiraq shammibi ka jamkho tsatbaiq laü kiikha ngi raq ümniika tsatbaiq mang riiha jiila, phrakong raq ngi ara tiitsailaq mitsat baiqlaq.”

1 HOKHVMX 20:10

Benhadad raq akha hali tiichonghoto: “Ahea Ngi raq maiq pahea sheaho lata ara ümchela arka tiibunlak mitiithen baiqkang. Lata longbun phong kra tsangshiq jaqphi na mitso wanha. Ngi raq ara klo mang riiha jiila, phrakong raq ngi ka tiitsailaq mitsat baiq laq!”

DUNGWVNC 14:5

Riita Ejip mung hokhamwe ma Israilnok ka laü wanto she nguta chongkiita, apaiq nai asengi ajong alabi raq tsangshiq tsantsii ka aklai she riinongto. Raüta tsangshiq liipan na akha riingoto, “Nashiq raq ara jamlai wa riikai? Nashiq raq Israilnok ka tiijubaiqkai she. Kiimaq tsangshiq ka nashiq dikong wa sumphaq kai she ahata!”

TAKSU LAK 16:19

Shiikong maiqse rai siraüta, maiqtsiiq arun wan phaqsea dam nam ma, aranse ma jaraüta, miitsan siriiwe ka ahea lin.

ISAIA 36:20

Arthun mungtan riimti phra kong raq, phra kaüshi ra raq, hokham ajongwe jaqkhon wa tsang mung ka ümtiiko tiichhiikuq ta? Ikhiijiika namshiq khutsai na Tatiwe raq Jerusalem mitiiwongkuq ngutiika jamkho tiima tlan?”

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

JEREMIA 46:17

“Ejip mung hokhamwe mang ka anye she mang ronglaq— ‘Banbok mii, Jurwa Apaiq Ma Akhing Ahea Tleabaiqto.’

HABAKUK 3:14

Ümliq sin raq aphentuwe, tlatchhat hiiqto. Tsangshiq ka naishiq khat kai, rathaiq ajong ikha wato, miitsan miijan maiqse bi ka, thohii phahü mitsa phaq i, nguta tsangshiq tsan na chochito.

Luke 11:22

Shatmaq, apaiq thaq na kuila ajong weshi kriishe misaü. Raüta kongkhu wiiwe kra mikhat. Raüta, mitang. Rekhat tang jai she, apaiq raq sepat lope tsiiq ümchuwa lap wantaq, kra thun kriika, arphea she mirwan.

PHOWEBI 5:30

“Tsangshiq ka sepat lopi riichom raüta, riiphea phaq na mochii kito, phenla weshi ma jechak se ka achhuq chhuq, riimakla anainai chhaq riiphea motlo, Sisera miika khea ahea pinthum kra, hokhamnyung dang na kai ma, khea na awaiq angon asi kra rittlo.”

1 SAMUEL 30:8

Kiijiishe Dawit raq Tatiwe ma, “Ngi raq rekong kra mijoho ha shea? Kiimaq ngi raq tsangshiq ka milokiha shea?” nguta waito. Kiijiishe Tatiwe raq treto, “Tsangshiq jai ka joho laq. Miloho haü. Laüta shumwikong thun kiimin mitiichhii wan haü.”