ЯНА 8:15 - Кнігі Святога Пісання - Біблія - Біблія — пераклад Чарняўскага (выданне 2017 года)

Вы судзіце паводле цела, а Я не суджу нікога.

Біблія (пераклад А.Бокуна)

Вы судзіце паводле цела; Я не суджу нікога.

Біблія (пераклад В. Сёмухі)

Вы мяркуеце па плоці; Я ня суджу нікога;

ЯНА 8:15 Крыжаваныя спасылкі

АМОСА 5:7

О вы, якія закон пераварочваеце ў палын, а справядлівасць топчаце па зямлі

АМОСА 6:12

Ці бягуць коні па скалах, або ці арэцца мора валамі; вы ж замяняеце закон на атруту, а плод справядлівасці — на палын.

АБАКУМА 1:4

Дзеля таго закон страчвае сваю моц, і суд не даходзіць да канца, бо бязбожнік крыўдзіць справядлівага, таму прысуд становіцца крывадушны.

ЛУКАША 12:14

Але Ён сказаў яму: «Чалавеча, хто ж паставіў Мяне суддзёй і размеркавальнікам над вамі?»

ЯНА 12:47

І хто пачуе словы Мае і не ўверуе, Я яго не суджу, бо Я не прыйшоў, каб судзіць свет, але каб збавіць свет.

ЯНА 18:36

Адказаў Ісус: «Маё Валадарства не з гэтага свету; каб Маё Валадарства было з гэтага свету, паслугачы Мае ваявалі б, каб не быў Я выдадзены юдэям; але Валадарства Маё цяпер не адгэтуль».

ЯНА 3:17

Бо не паслаў Бог Сына Свайго ў свет, каб судзіць свет, але каб свет быў збаўлены праз Яго.

ЯНА 7:24

Ды не судзіце па знешнасці, але судзіце справядлівым судом».

ЯНА 8:11

Адказала яна: «Ніхто, Госпадзе». Дык Ісус сказаў ёй: «І Я цябе не асуджаю. Ідзі і болей не грашы».

РЫМЛЯНАЎ 2:1

Таму няма выбачэння табе, кожны чалавеча, калі асуджаеш. Ды ў чым асуджаеш іншага, асуджаеш сябе, бо робіш тое самае ты, які асуджаеш.

1 КАРЫНФЯНАЎ 2:15

Духоўны ж судзіць усё, а яго ніхто не судзіць.

2 КАРЫНФЯНАЎ 5:16

Таму і мы ад гэтага часу не ведаем нікога паводле цела; і калі ж мы Хрыста спазналі паводле цела, дык ужо цяпер не ведаем.

ЯКАВА 2:4

Дык ці вы не судзіце ў сабе і ці не робіцеся суддзямі з нягоднымі думкамі?

1 ЦАРСТВАЎ 16:7

І Госпад сказаў Самуэлю: «Не глядзі на твар яго, ані на высокі рост яго, бо Я яго не выбраў; Я не вырашаю так, як чалавек: бо чалавек бачыць яўнае, а Госпад бачыць сэрца».