РЫМЛЯНАЎ 8:23 - Кнігі Святога Пісання - Біблія - Біблія — пераклад Чарняўскага (выданне 2017 года)

Ды не толькі, але і мы самі, маючы пачатак Духа, і мы ўнутры сябе ўздыхаем, чакаючы ўсынаўлення, адкуплення цела нашага.

Біблія (пераклад А.Бокуна)

І ня толькі яно, але і мы самі, маючы пачатак Духа, і мы самі ў сабе ўздыхаем, чакаючы ўсынаўленьня, адкупленьня цела нашага.

Біблія (пераклад В. Сёмухі)

і ня толькі яны, але і мы самі, маючы пачатак Духа, і мы ў сабе енчым, чакаючы ўсынаўленьня, адкупленьня цела нашага.

РЫМЛЯНАЎ 8:23 Крыжаваныя спасылкі

2 ЛЕТАПІСАЎ 31:5

Калі гэта дайшло да вушэй супольнасці, сыны Ізраэля ахвяравалі шмат пяршыняў збожжа, віна і аліўкавага алею, таксама мёду ды ўсяго, што родзіць зямля, і прынеслі з усяго багатыя дзесяціны.

ЛУКАША 20:36

Яны ўжо памерці не могуць: бо яны роўныя анёлам і ёсць сыны Божыя, ёсць сыны ўваскрэсення.

ЛУКАША 21:28

А калі гэта дзеяцца пачне, разгінайцеся і падымайце галовы вашы, бо набліжаецца адкупленне ваша».

РЫМЛЯНАЎ 5:11

І не толькі гэта, але пахваляемся Богам праз Госпада нашага Ісуса Хрыста, праз Якога мы атрымалі цяпер прымірэнне.

РЫМЛЯНАЎ 5:3

Ды не толькі гэтым, але пахваляемся таксама прыгнётам, ведаючы, што прыгнёт спараджае цярплівасць,

РЫМЛЯНАЎ 5:5

А надзея не ганьбіць, бо любоў Божая вылілася ў сэрцы нашы праз Духа Святога, Які нам дадзены.

РЫМЛЯНАЎ 7:24

Нешчаслівы я чалавек! Хто вызваліць мяне ад гэтага смяротнага цела?

РЫМЛЯНАЎ 8:19

Стварэнне бо прагна чакае аб’яўлення сыноў Божых.

1 КАРЫНФЯНАЎ 1:7

так што не маеце ніякай нястачы ласкі ў чаканні аб’яўлення Госпада нашага Ісуса Хрыста,

2 КАРЫНФЯНАЎ 1:22

Які запячатаў нас ды пакінуў заруку Духа ў сэрцах нашых.

2 КАРЫНФЯНАЎ 7:5

Бо калі мы прыбылі ў Мацэдонію, наша цела не мела ніякага супакою, але мы цярпелі ўсялякае гора: звонку – напасці, унутры – страхі.

ГАЛЯТАЎ 5:5

Мы ж духам ад веры маем надзею апраўдання.

ЭФЭСЯНАЎ 1:14

Які ёсць зарука спадчыны нашай для адкуплення ўласнасці і на хвалу Яго славы.

ЭФЭСЯНАЎ 4:30

І не засмучайце Святога Духа Божага, Якім вы пазначаны на дзень адкуплення.

ЭФЭСЯНАЎ 5:9

Плод жа Духа выяўляецца ва ўсякай дабрыні, і справядлівасці, і праўдзе.

2 ЦІМАФЕЯ 4:8

На заканчэнне рыхтуецца мне вянок справядлівасці, які мне дасць у той дзень Госпад, справядлівы Суддзя, ды не толькі мне, але і тым, якія палюбілі прыход Яго.

ЦІТА 2:13

чакаючы шчаслівай надзеі і з’яўлення славы магутнага Бога і Збаўцы нашага Ісуса Хрыста,

ГАБРЭЯЎ 9:28

так і Хрыстос адзін раз быў ахвяраваны дзеля знішчэння грахоў многіх, а другі раз з’явіцца не дзеля граху да тых, што Яго чакаюць, на збаўленне.

1 ПЯТРА 1:7

каб выпрабаваная ваша вера выявілася шмат даражэйшай за золата – яно, хоць і выпрабавана ў агні, ды ідзе на загубу, – на славу, пахвалу і гонар пры з’яўленні Ісуса Хрыста.

1 ЯНА 3:2

Улюбёныя, мы цяпер дзеці Божыя, але яшчэ не выявілася, кім мы будзем. Ведаем, што, калі гэта выявіцца, мы будзем падобныя да Яго, бо ўбачым Яго такім, якім Ён ёсць.