РЫМЛЯНАЎ 8:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Бо мы ўжо збаўлены надзеяй, аднак надзея бачная – гэта не надзея; бо калі хто бачыць, дык хіба спадзяецца хтосьці на тое, што бачыць?

Біблія (пераклад А.Бокуна)

²⁴ Бо мы збаўленыя надзеяй. А надзея ўбачаная ня ёсьць надзея, бо калі хто бачыць, чаго яму спадзявацца?

Біблія (пераклад В. Сёмухі)

²⁴ Бо мы ўратаваныя праз надзею. А надзея, калі бачыць, ня ёсьць надзея; бо, калі хто бачыць, дык навошта ж яму і спадзявацца?

РЫМЛЯНАЎ 8:24 Крыжаваныя спасылкі

ГАБРЭЯЎ 11:1

Вера – гэта здзяйсненне чаканага і пэўнасць у рэчах, якіх не бачым.

2 КАРЫНФЯНАЎ 5:7

бо ходзім вераю, а не бачаннем.

2 КАРЫНФЯНАЎ 4:18

Бо мы не глядзім на тое, што бачнае, але на тое, што нябачнае, бо бачныя рэчы – часовыя, а нябачныя – вечныя.

1 ПЯТРА 1:21

якія праз Яго ўверылі ў Бога, Які ўваскрасіў Яго з мёртвых і даў Яму славу, каб вера ваша і надзея былі скіраваны да Бога.

1 ФЕСАЛОНІКІЙЦАЎ 5:8

Мы ж, якія належым дню, будзем цвярозымі, адзетымі ў панцыр веры і любові і ў шлем надзеі збаўлення.

1 ПЯТРА 1:3

Дабраславёны Бог і Айцец Госпада нашага Ісуса Хрыста, Які ў вялікай міласэрнасці Сваёй праз уваскрэсенне з памерлых Ісуса Хрыста адрадзіў нас да жывой надзеі,

РЫМЛЯНАЎ 12:12

у надзеі будзьце радасныя, у горы цярплівыя, у малітве сталыя,

РЫМЛЯНАЎ 5:2

праз Якога вераю маем доступ да той ласкі, у якой трываем, ды пахваляемся надзеяй славы Божай.

РЫМЛЯНАЎ 15:13

А Бог надзеі хай напоўніць вас усякаю радасцю і супакоем у веры, каб праз моц Духа Святога вы ўзбагаціліся надзеяй.

КАЛАСЯНАЎ 1:27

якім захацеў Бог выявіць, якое багацце славы гэтай таямніцы сярод паганаў. Гэта ёсць Хрыстос у вас, надзея хвалы.

РЫМЛЯНАЎ 15:4

Бо ўсё, што было калісьці напісана, у павучанне нам напісана, каб мы праз цярплівасць і пацяшэнне з Пісання мелі надзею.

ГАЛЯТАЎ 5:5

Мы ж духам ад веры маем надзею апраўдання.

ПСАЛТЫР 146:5

Шчасны той, каму Бог Якубаў успаможца, чыя надзея ў Госпадзе Богу сваім,

1 ЯНА 3:3

І кожны, хто мае такую надзею ў Ім, ачышчае сябе падобна таму, як Ён чысты.

2 ФЕСАЛОНІКІЙЦАЎ 2:16

Хай жа Сам Госпад наш Ісус Хрыстос і Бог, Айцец наш, Які ўзлюбіў нас і даў вечнае суцяшэнне і добрую надзею ў ласцы,

КАЛАСЯНАЎ 1:23

калі толькі застанецеся моцнымі верай, стойкімі і непарушнымі ў надзеі Евангелля, якое вы чулі, якое абвяшчаецца ўсяму стварэнню, якое пад небам, якога я, Паўла, стаўся паслугачом.

КАЛАСЯНАЎ 1:5

дзеля надзеі, якая прыгатавана для вас у небе, аб якой чулі вы раней у слове праўды Евангелля,

1 КАРЫНФЯНАЎ 13:13

Дык цяпер трываюць гэтыя тры: вера, надзея і любоў; але большая з іх – любоў.

ЗАХАРЫІ 9:12

Вярніцеся ў крэпасць, вязні надзеі; сёння таксама абвяшчаю, што аддам табе ў два разы.

ЕРАМІІ 17:7

Дабраславёны чалавек, які спадзяецца на Госпада; і Госпад будзе надзеяй яго;

ПСАЛТЫР 33:18

Вось вочы Госпада над тымі, што Яго баяцца, і да тых, якія спадзяюцца на Яго ласку.

ПСАЛТЫР 33:22

Дык няхай жыве міласэрнасць Твая, Госпадзе, да нас, як і мы ўскладаем надзею на Цябе.

ВЫСЛОЎІ 14:32

Уласнай сапсаванасцю будзе забіты бязбожнік, а справядлівы спадзяецца на несапсаванасць сваю.

РЫМЛЯНАЎ 4:18

Ён насуперак надзеі паверыў надзеі стацца бацькам многіх народаў, як было сказана: «Такім будзе патомства тваё».

РЫМЛЯНАЎ 8:20

Бо стварэнне скарылася марнасці не самахоць, але па волі Таго, Хто пакарыў, з надзеяй,

ЦІТА 3:7

каб мы, апраўданыя ласкай Яго, сталіся спадкаемцамі паводле надзеі жыцця вечнага.