МАЦЬВЕЯ 7:29 - Кнігі Святога Пісання - Біблія - Біблія — пераклад Чарняўскага (выданне 2017 года)

Бо вучыў Ён іх, як Той, Хто мае ўладу, а не як іх кніжнікі.

Біблія (пераклад А.Бокуна)

бо Ён вучыў іх, як той, хто мае ўладу, і не як кніжнікі.

Біблія (пераклад В. Сёмухі)

бо Ён іх вучыў як той, хто мае ўладу, а не як кніжнікі і фарысэі.

МАЦЬВЕЯ 7:29 Крыжаваныя спасылкі

ЭКЛЕЗІЯСТА 8:4

Бо слова яго поўнае моцы, ніхто не можа сказаць яму: «Чаму так робіш?»

ІСАІ 50:4

Госпад Бог надзяліў мяне языком вымоўным, каб здолеў я падтрымаць таго, хто знямогся ў слове; кожную раніцу Ён абуджае, абуджае вуха маё, каб слухаў я Яго, як вучань.

МІХЕЯ 3:8

А я — поўны моцы Духа Госпадавага, справядлівасці і мужнасці, каб выяўляць Якубу злачынства яго і Ізраэлю — грэх яго.

МАЦЬВЕЯ 28:18

Ісус жа, падышоўшы да іх, загаварыў, кажучы: «Дадзена Мне ўся ўлада на небе і на зямлі.

МАЦЬВЕЯ 5:20

Бо кажу вам: калі ваша справядлівасць не будзе большай, чым у кніжнікаў і ў фарысеяў, не ўвойдзеце вы ў Валадарства Нябеснае.

МАЦЬВЕЯ 5:28

А Я вам кажу, што кожны, хто глядзіць на жанчыну, прагнучы яе, ужо яе зчужаложыў у сэрцы сваім.

МАЦЬВЕЯ 5:32

А Я кажу вам: кожны, хто пакідае жонку сваю, акрамя як з прычыны яе распусты, выстаўляе яе на чужаложства. І той, хто жэніцца з ёю, чужаложыць.

МАЦЬВЕЯ 5:44

А Я кажу вам: любіце ворагаў сваіх дабраслаўляйце тых, хто праклінае вас, дабро рабіце тым, што ненавідзяць вас, і маліцеся за тых, якія крыўдзяць і гоняць вас,

МАЦЬВЕЯ 7:28

І сталася, калі Ісус скончыў гэтыя словы, дзівіліся многія людзі з вучэння Яго.

МАЦЬВЕЯ 8:1

Калі Ён сышоў з гары, вялікае мноства людзей ішло за Ім следам.

ЛУКАША 20:8

І Ісус гаворыць ім: «Я таксама не скажу вам, якою ўладаю гэта раблю».

ЛУКАША 21:15

бо Я дам вам вусны і мудрасць, якой не змогуць ні пярэчыць, ні супрацьстаць усе праціўнікі вашы.

ДЗЕІ 6:10

І не маглі яны ўстаяць супраць мудрасці і Духа, у Якім ён прамаўляў.