ЕРАМІІ 10:14 - Кнігі Святога Пісання - Біблія - Біблія — пераклад Чарняўскага (выданне 2017 года)

Неразумным стаўся кожны чалавек ды невучоным; пасаромлены кожны майстар ідалам, бо тое, што ён выліў, — фальшывае, і няма духу ў іх.

Біблія (пераклад А.Бокуна)

Кожны чалавек бяз веданьня — дурны, будзе асаромлены кожны залатар, [які робіць] ідала, бо тое, што зрабіў, падман, і няма духа ў іх.

Біблія (пераклад В. Сёмухі)

Вар'яцее кожны чалавек у сваім веданьні, сарамаціць сябе кожны гутнік балванам сваім, бо выплаўленае ім ёсьць мана, і няма ў ім духу.

ЕРАМІІ 10:14 Крыжаваныя спасылкі

ПСАЛТЫР 14:2

Госпад з неба глядзіць на сыноў чалавечых, каб убачыць, ці ёсць разумны, хто Бога шукае.

ПСАЛТЫР 92:6

Якія ж велічныя справы Твае, Госпадзе: надзвычай глыбокімі сталіся задумы Твае!

ПСАЛТЫР 94:8

Зразумейце, неразумныя ў народзе, бязглуздыя, калі паразумнееце?

ПСАЛТЫР 97:7

Хай пасаромяцца ўсе, што пакланяюцца ідалам і што выхваляюцца балванамі сваімі. Пакланіцеся Яму, усе анёлы Яго.

ВЫСЛОЎІ 30:2

Вось, я найбольшы невук з людзей і мудрасці чалавечай няма ў мяне;

ІСАІ 42:17

Павярнуліся яны назад; хай пасаромеюцца ад ганьбы тыя, хто вераць у ідалаў, якія кажуць літому балвану: «Вы — нашы багі».

ІСАІ 44:11

Вось, усе ўдзельнікі гэтага засаромеюцца; бо творцы іх самі з’яўляюцца людзьмі. Хай сыдуцца ўсе і стаяць. Разам усе спалохаюцца і засаромеюцца.

ІСАІ 45:16

Майстры ідалаў засаромеліся і пачырванелі ўсе, адышлі яны ўсе разам на ганьбу.

ІСАІ 57:12

Я абвяшчу справядлівасць тваю і ўчынкі твае, яны не дапамогуць табе.

ЕРАМІІ 10:5

Яны — як пудзіла на агурковішчы, не гавораць яны, іх носяць, бо яны не могуць хадзіць: не бойцеся іх, бо не могуць ані блага рабіць, ані добра».

ЕРАМІІ 10:8

Усе яны аднолькава цёмныя і неразумныя, і пустая іх навука, бо яны з дрэва.

РЫМЛЯНАЎ 1:25

Бо праўду Божую замянілі на зман і пакланяліся і служылі стварэнню замест Творцы, Які дабраславёны навечна. Амін.

1 ЦАРСТВАЎ 5:4

І зноў на другі дзень, рана ўстаўшы, знайшлі Дагона, што ляжаў тварам сваім уніз перад каўчэгам Бога Ізраэля; галава ж Дагона і дзве далоні рук яго, адсечаныя, ляжалі на парозе: а толькі тулава Дагона засталося пры ім.