3 ЦАРСТВАЎ 6:38 - Кнігі Святога Пісання - Біблія - Біблія — пераклад Чарняўскага (выданне 2017 года)

і ў адзінаццатым годзе, у месяцы Буль, — гэта восьмы месяц, — была закончана святыня з усімі прыладамі яе і з ўсім упарадкаваннем; і будаваў ён яе сем гадоў.

Біблія (пераклад А.Бокуна)

а ў адзінаццатым годзе, у месяцы Буль, значыцца, у восьмым месяцы, быў скончаны Дом [Божы] з усімі прыналежнасьцямі ягонымі і з усім упарадкаваньнем яго. Будаваў яго [Салямон] сем гадоў.

Біблія (пераклад В. Сёмухі)

а на адзінаццатым годзе, у месяцы Бул, - гэта месяц восьмы, - ён закончыў храм з усімі прыналежнасьцямі яго і паводле ўсіх прадпісаньняў ягоных: будаваў яго сем гадоў.

3 ЦАРСТВАЎ 6:38 Крыжаваныя спасылкі

3 ЦАРСТВАЎ 6:1

У чатырыста васьмідзесятым годзе па выхадзе ізраэльцаў з зямлі Егіпецкай, на чацвёрты год царавання Саламона над Ізраэлем, у месяцы Зіў, — гэта другі месяц, — пачаў ён будаваць дом Госпаду.

3 ЦАРСТВАЎ 6:14

Дык пабудаваў Саламон святыню, і закончыў яе.

3 ЦАРСТВАЎ 6:37

Дом Госпада быў заснаваны ў месяцы Зіў, у чацвёртым годзе,

3 ЦАРСТВАЎ 6:9

І пабудаваў ён святыню, і скончыў яе; таксама абшыў ён святыню кедравымі дошкамі.

3 ЦАРСТВАЎ 7:1

А свой дом будаваў Саламон трынаццаць гадоў, пакуль цалкам закончыў яго.

3 ЦАРСТВАЎ 9:10

А па дваццаці гадах, пасля таго як Саламон збудаваў два дамы, — гэта значыць святыню Госпада і палац царскі, —

1 ЛЕТАПІСАЎ 28:19

«Усё, — кажа Давід, — прыйшло да мяне напісаным рукой Госпада, каб я разумеў усе працы на прыкладзе».

1 ЛЕТАПІСАЎ 28:20

Таксама казаў Давід свайму сыну Саламону: «Дзейнічай мужна, і набярыся сілы, і спаўняй, не бойся і не трывожся; бо Госпад, Бог мой, будзе з табой, і не пакіне цябе, і не адвернецца, пакуль не выканаеш усё, што патрэбна для пабудовы дома Госпадава.

2 ЛЕТАПІСАЎ 8:1

Праз дваццаць гадоў пасля таго, як Саламон пабудаваў дом Госпада і сабе палац,

2 ЛЕТАПІСАЎ 8:16

І былі скончаны ўсе справы Саламона ад таго дня, у які заклаў падмуркі дома Госпада аж да дня поўнага завяршэння яго.

ЭЗДРЫ 5:11

А далі яны нам адказ такімі словамі: “Мы — паслугачы Бога неба і зямлі, і будуем святыню, якая была пабудавана многа гадоў таму, і якую будаваў і скончыў вялікі цар Ізраэля.

ВЫХАД 39:32

Так была скончана ўся работа да скініі і палаткі сустрэчы; і сыны Ізраэля выканалі ўсё, што загадаў Госпад Майсею: так і зрабілі.

ВЫХАД 39:42

прынеслі сыны Ізраэля, як загадаў Госпад Майсею.

ВЫХАД 39:43

І, калі Майсей убачыў, што ўсё выканана, як загадаў Госпад, ён дабраславіў іх.

ЗАХАРЫІ 4:9

«Рукі Зарабабэля заснавалі дом гэты, і рукі яго скончаць яго, ды ведайце, што Госпад Магуццяў паслаў Мяне да вас.

ЯНА 2:20

Дык сказалі тады юдэі: «Сорак шэсць гадоў будавалі гэтую святыню, а Ты ў тры дні адбудуеш яе?»